基羅納狂野4比3絕殺馬體會 摩拉達帽子戲法未能力挽狂瀾
西甲前四大戰，基羅納主場迎戰馬德里體育會，主隊基羅納近10場聯賽連續不敗兼且場場有波入，狀態火熱，今日4-5-1陣式繼續由杜夫比克(Artem Dovbyk)擔任正前鋒，左翼今日用上華利尼(Valery Fernández)，沙域奧(Savio)擔任右翼，古圖(Yan Couto)就打右閘。另一邊嘅馬體會3-5-2陣式今日由馬高斯路蘭迪(Marcos Llorente)打右翼衛，列基美(Rodrigo Riquelme)打右中場，迪亞斯連奴(Samuel Dias Lino)就打左翼衛。
上半場開波1分鐘基羅納就有一次簡單進攻，當時右路傳中，中鋒杜夫比克攞到射到但僅僅柱邊出界。而1分鐘後基羅納就係新一年延續神奇表現，左路華利尼費南迪斯對住韋素拐入中路起腳即入網，基羅納領先1比0。
14分鐘基斯文攞到第一點再頭鎚撐後，摩拉達身旁起動攞落嚟射遠柱地波追平1比1。不過27分鐘基羅納前場逼搶，高基(Koke)背身比人從腳下搶截，馬田(Iván Martin)一射被門將撲出，沙域奧旁邊半車身窩利抽入，基羅納再度領先2比1。
去到39分鐘基羅納角球開短，傳中先到前柱由杜夫比克加一腳彈到尾柱，白蘭特(Daley Blind)無人看管下後上撞入，擴大比數至3比1。最後上半場44分鐘迪保羅中場突破再比直線，摩拉達埋伏於中堅白蘭特身後，高速殺入禁區嘅同時面對兩名守衛迫向邊路，竟然冷靜地一cup再用左腳射入，比數改寫成3比2。
上半場馬體會不斷針對右路進攻，經常傳球到右路，再由馬高斯路蘭迪係右路傳中，而針對嘅正正係基羅納嘅進攻戰術。基羅納進攻時左閘古迪爾斯(Miguel Gutiérrez)會壓前再內收到攻擊中場位置，中場嘅阿歷斯加西亞(Aleix Garcia)回後形成三中堅，而上半場馬田都會處於後方令右閘可以上前進攻。雖然後面有三中堅，但係當馬體會由守轉攻一刻，左閘古迪爾斯未必能夠立即返到左閘位置，更未談論當時嘅跑返去嘅位置是否適合，而幫佢補位嘅係33歲嘅白蘭特，佢係好路數有經驗但欠缺速度，身旁另一中堅艾歷加西亞亦唔係好得去邊，因此馬體會進攻上係有針對性部署，摩拉達亦成功欺負一對中堅取得入球。
經歷大手交易嘅上半場後，換邊後馬體會換入右翼衛莫連拿(Nahuel Molina)，將列基美(Rodrigo Riquelme)順移到左翼衛位置。馬體會下半場初段火力全開，10分鐘內6次起腳都相當近磅，54分鐘迪保羅中路個人突破再比直線，摩拉達弧線型走位攞波即射，個人上演帽子戲法之外亦為球隊追平三比三。
基羅納下半場速率體能下降，威脅銳利度下降，起腳亦未能考驗到門將奧比勒，同時馬體會急攻完一輪後節奏亦回復正常，因此雙方都逐漸適應對方嘅進攻節奏，令到下半場到91分鐘先出現最後一個入球，當時基羅納中場馬田左路後上入禁區，三人包夾下起腳，省中對方球員隻腳改變方向，射向右邊死角絕殺馬體會，最終基羅納以4比3絕殺馬體會，全取3分後繼續同皇馬同分，並且係聯賽排名上緊隨其後。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
西甲前四大戰，基羅納主場迎戰馬德里體育會，主隊基羅納近10場聯賽連續不敗兼且場場有波入，狀態火熱，今日4-5-1陣式繼續由杜夫比克(Artem Dovbyk)擔任正前鋒，左翼今日用上華利尼(Valery Fernández)，沙域奧(Savio)擔任右翼，古圖(Yan Couto)就打右閘。另一邊嘅馬體會3-5-2陣式今日由馬高斯路蘭迪(Marcos Llorente)打右翼衛，列基美(Rodrigo Riquelme)打右中場，迪亞斯連奴(Samuel Dias Lino)就打左翼衛。
上半場開波1分鐘基羅納就有一次簡單進攻，當時右路傳中，中鋒杜夫比克攞到射到但僅僅柱邊出界。而1分鐘後基羅納就係新一年延續神奇表現，左路華利尼費南迪斯對住韋素拐入中路起腳即入網，基羅納領先1比0。
14分鐘基斯文攞到第一點再頭鎚撐後，摩拉達身旁起動攞落嚟射遠柱地波追平1比1。不過27分鐘基羅納前場逼搶，高基(Koke)背身比人從腳下搶截，馬田(Iván Martin)一射被門將撲出，沙域奧旁邊半車身窩利抽入，基羅納再度領先2比1。
去到39分鐘基羅納角球開短，傳中先到前柱由杜夫比克加一腳彈到尾柱，白蘭特(Daley Blind)無人看管下後上撞入，擴大比數至3比1。最後上半場44分鐘迪保羅中場突破再比直線，摩拉達埋伏於中堅白蘭特身後，高速殺入禁區嘅同時面對兩名守衛迫向邊路，竟然冷靜地一cup再用左腳射入，比數改寫成3比2。
上半場馬體會不斷針對右路進攻，經常傳球到右路，再由馬高斯路蘭迪係右路傳中，而針對嘅正正係基羅納嘅進攻戰術。基羅納進攻時左閘古迪爾斯(Miguel Gutiérrez)會壓前再內收到攻擊中場位置，中場嘅阿歷斯加西亞(Aleix Garcia)回後形成三中堅，而上半場馬田都會處於後方令右閘可以上前進攻。雖然後面有三中堅，但係當馬體會由守轉攻一刻，左閘古迪爾斯未必能夠立即返到左閘位置，更未談論當時嘅跑返去嘅位置是否適合，而幫佢補位嘅係33歲嘅白蘭特，佢係好路數有經驗但欠缺速度，身旁另一中堅艾歷加西亞亦唔係好得去邊，因此馬體會進攻上係有針對性部署，摩拉達亦成功欺負一對中堅取得入球。
經歷大手交易嘅上半場後，換邊後馬體會換入右翼衛莫連拿(Nahuel Molina)，將列基美(Rodrigo Riquelme)順移到左翼衛位置。馬體會下半場初段火力全開，10分鐘內6次起腳都相當近磅，54分鐘迪保羅中路個人突破再比直線，摩拉達弧線型走位攞波即射，個人上演帽子戲法之外亦為球隊追平三比三。
基羅納下半場速率體能下降，威脅銳利度下降，起腳亦未能考驗到門將奧比勒，同時馬體會急攻完一輪後節奏亦回復正常，因此雙方都逐漸適應對方嘅進攻節奏，令到下半場到91分鐘先出現最後一個入球，當時基羅納中場馬田左路後上入禁區，三人包夾下起腳，省中對方球員隻腳改變方向，射向右邊死角絕殺馬體會，最終基羅納以4比3絕殺馬體會，全取3分後繼續同皇馬同分，並且係聯賽排名上緊隨其後。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
請按此登錄後留言。未成為會員? 立即註冊