添姆雲拿重返英超外借六個月 加盟熱刺提供即時火力
根據Fabrizio Romano嘅報導，熱刺同德甲球隊RB萊比錫達成協議，將會借用前鋒添姆雲拿6個月直到季尾，熱刺將會支付球員所有薪金，而外借合約之中包含買斷條款，費用為1500-2000萬歐元之間，添姆雲拿將會回歸英超。
現年27歲嘅添姆雲拿(Timo Werner)係2020年7月由RB萊比錫轉會至車路士，當時係疫情球季以4500萬鎊加盟球隊，雖然球員有飛快嘅速度同不放棄嘅逼搶態度，但更為人垢病嘅係佢嘅把握力，20/21球季佢英超Big Chance missed嘅數據為列前五位。不過添姆雲拿為車路士上陣89場攻入23個入球，並且協助球隊贏下歐聯冠軍，因此佢都曾經為車路士立下汗馬功勞。其後球員係2022年8月重投RB萊比錫，加盟18個月只係攻入18球，今季係Xavi Simons同Ikoma Lois Openda加盟後將添姆雲拿擠出正選行列，今季聯賽上陣8場只係攻入2球，不復當年發光發亮嘅時間。
外借到熱刺重返倫敦，對於球員而言，係爭取上陣時間同狀態嘅最佳機會，因為今年夏天將會舉行歐洲國家盃，添姆雲拿需要交出表現以重返國家隊，畢竟佢係近三輪國家隊友誼賽都冇入選大名單。
對於熱刺而言，球隊需要一位攻擊好手，目前孫興慜大機會2月中先歸隊，所羅門(Manor Solomon)2月中先復出，後備前鋒維歷斯(Alejo Veliz)對般尼茅夫傷出要三月先復出，仲有麥迪臣係1月中先復出但狀態不明，因此球隊目前只有李察利臣、班蘭莊遜、古路錫夫斯基同班恩基爾四位鋒線球員，其中只有狀態飄忽嘅李察利臣能夠擔任前鋒位置，不過上一場對般尼艱深取勝，已經反映到呢四位鋒線球員嘅進攻能力。
那麼添姆雲拿就能夠即時提供進攻火力嗎？添姆雲拿把握力相信依舊，但雲拿提供嘅係更多嘅無球走動、不惜氣力嘅逼搶同助攻能力，為車路士上陣89場攻入23球之餘亦交出21球助攻，其逼搶取態合乎普斯迪高古嘅戰術，快速守轉攻時嘅傳球決定亦會比李察利臣更好，因此相信呢單轉會將會協助球隊保持近況佳績。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
根據Fabrizio Romano嘅報導，熱刺同德甲球隊RB萊比錫達成協議，將會借用前鋒添姆雲拿6個月直到季尾，熱刺將會支付球員所有薪金，而外借合約之中包含買斷條款，費用為1500-2000萬歐元之間，添姆雲拿將會回歸英超。
現年27歲嘅添姆雲拿(Timo Werner)係2020年7月由RB萊比錫轉會至車路士，當時係疫情球季以4500萬鎊加盟球隊，雖然球員有飛快嘅速度同不放棄嘅逼搶態度，但更為人垢病嘅係佢嘅把握力，20/21球季佢英超Big Chance missed嘅數據為列前五位。不過添姆雲拿為車路士上陣89場攻入23個入球，並且協助球隊贏下歐聯冠軍，因此佢都曾經為車路士立下汗馬功勞。其後球員係2022年8月重投RB萊比錫，加盟18個月只係攻入18球，今季係Xavi Simons同Ikoma Lois Openda加盟後將添姆雲拿擠出正選行列，今季聯賽上陣8場只係攻入2球，不復當年發光發亮嘅時間。
外借到熱刺重返倫敦，對於球員而言，係爭取上陣時間同狀態嘅最佳機會，因為今年夏天將會舉行歐洲國家盃，添姆雲拿需要交出表現以重返國家隊，畢竟佢係近三輪國家隊友誼賽都冇入選大名單。
對於熱刺而言，球隊需要一位攻擊好手，目前孫興慜大機會2月中先歸隊，所羅門(Manor Solomon)2月中先復出，後備前鋒維歷斯(Alejo Veliz)對般尼茅夫傷出要三月先復出，仲有麥迪臣係1月中先復出但狀態不明，因此球隊目前只有李察利臣、班蘭莊遜、古路錫夫斯基同班恩基爾四位鋒線球員，其中只有狀態飄忽嘅李察利臣能夠擔任前鋒位置，不過上一場對般尼艱深取勝，已經反映到呢四位鋒線球員嘅進攻能力。
那麼添姆雲拿就能夠即時提供進攻火力嗎？添姆雲拿把握力相信依舊，但雲拿提供嘅係更多嘅無球走動、不惜氣力嘅逼搶同助攻能力，為車路士上陣89場攻入23球之餘亦交出21球助攻，其逼搶取態合乎普斯迪高古嘅戰術，快速守轉攻時嘅傳球決定亦會比李察利臣更好，因此相信呢單轉會將會協助球隊保持近況佳績。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
請按此登錄後留言。未成為會員? 立即註冊