列古朗外借賓福特 曼聯外借半季後退貨再出走熱刺
根據Fabrizio Romano嘅報導，熱刺左閘球員列古朗(Sergio Reguilon)將會一季內二度離開熱刺，外借加盟賓福特，球員將會外借半年到季尾，外借合約中沒有買斷條款，球員季尾將會重返熱刺。
現年27歲嘅列古朗係季初外借到曼聯，當時梳爾同馬拉斯亞一同受傷，左閘位只有替工嘅達洛特，因此本預計列古朗嘅來投能夠爭取到上陣時間，並協助球會應對雙線作戰，不過實際上列古朗半季時間只為曼聯上陣12場，兼且0入球0助攻。有限嘅上陣時間除左曼聯係歐聯小組賽出局、正宗左閘梳爾復出外，其實列古朗攻強於守嘅特性亦係坦哈格較少用佢嘅原因，特別係12月對般尼茅夫一仗，當時列古朗上左去又經常未能及時趕回，令當時左中堅嘅梳爾需要為佢補位，令本來防守已經唔好嘅後防再增添風險，結果此仗過後列古朗便一直坐後備，並提早被曼聯退貨。
回到熱刺也許以其進攻特點可以有上陣機會，不過一週一賽嘅熱刺並唔需要多一個閘位，加上烏杜治(Iyenoma Udogie)嘅地位無可憾動，同埋現時熱刺閘位需要攻防都有表現，而且仲要有時內收中路協助組織，單一進攻屬性嘅列古朗就並不適用，因此熱刺選舉繼續將其外借以提升價值，夏季嘗試將其套現。
賓福特方面今季無艾雲東尼(Ivan Toney)實力先減一半，前鋒一直由麥般姆(Bryan Mbeumo)獨力支撐，15場聯賽交出7球3助攻，但12月自佢傷出，聯賽五連敗，而陣中都有唔少傷兵，包括中場嘅達施華(Joshua Dasilva)同贊臣(Mathias Jensen)，兩位都係近期先復出，仲有正選左閘列高亨利(Rico Henry)同替補左閘艾朗軒基(Aaron Hickey)都仍然受傷，因此目前球隊只有踢開右閘嘅高度斯(Saman Ghodds)可以頂一頂，但更弊嘅係呢位伊朗右閘需要離隊踢亞洲盃，結果目前無一個閘位出身嘅球員踢左閘/左翼衛位置，情況相當惡劣，因此列古朗嘅來投短期內絕對可以爭取穩定嘅上陣機會，加上3-5-2陣式令佢可以無咁多牽制地向前，因此寄望列古朗能成為賓福特嘅及時雨。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hkFacebook: 足球港場
根據Fabrizio Romano嘅報導，熱刺左閘球員列古朗(Sergio Reguilon)將會一季內二度離開熱刺，外借加盟賓福特，球員將會外借半年到季尾，外借合約中沒有買斷條款，球員季尾將會重返熱刺。
現年27歲嘅列古朗係季初外借到曼聯，當時梳爾同馬拉斯亞一同受傷，左閘位只有替工嘅達洛特，因此本預計列古朗嘅來投能夠爭取到上陣時間，並協助球會應對雙線作戰，不過實際上列古朗半季時間只為曼聯上陣12場，兼且0入球0助攻。有限嘅上陣時間除左曼聯係歐聯小組賽出局、正宗左閘梳爾復出外，其實列古朗攻強於守嘅特性亦係坦哈格較少用佢嘅原因，特別係12月對般尼茅夫一仗，當時列古朗上左去又經常未能及時趕回，令當時左中堅嘅梳爾需要為佢補位，令本來防守已經唔好嘅後防再增添風險，結果此仗過後列古朗便一直坐後備，並提早被曼聯退貨。
回到熱刺也許以其進攻特點可以有上陣機會，不過一週一賽嘅熱刺並唔需要多一個閘位，加上烏杜治(Iyenoma Udogie)嘅地位無可憾動，同埋現時熱刺閘位需要攻防都有表現，而且仲要有時內收中路協助組織，單一進攻屬性嘅列古朗就並不適用，因此熱刺選舉繼續將其外借以提升價值，夏季嘗試將其套現。
賓福特方面今季無艾雲東尼(Ivan Toney)實力先減一半，前鋒一直由麥般姆(Bryan Mbeumo)獨力支撐，15場聯賽交出7球3助攻，但12月自佢傷出，聯賽五連敗，而陣中都有唔少傷兵，包括中場嘅達施華(Joshua Dasilva)同贊臣(Mathias Jensen)，兩位都係近期先復出，仲有正選左閘列高亨利(Rico Henry)同替補左閘艾朗軒基(Aaron Hickey)都仍然受傷，因此目前球隊只有踢開右閘嘅高度斯(Saman Ghodds)可以頂一頂，但更弊嘅係呢位伊朗右閘需要離隊踢亞洲盃，結果目前無一個閘位出身嘅球員踢左閘/左翼衛位置，情況相當惡劣，因此列古朗嘅來投短期內絕對可以爭取穩定嘅上陣機會，加上3-5-2陣式令佢可以無咁多牽制地向前，因此寄望列古朗能成為賓福特嘅及時雨。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hkFacebook: 足球港場
請按此登錄後留言。未成為會員? 立即註冊