熱刺以勝仗告別2023年 般尼茅夫進攻配合有驚喜
英超2023年最後一場賽事，熱刺主場對住般尼茅夫，熱刺上一場大開大合地輸比白禮頓，今日主場出擊4-2-3-1陣式中場有賓坦古亞(Rodrigo Bentancur)傷癒復出復任正選，而攻擊中場古路錫夫斯基(Dejan Kulusevski)因為累積足夠黃牌需要停賽一場，今場由盧施素(Giovani Lo Celso)出任正選攻中。至於作客嘅般尼茅夫近7場英超未嘗一敗，今日4-2-3-1陣式中場李維士曲克(Lewis Cook)復出，左右兩翼分別由辛尼斯達拿(Luis Sinisterra)同達華尼爾(Marcus Tavernier)擔任正選。
上半場9分鐘般尼茅夫門將尼圖直線傳到中間被截到，柏比沙亞(Pape Sarr)推進無人看管下禁區外割草式地波射入，熱刺早段領先1比0。然而熱刺係上半場並不好受，甚至係25分鐘後再無起腳。首先般尼茅夫係進攻上嘗試以長傳打破熱刺高壓逼搶，不斷嘅過頭波令後防增添唔少負擔，再者般尼茅夫同樣擅長高位防守，令到熱刺難以將皮球運上前場。
般尼茅夫呢支中游球隊係進攻上其實比到唔少驚喜，壓住熱刺嚟攻係有信心有氣勢有配合，右路斬波有準繩，左路壓前知道隊友幾時會Overlap，因此上半場客隊嘅進攻組織相當悅目，只係差最後一腳。
下半場初段熱刺同樣被對手壓住進攻，不過主隊透過收窄陣容闊度應對客隊進攻，佢地給予空間般尼茅夫係兩路傳中，但就圍堵中路令對方球員難以接應，再嘗試係細空間短傳製造快速反擊。
71分鐘李察利臣做支點勉強回到後面，盧施素立即彈前比起動嘅孫興慜，殺入禁區底線前射成2比0。熱刺入球後攞返個勢，80分鐘一個過頭波比到右邊嘅班蘭莊遜，簡單傳中由李察利臣近門撞入，擴大比分至三比零，基本上奠定勝局。最後般尼茅夫由後備上陣嘅史葛(Alex Scott)後上追返一球，最終熱刺主場三比一擊敗般尼茅夫，全取 3分後排喺第5位，以勝仗結束2023年。
熱刺方面今場把握到三次機會殺死比賽，戰術係有收窄陣容闊度去應對，但所面對嘅風險係防守要集中，而今日中堅艾馬臣表現依舊炸彈，右閘Pedro Porro都有犯錯嘅時候，整體上兩隊都有機會拿下比賽，只係般尼茅夫把握力差。同時間，熱刺防守角球做得唔好，對方整場有13個角球，有一半次數般茅球員都頂到角球製造埋門，呢方面係熱刺要加強嘅地方。個別球員上左閘烏杜治繼續攻守兼備，攻擊中場盧施素交出兩助攻之餘防守亦賣力，至於孫興慜感覺上今季成為隊長後多咗思考去助攻，而無第一時間完成射門，不過佢係今場都能取得入球。
般尼茅夫方面係伊拉奧拿領軍下確實有驚喜，今場可以講係較為無運，因為進攻上走位配合做啱晒，只係缺乏最後一傳或最後一射，譬如前鋒蘇蘭基同對面嘅李察利臣接近經常錯失機會，而右翼嘅泰華尼爾傳波有準繩度，但有時候過於獨食令到錯失機會。今場般尼茅夫喺進攻配合上展現出嘅級數已經係英超中上游，若果喺冬季增添人手改善把壓力，相信般尼茅夫能夠往上邁進多一步。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
英超2023年最後一場賽事，熱刺主場對住般尼茅夫，熱刺上一場大開大合地輸比白禮頓，今日主場出擊4-2-3-1陣式中場有賓坦古亞(Rodrigo Bentancur)傷癒復出復任正選，而攻擊中場古路錫夫斯基(Dejan Kulusevski)因為累積足夠黃牌需要停賽一場，今場由盧施素(Giovani Lo Celso)出任正選攻中。至於作客嘅般尼茅夫近7場英超未嘗一敗，今日4-2-3-1陣式中場李維士曲克(Lewis Cook)復出，左右兩翼分別由辛尼斯達拿(Luis Sinisterra)同達華尼爾(Marcus Tavernier)擔任正選。
上半場9分鐘般尼茅夫門將尼圖直線傳到中間被截到，柏比沙亞(Pape Sarr)推進無人看管下禁區外割草式地波射入，熱刺早段領先1比0。然而熱刺係上半場並不好受，甚至係25分鐘後再無起腳。首先般尼茅夫係進攻上嘗試以長傳打破熱刺高壓逼搶，不斷嘅過頭波令後防增添唔少負擔，再者般尼茅夫同樣擅長高位防守，令到熱刺難以將皮球運上前場。
般尼茅夫呢支中游球隊係進攻上其實比到唔少驚喜，壓住熱刺嚟攻係有信心有氣勢有配合，右路斬波有準繩，左路壓前知道隊友幾時會Overlap，因此上半場客隊嘅進攻組織相當悅目，只係差最後一腳。
下半場初段熱刺同樣被對手壓住進攻，不過主隊透過收窄陣容闊度應對客隊進攻，佢地給予空間般尼茅夫係兩路傳中，但就圍堵中路令對方球員難以接應，再嘗試係細空間短傳製造快速反擊。
71分鐘李察利臣做支點勉強回到後面，盧施素立即彈前比起動嘅孫興慜，殺入禁區底線前射成2比0。熱刺入球後攞返個勢，80分鐘一個過頭波比到右邊嘅班蘭莊遜，簡單傳中由李察利臣近門撞入，擴大比分至三比零，基本上奠定勝局。最後般尼茅夫由後備上陣嘅史葛(Alex Scott)後上追返一球，最終熱刺主場三比一擊敗般尼茅夫，全取 3分後排喺第5位，以勝仗結束2023年。
熱刺方面今場把握到三次機會殺死比賽，戰術係有收窄陣容闊度去應對，但所面對嘅風險係防守要集中，而今日中堅艾馬臣表現依舊炸彈，右閘Pedro Porro都有犯錯嘅時候，整體上兩隊都有機會拿下比賽，只係般尼茅夫把握力差。同時間，熱刺防守角球做得唔好，對方整場有13個角球，有一半次數般茅球員都頂到角球製造埋門，呢方面係熱刺要加強嘅地方。個別球員上左閘烏杜治繼續攻守兼備，攻擊中場盧施素交出兩助攻之餘防守亦賣力，至於孫興慜感覺上今季成為隊長後多咗思考去助攻，而無第一時間完成射門，不過佢係今場都能取得入球。
般尼茅夫方面係伊拉奧拿領軍下確實有驚喜，今場可以講係較為無運，因為進攻上走位配合做啱晒，只係缺乏最後一傳或最後一射，譬如前鋒蘇蘭基同對面嘅李察利臣接近經常錯失機會，而右翼嘅泰華尼爾傳波有準繩度，但有時候過於獨食令到錯失機會。今場般尼茅夫喺進攻配合上展現出嘅級數已經係英超中上游，若果喺冬季增添人手改善把壓力，相信般尼茅夫能夠往上邁進多一步。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
請按此登錄後留言。未成為會員? 立即註冊