曼城絕殺熱刺晉級 熱刺90分鐘只有一腳射門
https://www.youtube.com/watch?v=-EhPEBYczvo&t=1s英格蘭足總盃第四圈賽事，熱刺主場對曼城，熱刺方面陣中有麥迪臣(James Maddison)復出但先列後備，而今日4-2-3-1陣式由古路錫夫斯基(Dejan Kulusevski)打攻擊中場，賓坦古亞同靴爾堡就擔任雙防中。作客嘅曼城今日4-2-3-1陣式先收起迪布尼，正選陣容同上一場接近，只係左翼用上年輕小將波比(Oscar Bobb)，而門將就用上奧迪加(Stefan Ortega)。
開波5分鐘卡爾獲加一次右路落底出波，科頓小禁區前撞射，域卡利奧一撲停到波，但比波比近門補射入網，不過越位咗先，而呢一個進攻模式喺上半場經常運用。基於熱刺縮窄陣營防守，曼城就利用球場闊度拉邊，往往喺左路或者中路分去右邊，以卡爾獲加嘅速度落底傳中，再係中路作出射門。
根據上述嘅進攻模式，今日曼城進攻時冇閘位內收，反而係盡量拉邊，令到對方閘位球員需要1打2，同時面對翼鋒同閘位。縱使熱刺係上半場被對方起腳10次射門，但四人防線都表現出色，一對閘位非常勤力，進攻防守都有表演，而面對曼城快速反擊嘅時候，熱刺一對中堅更加交出關鍵嘅鏟截，但係一對防中就經常唔能夠保護禁區頂，一對防中經常呈垂直線，形成防守陣式如4-1-4-1，特別係靴爾堡啲現位、防守同走動都幫唔到球隊，因此上半場熱刺危險地守住0比0
換邊後下半場兩隊都冇換人，而曼城再有一次黃金機會，48分鐘波比左路傳中，中堅雲迪雲防守一對二，不過艾華利斯起腳偏離目標。主隊嘅熱刺其實都有努力組織進攻，但一係右閘樸羅比得太深，俾門將預判出迎處理，一係右邊傳中被刪到，因此整場熱刺只係得一次起腳。往後時間兩隊嘅王牌迪布尼同麥迪臣相繼換入，而前者則好氣好力兼創造力十足，加上熱刺球員體力下降，後場搓傳有兩三次失誤，結果88分鐘曼城角球攻勢，門將域卡利奧被干擾下用手將皮球拍下，但被尼敦艾基門前加一腳入網，結果入球成立，尼敦艾基呢個入球除左絕殺熱刺，協助球隊晉級，更加協助曼城喺熱刺大球場首度取得入球，終結喺呢個球場嘅入球荒。
熱刺方面理解目前可用嘅人腳有限，未能零比零守到完場較為可惜，但係其實都有可以考慮嘅地方，譬如麥迪臣早啲換入可否改變戰局，又或者添姆雲拿同李察利臣兩個交換位置會唔會有變化，因為今日添姆雲拿係冇一次利用佢嘅速度突破或者落底傳中，變相未能好好發揮佢嘅優點，而李察利臣即使停到波都好快夾甩，若果二人互換位置或許有啲改變。
曼城方面強大嘅逼搶能力，依舊主宰球賽，而左翼嘅波比今日表現都相當唔錯，差啲有一球一助攻嘅數據。迪布尼落場後帶起球隊開返引擎進攻，所以曼城下半季能否上奪冠，佢就係當中嘅關鍵。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hkFacebook: 足球港場
https://www.youtube.com/watch?v=-EhPEBYczvo&t=1s英格蘭足總盃第四圈賽事，熱刺主場對曼城，熱刺方面陣中有麥迪臣(James Maddison)復出但先列後備，而今日4-2-3-1陣式由古路錫夫斯基(Dejan Kulusevski)打攻擊中場，賓坦古亞同靴爾堡就擔任雙防中。作客嘅曼城今日4-2-3-1陣式先收起迪布尼，正選陣容同上一場接近，只係左翼用上年輕小將波比(Oscar Bobb)，而門將就用上奧迪加(Stefan Ortega)。
開波5分鐘卡爾獲加一次右路落底出波，科頓小禁區前撞射，域卡利奧一撲停到波，但比波比近門補射入網，不過越位咗先，而呢一個進攻模式喺上半場經常運用。基於熱刺縮窄陣營防守，曼城就利用球場闊度拉邊，往往喺左路或者中路分去右邊，以卡爾獲加嘅速度落底傳中，再係中路作出射門。
根據上述嘅進攻模式，今日曼城進攻時冇閘位內收，反而係盡量拉邊，令到對方閘位球員需要1打2，同時面對翼鋒同閘位。縱使熱刺係上半場被對方起腳10次射門，但四人防線都表現出色，一對閘位非常勤力，進攻防守都有表演，而面對曼城快速反擊嘅時候，熱刺一對中堅更加交出關鍵嘅鏟截，但係一對防中就經常唔能夠保護禁區頂，一對防中經常呈垂直線，形成防守陣式如4-1-4-1，特別係靴爾堡啲現位、防守同走動都幫唔到球隊，因此上半場熱刺危險地守住0比0
換邊後下半場兩隊都冇換人，而曼城再有一次黃金機會，48分鐘波比左路傳中，中堅雲迪雲防守一對二，不過艾華利斯起腳偏離目標。主隊嘅熱刺其實都有努力組織進攻，但一係右閘樸羅比得太深，俾門將預判出迎處理，一係右邊傳中被刪到，因此整場熱刺只係得一次起腳。往後時間兩隊嘅王牌迪布尼同麥迪臣相繼換入，而前者則好氣好力兼創造力十足，加上熱刺球員體力下降，後場搓傳有兩三次失誤，結果88分鐘曼城角球攻勢，門將域卡利奧被干擾下用手將皮球拍下，但被尼敦艾基門前加一腳入網，結果入球成立，尼敦艾基呢個入球除左絕殺熱刺，協助球隊晉級，更加協助曼城喺熱刺大球場首度取得入球，終結喺呢個球場嘅入球荒。
熱刺方面理解目前可用嘅人腳有限，未能零比零守到完場較為可惜，但係其實都有可以考慮嘅地方，譬如麥迪臣早啲換入可否改變戰局，又或者添姆雲拿同李察利臣兩個交換位置會唔會有變化，因為今日添姆雲拿係冇一次利用佢嘅速度突破或者落底傳中，變相未能好好發揮佢嘅優點，而李察利臣即使停到波都好快夾甩，若果二人互換位置或許有啲改變。
曼城方面強大嘅逼搶能力，依舊主宰球賽，而左翼嘅波比今日表現都相當唔錯，差啲有一球一助攻嘅數據。迪布尼落場後帶起球隊開返引擎進攻，所以曼城下半季能否上奪冠，佢就係當中嘅關鍵。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hkFacebook: 足球港場
請按此登錄後留言。未成為會員? 立即註冊