曼聯醜陋地絕和波圖 新舊隊長玩弄坦哈格帥位（又譯：坦赫）
歐霸盃小組賽，波圖主場對曼聯，主隊波圖今季有相對大嘅變動，今季換上新領隊域陀般奴(Vitor Bruno)，主力球員比比掛靴、伊雲尼遜(Evanilson)、干斯卡奧(Chico Conceicao)同泰列美(Mehdi Taremi)均離隊他投，今日則排出4-3-3陣式，前線三叉戟為比比、加利奴(Galeno)同中鋒奧姆洛迪安(Samuel Omorodion)。曼聯方面上場大敗予熱刺3比0，領隊坦哈格被嚴重批評，今日4-2-3-1陣式繼續有拉舒福特同般奴，前面則用上阿曼迪亞路同海倫(Rasmus Højlund)，雙防中為艾歷臣同卡斯美路。
曼聯今日進攻時達洛特內切同卡斯美路雙防中，艾歷臣推上一格，防守時則為Mid-Block防守，相對保留體力同減少失位情況，再係中路拼搶後交由左路拉舒福特突破，給予一定空間利用速度向前。
7分鐘拉舒福特左路推入禁區突破二人防守，推大位射近柱入網，曼聯領先1比0。
20分鐘曼聯一次突擊，艾歷臣中路推進分比左路，左邊拉舒福特禁區頂助攻Half Space入楔嘅海倫，近柱射近柱入網2比0。
領先兩球嘅曼聯有啲鬆懈，左翼拉舒福特回防嘅強度不足，令到27分鐘輪到波圖追返一球，右閘馬利奧(Joao Mario)右路禁區頂斬到尾柱，曼聯閘位馬沙拉奧(Noussair Mazraoui)想解圍但直接頂向龍門，奧拿拿雖然撲走但被門前埋伏嘅翼鋒比比(Pepe)頭鎚彈地頂入。及後34分鐘右閘馬利奧禁區頂再次傳中，奧姆洛迪安壓住迪列特小禁區頭鎚破門追平2比2。
半場換邊後曼聯收起拉舒福特換入加拿祖，然而50分鐘就被波圖反勝，右路比比利用速度壓過中堅馬天尼斯入禁區傳中，奧姆洛迪安走係迪列特身後，再出現近門射網頂反超3比2。
一球在手嘅波圖縮後打反擊，63分鐘更收起翼鋒比比換入多一位後防球員打5-4-1防守陣式，等待反擊機會，相反曼聯大軍壓前只剩下卡斯美路做連接點3-1後場組織，變相被波圖搶截皮球後打反擊將會面對更大威脅，數據上波圖下半場有三次黃金機會。
曼聯嘅進攻模式不斷傳中或起腳都係能夠被預計，更甚去到81分鐘隊長般奴禁區舉腳過高兩黃一紅被逐，而十人應戰下嘅曼聯反而踢返好少少，最後91分鐘曼聯角球有麥佳亞頭鎚頂入追平3比3，雙方賽和各得一分。
主隊波圖今日上半場失兩球，門將迪亞高哥斯達未能封死近柱需要附上責任，戰術上兩閘拉邊協助進攻相當明買明賣，但感覺側重右路傳中，再由前鋒奧姆洛迪安處理，未有好好利用左翼加利奴較為可惜，但領隊安排嘅戰術部署都合情合理，被追平3比3較為可惜。
曼聯本來極大機率輸波，但被前隊長麥佳亞救返1分。上半場數據上球隊只有44%控球率，11次起腳8次中目標，明顯係縮後再針對中場拼搶打突擊，上半場嘅地面/高空爭奪成功率均接近6成，能夠製造兩個入球，可算係戰術部署成功。然而後防不穩輸返兩球已經動搖球員心理，下半場即刻被反超更重複製造慘劇，而領隊70分鐘換人落後之下，竟然換入把握力差嘅舒克施而換走前鋒海倫係匪夷所思，後備入替嘅安東尼數據上亦比不上迪亞路，最後80分鐘更換走一對後防，下半場換人同戰術部署真係難以理解。最後隊長般奴連續兩場紅牌都算係嘆為觀止，估計係般奴同領隊坦哈格都無吸取教訓，再連接返坦哈格賽前面對記者嘅言論，又一場令人失望嘅賽事，相信領隊一職已經進入倒數階段。
如果睇到呢度，不妨follow我地嘅instagram同Youtube睇到更多唔同嘅足球資訊！
IG : Footballarena_hk
Facebook: 足球港場
Youtube: 足球港場 - Chung
