利物浦對車路士–賽前概況及預測

足球基地 於 25/11/2017 發表 收藏文章
利物浦將會在香港星期六凌晨1:30,主場對戰車路士。
現時利物浦於英超以22分排第5,而車路士則以25分排第3。利物浦今季一直於歐聯區域徘徊,如果擊敗車路士,可以收窄雙方距離,排第3嘅熱刺可能可以從中得益升上第3名前提係熱刺全取3分。而車路士就需要跟貼曼聯及曼城嘅距離,現時與曼聯只差1分,而與曼城則相差9分。

球隊近況
利物浦
利物浦於週中歐聯對西維爾,在領先三球之下被西維爾於下半場迫和。該場比賽令對利物浦嘅士氣有所影響,亦都消耗球隊嘅體力。而係西維爾嘅比賽中,摩蘭奴嘅表現不堪入目,失位、「標錯波」等等嘅防守失誤通通出現,希望係車路士嘅比賽佢有所調整。順帶一提,車路士係作客比賽時,有8球都於上半場入,係英超最多,所以如果根據車路士嘅以往打法,利物浦要於上半場加緊防守。

車路士
車路士近期表現火熱,於週中歐聯以4球大勝卡拉巴克,亦都係近兩場比賽中,入8球0失球。雖然週中與利物浦一樣踢歐聯,車路士就贏得非常輕鬆,亦讓主力休息,(莫拉達後備上陣、夏薩特、干提及卡希爾沒有踢足全場)對車路士係一大優勢,因為利物浦於歐戰中,只有古天奴與摩蘭奴得到休息。所以車路士對利物浦,係體力上會略勝一籌。而中場穩定性亦都比利物浦好,因為利物浦嘅軒達臣狀態飄忽。

對戰往績
利物浦係過往5場英超對戰車路士係保持不敗,係2勝3和,當中2場勝利都係作客。而利物浦過往5場對車路士攻破過車路士大門8次,有5個失球,車路士則對戰利物浦時入過5球。過往5場比賽中,雙方都會有入球,根據往績,看此對利物浦有優勢。
傷病情況
利物浦
利物浦嘅後防有佳尼受傷,肯定不能於踢今輪比賽,而馬迪普則剛傷愈,未肯定高普會否將其放上正選陣容。中場相對傷情較輕,只係安利簡上陣成疑,似乎受輕傷,根本上能夠上陣,拉蘭拿就傷愈能夠上陣,但狀態未足,有機會坐於後備席。前線就沒有傷病。不過整體來說,體力問題可能令利物浦將於劣勢。

車路士
車路士傷情較輕,只有巴舒亞伊肯定不能於今輪比賽上陣。而摩西斯就傷愈復出,不過狀態可能不足以適應此場比賽,應該會留在後備席,畢竟近7場比賽都沒有上陣。

預測陣容:
利物浦 4-3-3
門將 :米奴列特
後防: 艾諾特 馬迪普 洛夫雲 摩蘭奴
中場: 韋拿杜姆 軒達臣 古天奴
前鋒 沙拿 法明奴 文尼

車路士 3-5-1-1
門將: 高圖爾斯
後防: 艾斯派利古達 基斯甸臣 卡希爾
中場: 沙柏哥斯達(翼衛) 法比加斯 干提 巴卡約高 阿朗素(翼衛) 夏薩特(進攻中場)
前鋒: 莫拉達

預測比數 1-1



如果喜歡我們的文章,請即分享到︰

標籤: 利物浦  車路士  

留言


請按此登錄後留言。未成為會員? 立即註冊
  • messi_Barcelona 於 25/11/2017 評論 NO. 1

    點解車仔會3-4-1-1 , 收買左球證要車仔踢小個咩😂

  • Siu Leung Mui 於 25/11/2017 評論 NO. 2

    仲有蘇拿,打漏咗

快捷鍵:←
快捷鍵:→