奧拿拿關鍵救出十二碼 曼聯重奪氣勢3比0大勝修咸頓
英超星期六早場賽事，修咸頓主場對曼聯，升班馬修咸頓目前聯賽三戰全敗，由英冠升班之今依舊保持地面組織嘅踢法，但後防防守力不濟，引致從阿仙奴購入門將藍斯度(Aaron Ramsdale)補強。今日修咸頓由3-5-2陣式轉陣4-2-3-1陣式，抽起聯場犯錯嘅夏活特比利時(Taylor Harwood-Bellis)轉四後衛，前場起用係聯賽盃第一圈表現出色嘅攻中馬圖斯費南迪斯(Mateus Fernandes)、右翼迪比寧(Tyler Dibling)同前鋒阿查(Cameron Archer)。至於曼聯上場雙紅會落敗大受抨擊，中場問題顯露無遺，而今日竟然由明奈拍住艾歷臣，企圖增加場面控制力。
修咸頓上半場頭30分鐘有較多時間控制皮球，先係後場組織再沿兩路進攻，特別係右路迪比寧早段突破起腳有亮點，佢同防中唐斯(Flynn Downes)同右閘菅原由勢(Yukinari Sugawara)進攻組織相當有睇頭，佢地頭30分鐘有6次攻門，4次中目標、3個Big Chances但一球不入。
30分鐘迪比寧單挑達洛特，食到身位壓入禁區被達洛特踢跌，修咸頓獲判十二碼，前鋒阿查操刀被奧拿拿撲走，再頂一頭都比奧拿拿接實，浪費一次黃金機會。
十二碼失機嘅修咸頓𣊬間失勢，35分鐘曼聯角球開短，般奴斬到尾柱有三個曼聯球員對一個對手，最後由迪列特頭鎚頂入，領先0比1。6分鐘後曼聯再一次角球攻勢，拉舒福特係左路禁區邊起腳，穿過人篷之間入網，為曼聯領先到0比2。
下半場曼聯兩球在手依舊壓前迫搶，而修咸頓戰術同人員上都無變動，反而更多後防球員個人犯錯，雖然換入有老將拉蘭拿、賴恩費沙等有經驗球員能夠穩住局面，但係80分鐘積史堤芬斯(Jack Stephens)侵犯加拿祖被罰紅牌離場，最後加拿祖係96分鐘再入一球，最終曼聯作客3比0擊敗修咸頓，全取3分一解坦哈格壓力。
修咸頓今日上半場嘅進攻組織確實有一段精彩嘅時間，但阿查十二碼被撲出就令氣勢倒向曼聯一方，防守犯錯令門將多次身陷困境，整場賽事藍斯度交出7次撲救。上半場嘅崩盤到下半場無調整，呢個就係教練嘅責任，而下半場球員嘅積極性、逼搶力度欠奉，仿如進入垃圾時間，只有菅原由勢同藍斯度依舊交出拼勁，最後隊長Jack Stephens嘅犯規被罰紅牌離場，反映後防防線質素。總結後場組織戰術可堅持，但後防若無改善，護級之路將會相當困難。
作客嘅曼聯有奧拿拿撲出十二碼、拉舒福特開齋，仲有國家隊犯錯頻頻嘅迪列特頭鎚破門，3比0係咪打左一場好波？下半場進攻上短波傳送係更加純熟，但係上半場由守轉攻又係繼續4-1嘅局面，只有明奈後場攞波其餘中場球員已經壓前，所以中場問題其實未有根治。球員方面艾歷臣今日交出好表現，阿曼迪亞路亦製造唔少威脅，一眾球員都搵返信心。新球員烏加迪地標戰上陣未有太多發揮機會，前鋒舒克施後場幫波或策動相當唔錯但把握力不足，最後迪列特、馬天尼斯傷出或令曼聯接下來一週三戰增添不確定性。
如果睇到呢度，不妨follow我地嘅instagram同Youtube睇到更多唔同嘅足球資訊！
IG : Footballarena_hk
Facebook: 足球港場
Youtube: 足球港場 - Chung
