邦路斯加盟柏林聯半季就離隊 轉戰土超費倫巴治直到季尾
根據Fabrizio Romano嘅報導，意大利國腳中堅邦路斯(Leonardo Bonucci)與德甲球隊柏林聯達成協議解約，將會以自由身加盟土超球隊費倫巴治，雙方簽約至今季季尾。
34歲嘅邦路斯今個夏天以自由身加盟柏林聯，當時柏林聯初戰歐聯並且兼顧兩條戰線，邦路斯嘅來臨可以增強中堅人選深度同給予球隊歐聯嘅經驗，而邦路斯為柏林聯上演嘅地標戰就係歐聯對皇馬嘅一仗，雖然落敗但個人表現上相當稱職。而舊帥Urs Fischer都有給予一定時間同上陣機會予球員，但領隊Urs Fischer 9月起連續14場各項賽事不勝，加上歐聯小組賽第四位出局，最終需要下課，新帥Marco Grote轉陣打四後衛令邦路斯上陣機會大減，結果邦路斯加盟球隊半季便離隊，總結為柏林聯上陣10場攻入一球，結束短暫征戰德甲嘅旅程。
邦路斯嘅下一站係土超聯賽嘅費倫巴治，對球員而言，佢需要爭取更多上陣時間去保持狀態，以爭取入選意大利國家隊征戰夏天嘅歐洲國家盃賽事。
對於費倫巴治而言，除左陣中嘅迪斯高(Edin Dzeko)、費特(Fred)、前阿積士嘅泰迪(Dusan Tadic)，如今再收一名前五大聯賽嘅球員，目的就係同聯賽排第二嘅加拉塔沙雷一決高下，因為目前兩隊戰績同績分都一模一樣，只係費倫巴治嘅得失球差較佳，因此排係榜首位置，而以邦路斯嘅能力應該可以係球隊取得常規正選中堅位置，寄望佢能夠重拾狀態。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
根據Fabrizio Romano嘅報導，意大利國腳中堅邦路斯(Leonardo Bonucci)與德甲球隊柏林聯達成協議解約，將會以自由身加盟土超球隊費倫巴治，雙方簽約至今季季尾。
34歲嘅邦路斯今個夏天以自由身加盟柏林聯，當時柏林聯初戰歐聯並且兼顧兩條戰線，邦路斯嘅來臨可以增強中堅人選深度同給予球隊歐聯嘅經驗，而邦路斯為柏林聯上演嘅地標戰就係歐聯對皇馬嘅一仗，雖然落敗但個人表現上相當稱職。而舊帥Urs Fischer都有給予一定時間同上陣機會予球員，但領隊Urs Fischer 9月起連續14場各項賽事不勝，加上歐聯小組賽第四位出局，最終需要下課，新帥Marco Grote轉陣打四後衛令邦路斯上陣機會大減，結果邦路斯加盟球隊半季便離隊，總結為柏林聯上陣10場攻入一球，結束短暫征戰德甲嘅旅程。
邦路斯嘅下一站係土超聯賽嘅費倫巴治，對球員而言，佢需要爭取更多上陣時間去保持狀態，以爭取入選意大利國家隊征戰夏天嘅歐洲國家盃賽事。
對於費倫巴治而言，除左陣中嘅迪斯高(Edin Dzeko)、費特(Fred)、前阿積士嘅泰迪(Dusan Tadic)，如今再收一名前五大聯賽嘅球員，目的就係同聯賽排第二嘅加拉塔沙雷一決高下，因為目前兩隊戰績同績分都一模一樣，只係費倫巴治嘅得失球差較佳，因此排係榜首位置，而以邦路斯嘅能力應該可以係球隊取得常規正選中堅位置，寄望佢能夠重拾狀態。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
請按此登錄後留言。未成為會員? 立即註冊