孫興民能夠於熱刺爭取更多上陣機會嗎?

足球基地 於 18/11/2017 發表 收藏文章
係英超近兩季來說,熱刺係英超都算進步得頗快。熱刺以前只係為前四嘅目標進發,但現時已經係歐聯16強中佔一席,贏皇家馬德里已經並非單純一場勝利咁簡單,已經證明熱刺有能力成為歐洲嘅頂級球隊。
達到呢一個成績,普捷天奴無疑有最大功勞。係普捷天奴嘅帶領下,近乎所以球員都有所進步,就例如前線嘅哈利簡尼、中場有迪尼阿里、後防有維頓漢同艾達韋列特,但係熱刺陣中嘅無名英雄,係南韓嘅翼鋒孫興民。孫興民並非每一場嘅正選,但佢一上場就可以扭轉局勢同作出重大貢獻。
孫興民今季表現如何?
孫興民今季踢過唔同位置,例如左右翼、前鋒甚至係翼衛。普捷天奴係面對不同類型嘅球隊都會用不同陣型,而普捷天奴非常信任孫興民能夠勝任不同位置及戰術,因此對普捷天奴來說係非常重要。截至為止,孫興民為熱刺上陣12場,入3球0助攻,而佢係英超平均每一場射門2.66次及創造1.42次機會。雖然比上季嘅平均一場3.48射門及創造1.91個機會,但畢究球季都只係踢了大約1/4,上季數據如此亮麗係因為季未哈利簡尼缺陣因此有更多機會上陣。係防守方面,孫興民今季平均每場有0.71次搶球及0.71次截球,比上季嘅0.48次同0.3次多。
普捷天奴今季戰術要求球員更多壓迫同奪回控球權,孫興民都均能夠勝任。
國際賽後又能否有穩定上陣時間?
近三場比賽中,孫興民已經入了2球。孫興民係國家隊時,係必然嘅正選,亦難以動搖其係國家隊嘅地位同位置,但係熱刺卻係另一回事。以佢係上場英超對陣水晶宮嘅表現,相信可以為佢爭取更多上陣時間。不過孫興民難以穩定上陣,因為熱刺嘅攻擊鐵三角(哈利簡尼、艾歷臣、迪尼阿里)之間嘅化學反應為球隊帶來具大正面影響,但普捷天奴還須要孫興民實行戰術尤其熱刺踢英超同歐聯兩個主要賽事。

總結:
孫興民可能會有更多上陣機會,因為佢對普捷天奴愈來愈重要,孫興民能成為扭轉局勢嘅球員,又可以發揮出穩定表現並實行戰術。可惜都敵不過進攻鐵三角,除非鐵三角中崩掉一個,孫興民要經常成為球隊正選十一人,都非易事。

Reference: http://tbrfootball.com/175062-2/
https://www.whoscored.com/
標籤: 熱刺  孫興民  普捷天奴  英超  

留言


請按此登錄後留言。未成為會員? 立即註冊
    快捷鍵:←
    快捷鍵:→