英超星期六早場賽事，修咸頓主場對曼聯，升班馬修咸頓目前聯賽三戰全敗，由英冠升班之今依舊保持地面組織嘅踢法，但後防防守力不濟，引致從阿仙奴購入門將藍斯度(Aaron Ramsdale)補強。今日修咸頓由3-5-2陣式轉陣4-2-3-1陣式，抽起聯場犯錯嘅夏活特比利時(Taylor Harwood-Bellis)轉四後衛，前場起用係聯賽盃第一圈表現出色嘅攻中馬圖斯費南迪斯(Mateus Fernandes)、右翼迪比寧(Tyler Dibling)同前鋒阿查(Cameron Archer)。至於曼聯上場雙紅會落敗大受抨擊，中場問題顯露無遺，而今日竟然由明奈拍住艾歷臣，企圖增加場面控制力。
修咸頓上半場頭30分鐘有較多時間控制皮球，先係後場組織再沿兩路進攻，特別係右路迪比寧早段突破起腳有亮點，佢同防中唐斯(Flynn Downes)同右閘菅原由勢(Yukinari Sugawara)進攻組織相當有睇頭，佢地頭30分鐘有6次攻門，4次中目標、3個Big Chances但一球不入。
30分鐘迪比寧單挑達洛特，食到身位壓入禁區被達洛特踢跌，修咸頓獲判十二碼，前鋒阿查操刀被奧拿拿撲走，再頂一頭都比奧拿拿接實，浪費一次黃金機會。
十二碼失機嘅修咸頓𣊬間失勢，35分鐘曼聯角球開短，般奴斬到尾柱有三個曼聯球員對一個對手，最後由迪列特頭鎚頂入，領先0比1。6分鐘後曼聯再一次角球攻勢，拉舒福特係左路禁區邊起腳，穿過人篷之間入網，為曼聯領先到0比2。
下半場曼聯兩球在手依舊壓前迫搶，而修咸頓戰術同人員上都無變動，反而更多後防球員個人犯錯，雖然換入有老將拉蘭拿、賴恩費沙等有經驗球員能夠穩住局面，但係80分鐘積史堤芬斯(Jack Stephens)侵犯加拿祖被罰紅牌離場，最後加拿祖係96分鐘再入一球，最終曼聯作客3比0擊敗修咸頓，全取3分一解坦哈格壓力。
修咸頓今日上半場嘅進攻組織確實有一段精彩嘅時間，但阿查十二碼被撲出就令氣勢倒向曼聯一方，防守犯錯令門將多次身陷困境，整場賽事藍斯度交出7次撲救。上半場嘅崩盤到下半場無調整，呢個就係教練嘅責任，而下半場球員嘅積極性、逼搶力度欠奉，仿如進入垃圾時間，只有菅原由勢同藍斯度依舊交出拼勁，最後隊長Jack Stephens嘅犯規被罰紅牌離場，反映後防防線質素。總結後場組織戰術可堅持，但後防若無改善，護級之路將會相當困難。
作客嘅曼聯有奧拿拿撲出十二碼、拉舒福特開齋，仲有國家隊犯錯頻頻嘅迪列特頭鎚破門，3比0係咪打左一場好波？下半場進攻上短波傳送係更加純熟，但係上半場由守轉攻又係繼續4-1嘅局面，只有明奈後場攞波其餘中場球員已經壓前，所以中場問題其實未有根治。球員方面艾歷臣今日交出好表現，阿曼迪亞路亦製造唔少威脅，一眾球員都搵返信心。新球員烏加迪地標戰上陣未有太多發揮機會，前鋒舒克施後場幫波或策動相當唔錯但把握力不足，最後迪列特、馬天尼斯傷出或令曼聯接下來一週三戰增添不確定性。
如果睇到呢度，不妨follow我地嘅instagram同Youtube睇到更多唔同嘅足球資訊！
IG : Footballarena_hk
Facebook: 足球港場
Youtube: 足球港場 - Chung
請按此登錄後留言。未成為會員? 立即註冊