摩氏羅馬分崩離析 摩連奴執教羅馬第三季被炒
意甲球隊羅馬官方宣佈辭退領隊摩連奴，執教羅馬三季連續兩季奪得聯賽第六，並且係21/22球季首奪歐協聯冠軍，為球隊係61年後再度拿下歐洲賽冠軍，而22/23球季打入歐霸盃決賽惜敗而回，因此摩連奴對羅馬嘅貢獻非凡。根據Di Marzio嘅報導，羅馬名宿迪羅斯(Daniele De Rossi)將會成為下一任教練，合約為半年直到2024年6月尾。
摩連奴再一次被球會辭退絕對係球壇嘅大新聞，必定會有球迷將今次摩連奴被辭退同「摩三季」扯上關係，不過今次摩連奴真係被背叛同相當冤枉。引用兩日前摩連奴喺記者會嘅說話，佢喺執教羅馬兩年半嘅時間，從來冇缺席任何一次訓練，並且冇請過一次病假，其專業態度毋庸置疑。而宏觀地睇，除左第一季洗大錢引入艾巴咸(Tammy Abraham)、門將柏捷斯奧(Rui Patrício)同中堅伊巴尼斯(Roger Ibañez)，第二季已經係玩緊免簽同外借去維持球隊實力，包括係免簽戴巴拿、比洛堤、馬迪同借用韋拿杜姆，試想像下若然冇摩連奴等級數嘅領隊在陣，上述4位球員仲會唔會喺第二季加盟羅馬呢？
去到今季羅馬嘅轉會支出依然少過1000萬歐元，同樣以外借同免簽帶來8個引援，當中更包括盧卡古，因此係FFP嘅限制下羅馬有如此級數嘅球員來投好大部份要歸功於摩連奴。換一個說法，呢個限制級玩法或許比Football Manager更難玩，但摩連奴卻帶住呢個殘陣連續兩季殺入歐洲賽決賽，上屆歐霸盃決賽更因為球證判決而錯失良機，賽後摩連奴更係停車場等待英格蘭球證安東尼泰萊，甚至當日安東尼泰萊前往機場離開意大利都被大量球迷圍堵，可見眾人對球證判決有幾憤怒。
簡單總結，冇摩連奴就冇現時嘅羅馬，歐霸盃決賽失利後摩連奴決定繼續留係球隊，為嘅就係報答一直支持佢嘅羅馬球迷。目前戰績上七場只有兩勝，但實際上對手基本上都係前列球隊，並且羅馬陣容天殘地缺，球隊係有無戴巴拿嘅時間相差甚遠，但戴巴拿受傷患困擾，只係上陣賽季一半時間，因此辭退嘅動機不在戰陣，反而在於班主嘅意願，班主利用摩連奴賺錢嘗試填補FFP嘅限制，而摩連奴今季其實係需要處理續約事情，但摩佬幾次公開表明願意留喺羅馬，班主都無積極處理進度，可見其實際意願。
最後摩連奴突然離去，相信戴巴拿亦唔會願意續約留隊，盧卡古亦未必會被買斷留隊，因此下季嘅羅馬相信會大洗牌，主力流失下相信難以再度踏足前六。
如果睇到呢度，不妨follow我地嘅instagram睇到更多唔同嘅足球資訊！IG : Footballarena_hk
Facebook: 足球港場
意甲球隊羅馬官方宣佈辭退領隊摩連奴，執教羅馬三季連續兩季奪得聯賽第六，並且係21/22球季首奪歐協聯冠軍，為球隊係61年後再度拿下歐洲賽冠軍，而22/23球季打入歐霸盃決賽惜敗而回，因此摩連奴對羅馬嘅貢獻非凡。根據Di Marzio嘅報導，羅馬名宿迪羅斯(Daniele De Rossi)將會成為下一任教練，合約為半年直到2024年6月尾。
摩連奴再一次被球會辭退絕對係球壇嘅大新聞，必定會有球迷將今次摩連奴被辭退同「摩三季」扯上關係，不過今次摩連奴真係被背叛同相當冤枉。引用兩日前摩連奴喺記者會嘅說話，佢喺執教羅馬兩年半嘅時間，從來冇缺席任何一次訓練，並且冇請過一次病假，其專業態度毋庸置疑。而宏觀地睇，除左第一季洗大錢引入艾巴咸(Tammy Abraham)、門將柏捷斯奧(Rui Patrício)同中堅伊巴尼斯(Roger Ibañez)，第二季已經係玩緊免簽同外借去維持球隊實力，包括係免簽戴巴拿、比洛堤、馬迪同借用韋拿杜姆，試想像下若然冇摩連奴等級數嘅領隊在陣，上述4位球員仲會唔會喺第二季加盟羅馬呢？
去到今季羅馬嘅轉會支出依然少過1000萬歐元，同樣以外借同免簽帶來8個引援，當中更包括盧卡古，因此係FFP嘅限制下羅馬有如此級數嘅球員來投好大部份要歸功於摩連奴。換一個說法，呢個限制級玩法或許比Football Manager更難玩，但摩連奴卻帶住呢個殘陣連續兩季殺入歐洲賽決賽，上屆歐霸盃決賽更因為球證判決而錯失良機，賽後摩連奴更係停車場等待英格蘭球證安東尼泰萊，甚至當日安東尼泰萊前往機場離開意大利都被大量球迷圍堵，可見眾人對球證判決有幾憤怒。
簡單總結，冇摩連奴就冇現時嘅羅馬，歐霸盃決賽失利後摩連奴決定繼續留係球隊，為嘅就係報答一直支持佢嘅羅馬球迷。目前戰績上七場只有兩勝，但實際上對手基本上都係前列球隊，並且羅馬陣容天殘地缺，球隊係有無戴巴拿嘅時間相差甚遠，但戴巴拿受傷患困擾，只係上陣賽季一半時間，因此辭退嘅動機不在戰陣，反而在於班主嘅意願，班主利用摩連奴賺錢嘗試填補FFP嘅限制，而摩連奴今季其實係需要處理續約事情，但摩佬幾次公開表明願意留喺羅馬，班主都無積極處理進度，可見其實際意願。
最後摩連奴突然離去，相信戴巴拿亦唔會願意續約留隊，盧卡古亦未必會被買斷留隊，因此下季嘅羅馬相信會大洗牌，主力流失下相信難以再度踏足前六。
如果睇到呢度，不妨follow我地嘅instagram睇到更多唔同嘅足球資訊！IG : Footballarena_hk
Facebook: 足球港場
請按此登錄後留言。未成為會員? 立即註冊