拉素一記十二碼拿下首都打吡戰 摩氏羅馬意大利盃八強止步
意大利盃八強賽事，首都打吡戰拉素主場對羅馬，拉素方面上一圈意大利盃擊敗熱拿亞，今日繼續派上部份後備球員應戰，4-3-3陣式前鋒用上前基羅納球員嘅卡斯迪蘭奴斯(Valentin Castellanos)，中場亦有古安杜斯(Matteo Guendouzi)。另一邊嘅羅馬對於今場賽事較有誠意，3-5-2陣式雙前鋒有盧卡古同戴巴拿，而三中堅嘅左中堅用上最近先外借加盟嘅18歲年青人侯辛(Dean Huijsen)。
上半場兩隊踢得不分上下，場面一度膠著，因為拉素4-3-3陣式防守時係中路形成包圍網，令羅馬只能喺兩邊推進同出波，不過一對翼衛薩利域斯基(Nicola Zalewski)同卡斯杜普(Rick Karsdorp)發揮上較為一般，唔少傳球都會被搶截，令到羅馬上半場無一次中龍嘅埋門。相反拉素面對羅馬嘅佈防同樣無力改變戰局，因為羅馬三中堅對三前鋒，三中場對三中場，一對前鋒加一對後衛就對四後衛，牌面上可以打到人盯人，不過羅馬只係打mid block防守，搶到控球權亦唔急於進攻，因此上半場陷入一場悶戰。
下半場羅馬收起戴巴拿，而51分鐘拉素一次進攻左路傳中，羅馬18歲中堅侯辛(Dean Huijsen)踢中前鋒卡斯迪蘭奴斯(Valentin Castellanos)小腿，拉素獲判十二碼，薩卡尼(Mattia Zaccagni)主射入網打破僵局。
落後之下羅馬急於進攻，除咗令後場暴露更多空位之外，爭奪皮球時出現更多身體接觸抽水行為，令到呢場打吡戰增加火藥味。58分鐘羅馬抽起兩翼衛薩利域斯基(Nicola Zalewski)同卡斯杜普(Rick Karsdorp)，換入史賓拿索拉(Leonardo Spinazzola)同阿施蒙(Sardar Azmoun)，轉陣3-4-3陣式嘗試利用阿施蒙同柏歷堅尼(Lorenzo Pellegrini)係兩條防線之間遊走創造機會，但效果唔顯著，因為拉素係70分鐘起開始集中防守並希望拖到完場，結果令場面形成一場攻防戰。
去到87分鐘阿施蒙係禁區頂住身位回後，比洛堤(Andrea Belotti)舍身起腳被撲出，尾段先有一腳似樣啲嘅射門，或許已經反映羅馬嘅攻力相當有限，最終拉素以一記十二碼擊敗羅馬取得首都打吡戰嘅勝仗，並且晉級意大利盃四強，對手將會係祖雲達斯或費辛隆尼。
首都打吡大戰由賽前雙方球迷互掟煙花打開序幕，下半場尾段補時階段拉素球員Pedro因拖延時間並同球證爭論，兩黃一紅被逐，而那邊廂嘅羅馬亦有阿施蒙嘅暴力行為、中堅文仙尼嘅爭執，直紅離場。賽後摩連奴批評球證見到禁區碰撞一刻冇即時比十二碼，反而睇完VAR比十二碼，表示相當不滿。然而如此強行無理嘅說話，相信並唔係為今場敗仗搵藉口，而係保護18歲中堅侯辛，畢竟地標戰就犯錯，其後鏡頭影到佢嘅時候眼神都變得空洞，因此摩連奴再度將輿論焦點放喺自身以減輕對小將嘅壓力。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
意大利盃八強賽事，首都打吡戰拉素主場對羅馬，拉素方面上一圈意大利盃擊敗熱拿亞，今日繼續派上部份後備球員應戰，4-3-3陣式前鋒用上前基羅納球員嘅卡斯迪蘭奴斯(Valentin Castellanos)，中場亦有古安杜斯(Matteo Guendouzi)。另一邊嘅羅馬對於今場賽事較有誠意，3-5-2陣式雙前鋒有盧卡古同戴巴拿，而三中堅嘅左中堅用上最近先外借加盟嘅18歲年青人侯辛(Dean Huijsen)。
上半場兩隊踢得不分上下，場面一度膠著，因為拉素4-3-3陣式防守時係中路形成包圍網，令羅馬只能喺兩邊推進同出波，不過一對翼衛薩利域斯基(Nicola Zalewski)同卡斯杜普(Rick Karsdorp)發揮上較為一般，唔少傳球都會被搶截，令到羅馬上半場無一次中龍嘅埋門。相反拉素面對羅馬嘅佈防同樣無力改變戰局，因為羅馬三中堅對三前鋒，三中場對三中場，一對前鋒加一對後衛就對四後衛，牌面上可以打到人盯人，不過羅馬只係打mid block防守，搶到控球權亦唔急於進攻，因此上半場陷入一場悶戰。
下半場羅馬收起戴巴拿，而51分鐘拉素一次進攻左路傳中，羅馬18歲中堅侯辛(Dean Huijsen)踢中前鋒卡斯迪蘭奴斯(Valentin Castellanos)小腿，拉素獲判十二碼，薩卡尼(Mattia Zaccagni)主射入網打破僵局。
落後之下羅馬急於進攻，除咗令後場暴露更多空位之外，爭奪皮球時出現更多身體接觸抽水行為，令到呢場打吡戰增加火藥味。58分鐘羅馬抽起兩翼衛薩利域斯基(Nicola Zalewski)同卡斯杜普(Rick Karsdorp)，換入史賓拿索拉(Leonardo Spinazzola)同阿施蒙(Sardar Azmoun)，轉陣3-4-3陣式嘗試利用阿施蒙同柏歷堅尼(Lorenzo Pellegrini)係兩條防線之間遊走創造機會，但效果唔顯著，因為拉素係70分鐘起開始集中防守並希望拖到完場，結果令場面形成一場攻防戰。
去到87分鐘阿施蒙係禁區頂住身位回後，比洛堤(Andrea Belotti)舍身起腳被撲出，尾段先有一腳似樣啲嘅射門，或許已經反映羅馬嘅攻力相當有限，最終拉素以一記十二碼擊敗羅馬取得首都打吡戰嘅勝仗，並且晉級意大利盃四強，對手將會係祖雲達斯或費辛隆尼。
首都打吡大戰由賽前雙方球迷互掟煙花打開序幕，下半場尾段補時階段拉素球員Pedro因拖延時間並同球證爭論，兩黃一紅被逐，而那邊廂嘅羅馬亦有阿施蒙嘅暴力行為、中堅文仙尼嘅爭執，直紅離場。賽後摩連奴批評球證見到禁區碰撞一刻冇即時比十二碼，反而睇完VAR比十二碼，表示相當不滿。然而如此強行無理嘅說話，相信並唔係為今場敗仗搵藉口，而係保護18歲中堅侯辛，畢竟地標戰就犯錯，其後鏡頭影到佢嘅時候眼神都變得空洞，因此摩連奴再度將輿論焦點放喺自身以減輕對小將嘅壓力。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
請按此登錄後留言。未成為會員? 立即註冊