BIG SIX光頭大戰哥帥勝出 曼城作客2比0擊敗車路士
英超首輪Big Six大戰，車路士主場對曼城，車路士4-2-3-1陣式雙防中由卡斯度同拉維亞(Romeo Lavia)出任，安素費南迪斯移任攻擊中場，尼干古(Christopher Nkunki)同彭馬(Cole Palmer)分別擔任左右兩翼。曼城方面今日有重中之重嘅洛迪因傷缺陣，排出4-1-4-1陣式先由沙域奧(Savio)踢左翼，杜古(Jérémy Doku)踢右翼，高華錫(Mateo Kovacic)就出任單防中。
開波早段最特別嘅招數係曼城右翼球員為杜古，呢位左腳踢開左翼位置嘅球員，頭15分鐘面對古古利拿竟然無計可施，及後立即作出位置上嘅調動，而沙域奧係右翼嘅表現就顯示到「內部升遷」嘅原因，其龐盤帶技術猶如昔日嘅馬列斯。曼城進攻時右閘列高李維士(Rico Lewis)會underlap走到half space位置，後場組織為3-1狀態，而去到18分鐘曼城先開紀錄，左路杜古傳中，貝拿度施華加一腳微微改變方向，夏蘭特禁區接應射入，為曼城喺上半場領先一比零。
車路士雖然喺上半場落後，但表現其實某程度上可以同曼城分庭抗禮，車路士領隊馬列斯卡(Enzo Maresca)並無排出過往執教李斯特城嘅3-2-4-1陣式，反而利用兩閘壓前、兩翼拉邊作出攻勢，上半場嘅反擊傳送亦相當直接，43分鐘彭馬右路拐大位一射，曼城門將艾達臣一撲但甩手，尼高拉斯積遜衝上補射入網，可惜越位在先。
下半場曼城有科頓入替傷出嘅沙域奧，而車路士亦有柏度尼圖換入加強功攻力，呢位翼鋒更加寄望係邊路以速度取勝，兩隊一度踢得平分秋色，直到67分鐘車路士嘅調動，將拉維亞收起，利用安素同卡斯度打雙防中，杜斯貝利賀爾就係攻擊中場位置，自始車路士係中場輸送就變得緩慢，去到84分鐘高華錫中場截到皮球，中路自己推上去射近柱入網，最終曼城以2比0作客擊敗車路士，哥迪奧拿擊敗徒弟馬列斯卡。
作客嘅曼城今日其實表現較為失色，大部份球員狀態不足，譬如門將艾達臣同迪布尼，翼鋒球員杜古一如既往體力好加上盤扭技術超卓，只係最後一傳或最後一腳仍需改善。今場比賽防中位置由高華錫出任，單防中經常比人拉走，令到防線係上半場經常直接面對對方衝擊，不過即使球員狀態不足，球員對戰術嘅理解度同把握力，依舊比對方高，因此拿下今場勝仗。
車路士方面馬列斯卡執教車路士第一場正式賽事，球隊發揮上其實唔太差，防中拉維亞解放左卡斯度壓前進攻，一兩次嘅擔位轉身再直線傳球都能夠製造威脅。中堅科芬拿養傷一季後再度正選出戰，雖然第二個失球係基於佢傳球失誤，但整場都有數次唔錯嘅防守攔截。然而，安素費南迪斯喺攻擊中場位置嘅表現不如理想，左右兩翼嘅技術同意識好令到反擊打到配合，但未算發揮到最好效能，後備換入嘅賀爾同前鋒古奧更加係無作用，只不過考慮到馬列斯卡領軍第一仗，對於球員布陣需要時間去磨合，球員之間嘅默契亦需要磨合，所以今場即使落敗，球隊發揮其實唔差。
如果睇到呢度，不妨follow我地嘅instagram同Youtube睇到更多唔同嘅足球資訊！
IG : Footballarena_hk
Facebook: 足球港場Youtube: 足球港場 - Chung
