利物浦3分鐘連入兩球反勝富咸 一球優勢進入四強次回合
聯賽盃四強首回合賽事，利物浦主場對戰富咸，主隊上一仗2比0擊敗阿仙奴，靠嘅就係中場調動並放棄中場爭奪直接打身後，今日4-3-3陣式有中堅有雲迪克復出，而巴特利(Conor Bradley)就頂替阿諾成為正選右閘，中場起用加雲貝治(Ryan Gravenberch)，右翼今日由艾利諾(Harvey Elliot)擔任，中鋒位置有祖達(Diogo Jota)出任正選。作客嘅富咸基本上正選盡出，4-2-3-1陣式由由魯爾占美利斯((Raul Jiménez)掛帥，身後有韋利安(Willian)同安達斯彭利拿(Andreas Pereira)支援。
上半場利物浦本來依舊主導形勢，但係19分鐘雲迪克係自家禁區頭槌頂後但力度唔夠，被安達斯彭利拿搶截再後cut back傳中，韋利安後上突破窄位射入，為富咸領先一比零。落後嘅利物浦雖然係上半場有7次射門但只有1次中龍機會，一半原因係對方一球領先後全軍縮後集中防守，另一半原因或許係今日陣中欠缺阿諾嘅創造力，進攻上未能做到入禁區，禁區外嘅起腳又被擋走，令紅軍係上半場落後一球入更衣室
換邊後兩軍情況依舊，直到56分鐘利物浦換入紐尼斯同加普，轉陣4-2-3-1陣式，加普打右翼，祖達回後一格打影子前鋒增加自由度，而紐尼斯就頂係最前。換人後利物浦全軍壓前，甚至左閘祖高美斯學阿諾一樣上前內收入中路，不過同時過度嘅壓前令富咸每次打反擊都極有威脅，永遠快速由守轉攻，前面都有一大片草原推進，因此呢樣就係主隊所承擔嘅風險。
結果利物浦嘅賭注成功取得報酬，68分鐘鍾斯(Curtis Jones)左路禁區外遠射，省中對方球員阿迪歷巴若(Tosin Adarabioyo)，改變方向笠死門將，成功為利物浦追平一比一。2分鐘後祖達左路推進比直線，紐尼線禁區內比橫，加普門前射入，瞬間反超前二比一。3分鐘內由贏變輸，富咸整隊連同領隊都士氣崩潰，餘下時間就由主隊圍攻富咸，當中紐尼斯三次中目標嘅射門都被門將蘭奴漂亮撲出，最終利物浦以2比1反勝富咸，帶住一球優勢準備次回合，而次回合將會係富咸主場1月24號舉行。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
聯賽盃四強首回合賽事，利物浦主場對戰富咸，主隊上一仗2比0擊敗阿仙奴，靠嘅就係中場調動並放棄中場爭奪直接打身後，今日4-3-3陣式有中堅有雲迪克復出，而巴特利(Conor Bradley)就頂替阿諾成為正選右閘，中場起用加雲貝治(Ryan Gravenberch)，右翼今日由艾利諾(Harvey Elliot)擔任，中鋒位置有祖達(Diogo Jota)出任正選。作客嘅富咸基本上正選盡出，4-2-3-1陣式由由魯爾占美利斯((Raul Jiménez)掛帥，身後有韋利安(Willian)同安達斯彭利拿(Andreas Pereira)支援。
上半場利物浦本來依舊主導形勢，但係19分鐘雲迪克係自家禁區頭槌頂後但力度唔夠，被安達斯彭利拿搶截再後cut back傳中，韋利安後上突破窄位射入，為富咸領先一比零。落後嘅利物浦雖然係上半場有7次射門但只有1次中龍機會，一半原因係對方一球領先後全軍縮後集中防守，另一半原因或許係今日陣中欠缺阿諾嘅創造力，進攻上未能做到入禁區，禁區外嘅起腳又被擋走，令紅軍係上半場落後一球入更衣室
換邊後兩軍情況依舊，直到56分鐘利物浦換入紐尼斯同加普，轉陣4-2-3-1陣式，加普打右翼，祖達回後一格打影子前鋒增加自由度，而紐尼斯就頂係最前。換人後利物浦全軍壓前，甚至左閘祖高美斯學阿諾一樣上前內收入中路，不過同時過度嘅壓前令富咸每次打反擊都極有威脅，永遠快速由守轉攻，前面都有一大片草原推進，因此呢樣就係主隊所承擔嘅風險。
結果利物浦嘅賭注成功取得報酬，68分鐘鍾斯(Curtis Jones)左路禁區外遠射，省中對方球員阿迪歷巴若(Tosin Adarabioyo)，改變方向笠死門將，成功為利物浦追平一比一。2分鐘後祖達左路推進比直線，紐尼線禁區內比橫，加普門前射入，瞬間反超前二比一。3分鐘內由贏變輸，富咸整隊連同領隊都士氣崩潰，餘下時間就由主隊圍攻富咸，當中紐尼斯三次中目標嘅射門都被門將蘭奴漂亮撲出，最終利物浦以2比1反勝富咸，帶住一球優勢準備次回合，而次回合將會係富咸主場1月24號舉行。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
請按此登錄後留言。未成為會員? 立即註冊