艾歷迪亞加盟拜仁慕尼黑 簡尼離隊依舊愛熱刺
熱刺官方宣佈中堅艾歷迪亞(Eric Dier)將會外借加盟德甲班霸拜仁慕尼黑直到季尾，合約當中包括選擇性買斷條款，而球員已經登陸德甲穿上拜仁球衣，將會同舊隊友哈利簡尼再度成為戰友。
現年29歲嘅艾歷迪亞自14/15球季加盟球隊以來都係熱刺嘅正選中堅，但自普斯迪高古上任後，基於欠缺後場短傳搓波能力同速度，今季不受重用淪為後備，目前半季只係上陣4場，即使一對正選中堅雲迪雲(Micky van de Ven)同羅美路(Cristian Romero)都受傷，領隊寧願因為兩個閘位球員打中堅都唔用迪亞，因此迪亞離隊只係時間問題。
借用迪亞嘅拜仁慕尼黑係杜曹執教下再度引入英超兵，如今引入嘅係熱刺球員，相信老友哈利簡尼一定落左唔少苦工。本來拜仁出手攔截打算同熱刺爭奪中堅達古辛(Radu Dragusin)，不過達古辛決定加盟熱刺，令拜仁只能選擇plan B借用艾歷迪亞。德甲聯賽經過歇冬期即將重返賽場，但面對亞洲盃同非洲盃，陣中中堅金敏哉同右閘馬沙拉奧(Noussair Mazraoui)都要離隊為國征戰，艾歷迪亞嘅來臨能暫時補充中堅深度，但及後能否繼續佔一席位就要睇佢發揮，畢竟迪亞「論盡」嘅踢法一直為人垢病，甚至都唔理解點解拜仁會引入佢作引援，不過迪亞中堅以外都可以擔任右閘同防中，因此杜曹係調兵遣將時會多啲選擇。
最後熱刺方面外借迪亞之外，從熱拿亞收購中堅達古辛，雙方簽約6年半，熱刺支付2500萬歐元加500萬歐元浮動條款，再加上外借右閘球員史賓斯(Djed Spence)到熱拿亞到季尾。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
熱刺官方宣佈中堅艾歷迪亞(Eric Dier)將會外借加盟德甲班霸拜仁慕尼黑直到季尾，合約當中包括選擇性買斷條款，而球員已經登陸德甲穿上拜仁球衣，將會同舊隊友哈利簡尼再度成為戰友。
現年29歲嘅艾歷迪亞自14/15球季加盟球隊以來都係熱刺嘅正選中堅，但自普斯迪高古上任後，基於欠缺後場短傳搓波能力同速度，今季不受重用淪為後備，目前半季只係上陣4場，即使一對正選中堅雲迪雲(Micky van de Ven)同羅美路(Cristian Romero)都受傷，領隊寧願因為兩個閘位球員打中堅都唔用迪亞，因此迪亞離隊只係時間問題。
借用迪亞嘅拜仁慕尼黑係杜曹執教下再度引入英超兵，如今引入嘅係熱刺球員，相信老友哈利簡尼一定落左唔少苦工。本來拜仁出手攔截打算同熱刺爭奪中堅達古辛(Radu Dragusin)，不過達古辛決定加盟熱刺，令拜仁只能選擇plan B借用艾歷迪亞。德甲聯賽經過歇冬期即將重返賽場，但面對亞洲盃同非洲盃，陣中中堅金敏哉同右閘馬沙拉奧(Noussair Mazraoui)都要離隊為國征戰，艾歷迪亞嘅來臨能暫時補充中堅深度，但及後能否繼續佔一席位就要睇佢發揮，畢竟迪亞「論盡」嘅踢法一直為人垢病，甚至都唔理解點解拜仁會引入佢作引援，不過迪亞中堅以外都可以擔任右閘同防中，因此杜曹係調兵遣將時會多啲選擇。
最後熱刺方面外借迪亞之外，從熱拿亞收購中堅達古辛，雙方簽約6年半，熱刺支付2500萬歐元加500萬歐元浮動條款，再加上外借右閘球員史賓斯(Djed Spence)到熱拿亞到季尾。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
請按此登錄後留言。未成為會員? 立即註冊