加雲菲臘斯外借韋斯咸 加盟18個月上陣英超390分鐘
根據Fabrizio Romano嘅報導，韋斯咸與曼城達成協議，將會借用中場球員加雲菲臘斯(Kalvin Phillips)6個月直到今季季尾，外借合約之中包括可買斷球員嘅執行選擇，呢位英格蘭防中終於有波踢。
現年28歲嘅加雲菲臘斯係2022年6月由列斯聯轉投曼城，雖然係列斯聯踢到風生水起，並且成為英格蘭代表隊嘅常客，但去到曼城則不受重用，往往係聯賽嘅垃圾時間上陣，兩季加盟上陣英超聯賽16場但只有合共390分鐘。除左聯賽上陣時間，加雲菲臘斯主要負責曼城嘅盃賽，然而加盟球隊一季半一直都未能達到哥迪奧拿心中所想，因此球員確實係處於球隊嘅邊緣狀態，領隊亦希望係冬天放走佢。
縱使加雲菲臘斯上陣機會不多，但佢依舊係英格蘭代表隊領隊修夫基嘅愛將之一，成為代表隊嘅常客。對於夏天歐洲國家盃即將來臨，菲臘斯希望係今個冬天出走爭取上陣時間同狀態，而歐洲唔同球隊都對佢有興趣，包括西甲嘅巴塞隆拿、意甲嘅祖雲達斯、英超嘅紐卡素同韋斯咸都想將其引入，不過最終由韋斯咸跑出並承擔球員嘅薪金。
韋斯咸今夏賣走迪蘭懷斯後，作出嘅引援都相當有效，而加雲菲臘斯嘅來投令中場人手有更多選擇，以應對下半季英超同歐霸盃雙線作戰。加雲菲臘斯作為防中，應該會成為蘇錫克(Tomas Soucek)同艾臣艾華利斯(Edson Álvarez)嘅後備，並有助解放柏基達(Lucas Paquetá)係前場專注進攻。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
根據Fabrizio Romano嘅報導，韋斯咸與曼城達成協議，將會借用中場球員加雲菲臘斯(Kalvin Phillips)6個月直到今季季尾，外借合約之中包括可買斷球員嘅執行選擇，呢位英格蘭防中終於有波踢。
現年28歲嘅加雲菲臘斯係2022年6月由列斯聯轉投曼城，雖然係列斯聯踢到風生水起，並且成為英格蘭代表隊嘅常客，但去到曼城則不受重用，往往係聯賽嘅垃圾時間上陣，兩季加盟上陣英超聯賽16場但只有合共390分鐘。除左聯賽上陣時間，加雲菲臘斯主要負責曼城嘅盃賽，然而加盟球隊一季半一直都未能達到哥迪奧拿心中所想，因此球員確實係處於球隊嘅邊緣狀態，領隊亦希望係冬天放走佢。
縱使加雲菲臘斯上陣機會不多，但佢依舊係英格蘭代表隊領隊修夫基嘅愛將之一，成為代表隊嘅常客。對於夏天歐洲國家盃即將來臨，菲臘斯希望係今個冬天出走爭取上陣時間同狀態，而歐洲唔同球隊都對佢有興趣，包括西甲嘅巴塞隆拿、意甲嘅祖雲達斯、英超嘅紐卡素同韋斯咸都想將其引入，不過最終由韋斯咸跑出並承擔球員嘅薪金。
韋斯咸今夏賣走迪蘭懷斯後，作出嘅引援都相當有效，而加雲菲臘斯嘅來投令中場人手有更多選擇，以應對下半季英超同歐霸盃雙線作戰。加雲菲臘斯作為防中，應該會成為蘇錫克(Tomas Soucek)同艾臣艾華利斯(Edson Álvarez)嘅後備，並有助解放柏基達(Lucas Paquetá)係前場專注進攻。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
請按此登錄後留言。未成為會員? 立即註冊