英超首輪Big Six大戰，車路士主場對曼城，車路士4-2-3-1陣式雙防中由卡斯度同拉維亞(Romeo Lavia)出任，安素費南迪斯移任攻擊中場，尼干古(Christopher Nkunki)同彭馬(Cole Palmer)分別擔任左右兩翼。曼城方面今日有重中之重嘅洛迪因傷缺陣，排出4-1-4-1陣式先由沙域奧(Savio)踢左翼，杜古(Jérémy Doku)踢右翼，高華錫(Mateo Kovacic)就出任單防中。
開波早段最特別嘅招數係曼城右翼球員為杜古，呢位左腳踢開左翼位置嘅球員，頭15分鐘面對古古利拿竟然無計可施，及後立即作出位置上嘅調動，而沙域奧係右翼嘅表現就顯示到「內部升遷」嘅原因，其龐盤帶技術猶如昔日嘅馬列斯。曼城進攻時右閘列高李維士(Rico Lewis)會underlap走到half space位置，後場組織為3-1狀態，而去到18分鐘曼城先開紀錄，左路杜古傳中，貝拿度施華加一腳微微改變方向，夏蘭特禁區接應射入，為曼城喺上半場領先一比零。
車路士雖然喺上半場落後，但表現其實某程度上可以同曼城分庭抗禮，車路士領隊馬列斯卡(Enzo Maresca)並無排出過往執教李斯特城嘅3-2-4-1陣式，反而利用兩閘壓前、兩翼拉邊作出攻勢，上半場嘅反擊傳送亦相當直接，43分鐘彭馬右路拐大位一射，曼城門將艾達臣一撲但甩手，尼高拉斯積遜衝上補射入網，可惜越位在先。
下半場曼城有科頓入替傷出嘅沙域奧，而車路士亦有柏度尼圖換入加強功攻力，呢位翼鋒更加寄望係邊路以速度取勝，兩隊一度踢得平分秋色，直到67分鐘車路士嘅調動，將拉維亞收起，利用安素同卡斯度打雙防中，杜斯貝利賀爾就係攻擊中場位置，自始車路士係中場輸送就變得緩慢，去到84分鐘高華錫中場截到皮球，中路自己推上去射近柱入網，最終曼城以2比0作客擊敗車路士，哥迪奧拿擊敗徒弟馬列斯卡。
作客嘅曼城今日其實表現較為失色，大部份球員狀態不足，譬如門將艾達臣同迪布尼，翼鋒球員杜古一如既往體力好加上盤扭技術超卓，只係最後一傳或最後一腳仍需改善。今場比賽防中位置由高華錫出任，單防中經常比人拉走，令到防線係上半場經常直接面對對方衝擊，不過即使球員狀態不足，球員對戰術嘅理解度同把握力，依舊比對方高，因此拿下今場勝仗。
車路士方面馬列斯卡執教車路士第一場正式賽事，球隊發揮上其實唔太差，防中拉維亞解放左卡斯度壓前進攻，一兩次嘅擔位轉身再直線傳球都能夠製造威脅。中堅科芬拿養傷一季後再度正選出戰，雖然第二個失球係基於佢傳球失誤，但整場都有數次唔錯嘅防守攔截。然而，安素費南迪斯喺攻擊中場位置嘅表現不如理想，左右兩翼嘅技術同意識好令到反擊打到配合，但未算發揮到最好效能，後備換入嘅賀爾同前鋒古奧更加係無作用，只不過考慮到馬列斯卡領軍第一仗，對於球員布陣需要時間去磨合，球員之間嘅默契亦需要磨合，所以今場即使落敗，球隊發揮其實唔差。
如果睇到呢度，不妨follow我地嘅instagram同Youtube睇到更多唔同嘅足球資訊！
IG : Footballarena_hk
Facebook: 足球港場Youtube: 足球港場 - Chung
請按此登錄後留言。未成為會員? 立即註冊