前修咸頓主帥成為李斯特城新帥

足球基地 於 26/10/2017 發表 收藏文章
李斯特城係大約一星期前辭退莎士比亞,由莎士比亞嘅助理領隊艾普頓(Michael Appleton)為看守領隊。艾普頓帶領過球隊兩場比賽並全勝,贏了分別星期六對史雲斯嘅英超比賽同星期二晚對列斯聯嘅聯賽盃比賽。
而係英國時間大約8點(香港凌晨3點),李斯特城官方宣佈由前修咸頓主師佩爾成為李斯特城主師,簽約兩年半,佩爾係被修咸頓辭退嘅四個月後搵到新工作,而艾普頓會留任為助理領隊。佩爾曾經執教過摩納哥、里爾、里昂、尼斯及修咸頓,而上季16/17球季佩爾就係修咸頓領隊。佩爾係英超執教過38場,12勝10和16敗,勝率為31.5%,總共41個入球及48個失球。上季佢帶領修咸頓進入聯賽盃決賽及取得英超第八名,不過比再上季15/16年嘅英超成績下降兩名及少17分。另一個數據係,佩爾麾下,修咸頓上季嘅入球數只係比般尼、屈福特同降班嘅三支球隊多(新特蘭、米杜士堡同侯城),而上季修咸頓總共係英超入41球。
佩爾係李斯特城嘅第一場比賽,將會係星期日嘅英超對陣愛華頓上演。

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→