愛華頓森林或被扣分 英超賽會控告違反財政公平條例 精選

愛華頓森林或被扣分 英超賽會控告違反財政公平條例
根據英超官方宣布，賽會今日向愛華頓及諾定咸森林提告，控告兩支球隊違反財政公平條例，或面臨扣分危機。

愛華頓同諾定咸森林目前被賽會控告違反英超利潤和可持續發展規則（Profitability and Sustainability Rules，PSRs）根據上述規則，英超球會可錄得嘅虧損上限係3年累計1.05億英鎊，而兩支球隊據報都超出左聯賽嘅上限，因而交由獨立委員會去作出裁決同懲罰。

愛華頓方面就發出聲明表示調查牽涉19/20到22/23球季，而球會已經就19/20至21/22嘅財政賽季受到扣去10分積分嘅懲罰，球會將會此方面提出上訴。話雖如此，愛華頓亦會配合賽會提交財務報表以便計算PSRs。另一邊嘅森林就同樣表示會配合調查並找出一個公平嘅解決方法。
兩隊需要係14日內提交正式回覆，而根據最近案例，球隊或會受到10分扣減，如情況如此發展，森林將會降至第19位得10分，而愛華頓將會降至榜尾得7分。

如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場