歐霸盃小組賽，波圖主場對曼聯，主隊波圖今季有相對大嘅變動，今季換上新領隊域陀般奴(Vitor Bruno)，主力球員比比掛靴、伊雲尼遜(Evanilson)、干斯卡奧(Chico Conceicao)同泰列美(Mehdi Taremi)均離隊他投，今日則排出4-3-3陣式，前線三叉戟為比比、加利奴(Galeno)同中鋒奧姆洛迪安(Samuel Omorodion)。曼聯方面上場大敗予熱刺3比0，領隊坦哈格被嚴重批評，今日4-2-3-1陣式繼續有拉舒福特同般奴，前面則用上阿曼迪亞路同海倫(Rasmus Højlund)，雙防中為艾歷臣同卡斯美路。
曼聯今日進攻時達洛特內切同卡斯美路雙防中，艾歷臣推上一格，防守時則為Mid-Block防守，相對保留體力同減少失位情況，再係中路拼搶後交由左路拉舒福特突破，給予一定空間利用速度向前。
7分鐘拉舒福特左路推入禁區突破二人防守，推大位射近柱入網，曼聯領先1比0。
20分鐘曼聯一次突擊，艾歷臣中路推進分比左路，左邊拉舒福特禁區頂助攻Half Space入楔嘅海倫，近柱射近柱入網2比0。
領先兩球嘅曼聯有啲鬆懈，左翼拉舒福特回防嘅強度不足，令到27分鐘輪到波圖追返一球，右閘馬利奧(Joao Mario)右路禁區頂斬到尾柱，曼聯閘位馬沙拉奧(Noussair Mazraoui)想解圍但直接頂向龍門，奧拿拿雖然撲走但被門前埋伏嘅翼鋒比比(Pepe)頭鎚彈地頂入。及後34分鐘右閘馬利奧禁區頂再次傳中，奧姆洛迪安壓住迪列特小禁區頭鎚破門追平2比2。
半場換邊後曼聯收起拉舒福特換入加拿祖，然而50分鐘就被波圖反勝，右路比比利用速度壓過中堅馬天尼斯入禁區傳中，奧姆洛迪安走係迪列特身後，再出現近門射網頂反超3比2。
一球在手嘅波圖縮後打反擊，63分鐘更收起翼鋒比比換入多一位後防球員打5-4-1防守陣式，等待反擊機會，相反曼聯大軍壓前只剩下卡斯美路做連接點3-1後場組織，變相被波圖搶截皮球後打反擊將會面對更大威脅，數據上波圖下半場有三次黃金機會。
曼聯嘅進攻模式不斷傳中或起腳都係能夠被預計，更甚去到81分鐘隊長般奴禁區舉腳過高兩黃一紅被逐，而十人應戰下嘅曼聯反而踢返好少少，最後91分鐘曼聯角球有麥佳亞頭鎚頂入追平3比3，雙方賽和各得一分。
主隊波圖今日上半場失兩球，門將迪亞高哥斯達未能封死近柱需要附上責任，戰術上兩閘拉邊協助進攻相當明買明賣，但感覺側重右路傳中，再由前鋒奧姆洛迪安處理，未有好好利用左翼加利奴較為可惜，但領隊安排嘅戰術部署都合情合理，被追平3比3較為可惜。
曼聯本來極大機率輸波，但被前隊長麥佳亞救返1分。上半場數據上球隊只有44%控球率，11次起腳8次中目標，明顯係縮後再針對中場拼搶打突擊，上半場嘅地面/高空爭奪成功率均接近6成，能夠製造兩個入球，可算係戰術部署成功。然而後防不穩輸返兩球已經動搖球員心理，下半場即刻被反超更重複製造慘劇，而領隊70分鐘換人落後之下，竟然換入把握力差嘅舒克施而換走前鋒海倫係匪夷所思，後備入替嘅安東尼數據上亦比不上迪亞路，最後80分鐘更換走一對後防，下半場換人同戰術部署真係難以理解。最後隊長般奴連續兩場紅牌都算係嘆為觀止，估計係般奴同領隊坦哈格都無吸取教訓，再連接返坦哈格賽前面對記者嘅言論，又一場令人失望嘅賽事，相信領隊一職已經進入倒數階段。
如果睇到呢度，不妨follow我地嘅instagram同Youtube睇到更多唔同嘅足球資訊！
IG : Footballarena_hk
Facebook: 足球港場
Youtube: 足球港場 - Chung
請按此登錄後留言。未成為會員? 立即註冊