五大聯賽最後直路 - 意甲

五大聯賽最後直路 - 意甲🇮🇹
趁着國際賽期，一齊睇吓五大聯賽爭冠嘅最後直路，第三個聯賽嚟到形勢緊湊嘅意甲🇮🇹
1️⃣AC米蘭 30場 66分
2️⃣拿玻里 30場 63分
3️⃣國際米蘭 29場 60分
4️⃣祖雲達斯 30場 59分
1️⃣AC米蘭❤️🖤一直專注國內聯賽嘅AC米蘭，新一年10場聯賽只敗一場下，成功進佔意甲榜首之位，雖然2月左右曾經出現「讓榜首大戰」連和兩場，但馬上就回復返水平，其中有賴近期活躍嘅基奧特同拉菲奧里奧，基奧特自伊巴傷出後擔起箭頭責任，而呢位「法國神塔」不再幽默，反而同拉菲奧里奧有啲配合，仲未計中場基斯爾同經常係左路發難嘅靴蘭迪斯，未來8場聯賽對手只有阿特蘭大位於前六，所以AC米蘭好大機會能夠相隔10年重奪意甲冠軍🏆
2️⃣拿玻里🔵
作為今季五大聯賽開季最長不敗紀錄嘅拿玻里，佢地嘅功架絕對唔簡單，拿玻里嘅入球數雖然唔係冠絕全意甲，但失球數卻係聯賽最少，有13場零封對手，而佢地今季更加只係失過一球十二碼，其餘時間盡量以控制比賽節奏為主🥵而今季最驚喜就係打起左非洲新星奧斯文，20場11球加上支點作用，佢同恩薛尼嘅狀態將會決定球隊能唔能夠同榜首縮窄3分🥶
3️⃣國際米蘭⚫️🔵
由盧卡古變成迪斯高，由夏基美變成杜菲斯，領隊施蒙尼恩沙基只用一季就將球隊以攻為守，但係2月起球隊狀態開始下滑，兼顧3條戰線嘅佢地失去榜首位置，特別係近5場意甲只勝一場，當中球隊有唔少機會，只係一對前鋒未能把握，畢竟迪斯高都36歲，馬天尼斯射術又未到頂尖，然而球隊勝在球員對理解戰術同執行力高，餘下賽程除左祖記羅馬以外，其他隊伍威脅不大，做好自己有望衝冠🌟
4️⃣祖雲達斯⚪️⚫️
祖雲達斯今季初段經歷換帥、C朗出走等事情後，12月終於開始穩定落嚟，連續16場聯賽不敗，追下追下由第7位升返上前四，以非常非常保守風格打出穩定度，成功令球隊係聯賽取得成績，但基艾沙同麥堅尼賽季報銷對球隊亦有一定程度嘅影響，唯有靠新加盟嘅華賀域去增加球數字，而佢為祖記係聯賽上陣7場攻入4球1助攻，絕對係可信賴嘅前鋒，加上歐聯失望地出局，要爭冠仲有一絲希望，不過首先要贏左下週一對國際米蘭嘅國家打吡戰先🧐

如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場