狼隊入球後獻給隊友利明拿 3比0擊潰愛華頓心態提早投降
英超年末賽事，狼隊主場對愛華頓，狼隊上一場四比一大破賓福特，其中韓國前鋒黃喜燦梅開二度，今日3-4-2-1陣式無太大變動，只係中堅用上拼命三郎嘅道臣(Craig Dawson)，中場近期狀態火熱嘅利明拿(Mario Lemina)因父親去世未能出戰，改用曼城借將道利(Thomas Doyle)。另一邊作客嘅愛華頓今日轉陣5-4-1陣式，正前鋒以卡華利雲做單箭頭，寄望三中堅能夠守好狼隊三箭頭。
上半場兩隊嘅進攻威脅不多，愛華頓唯一嘅進攻模式只係搵卡華利雲做支點二傳，或者捕係禁區頂頭鎚，然而正正禁區只有一點令卡華利雲淹沒於人海，令愛華頓嘅進攻完全被洞悉。再者今日雙中場係奧拿拿同占士加拿，只有後者有少許創造力，其餘時間只能靠湧靠撞，愛華頓唔作出調整豈能有入球機會？
愛華頓雖然進攻不果，防守時呈5-4-1，兩翼會稍微內收形成五人包圍網，鎖住狼隊雙中場，迫使狼隊要靠邊路推進。狼隊嘅進攻透過不斷嘗試而逐漸有威脅，特別係狼隊嘅進攻側重於右路，經常由後場斬到右路或大轉邊到右路，不斷針對對方左閘米高蘭高(Vitalii Mykolenko)防守較差嘅弱點做突破口，多次嘅右路出波終於喺25分鐘取得成果，當時狼隊角球攻勢後右路再出波，門將碧福特擋出道臣近門撞射，但混亂之中有另一中堅橋文(Max Kilman)補射入網，狼隊領先1比0，入球後狼隊球員舉起利明拿嘅球衣致意送上安慰，場面另人感動。
下半場愛華頓未有立即作出調動，結果局面一去不復返，53分鐘沙拉比亞(Pablo Sarabia)右路放直線，黃喜燦落底傳中，最後由觀夏(Matheus Cunha)門前撞入2比0，狼隊三箭頭完成整個攻勢。61分鐘觀夏左路禁區外急區傳中，愛華頓整條防線傾斜包晒越位，中堅道臣禁區內加一腳改變方向入網，狼隊領先到三比零。
愛華頓係63分鐘先抽起一個中堅換入安祖高美斯(André Gomes)，轉陣4-2-3-1陣式，而有左高美斯就係提供到向前輸送嘅能力，67分鐘高美斯比到卡華利雲支點回後，麥尼爾怒轟一球用柱彈出，但至少進攻有返起色。可惜隨住時間過去，愛華頓即使再換入比圖同丹祖馬等進攻球員，對於進攻反擊嘅體力同心態逐漸失去，結果狼隊主場3比0擊敗愛華頓，以勝仗告別2023年。
狼隊今日針對右路進攻嘅部署相當成功，後防中堅道臣同橋文除左入波，係看守卡華利雲嘅工作亦做得好，因此3分落袋係實至名歸。另一邊嘅愛華頓未有係半場立即作出調動成為敗筆，因為上半場係完全無力組織進攻，為左反撲係需要早啲變陣。防守上雖然係三中堅，但後衛三子都慌失失，而70分鐘後整隊心態已經投降，比起戰術或能力上嘅不足，提早投降嘅心態更為需要改善嘅地方。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
英超年末賽事，狼隊主場對愛華頓，狼隊上一場四比一大破賓福特，其中韓國前鋒黃喜燦梅開二度，今日3-4-2-1陣式無太大變動，只係中堅用上拼命三郎嘅道臣(Craig Dawson)，中場近期狀態火熱嘅利明拿(Mario Lemina)因父親去世未能出戰，改用曼城借將道利(Thomas Doyle)。另一邊作客嘅愛華頓今日轉陣5-4-1陣式，正前鋒以卡華利雲做單箭頭，寄望三中堅能夠守好狼隊三箭頭。
上半場兩隊嘅進攻威脅不多，愛華頓唯一嘅進攻模式只係搵卡華利雲做支點二傳，或者捕係禁區頂頭鎚，然而正正禁區只有一點令卡華利雲淹沒於人海，令愛華頓嘅進攻完全被洞悉。再者今日雙中場係奧拿拿同占士加拿，只有後者有少許創造力，其餘時間只能靠湧靠撞，愛華頓唔作出調整豈能有入球機會？
愛華頓雖然進攻不果，防守時呈5-4-1，兩翼會稍微內收形成五人包圍網，鎖住狼隊雙中場，迫使狼隊要靠邊路推進。狼隊嘅進攻透過不斷嘗試而逐漸有威脅，特別係狼隊嘅進攻側重於右路，經常由後場斬到右路或大轉邊到右路，不斷針對對方左閘米高蘭高(Vitalii Mykolenko)防守較差嘅弱點做突破口，多次嘅右路出波終於喺25分鐘取得成果，當時狼隊角球攻勢後右路再出波，門將碧福特擋出道臣近門撞射，但混亂之中有另一中堅橋文(Max Kilman)補射入網，狼隊領先1比0，入球後狼隊球員舉起利明拿嘅球衣致意送上安慰，場面另人感動。
下半場愛華頓未有立即作出調動，結果局面一去不復返，53分鐘沙拉比亞(Pablo Sarabia)右路放直線，黃喜燦落底傳中，最後由觀夏(Matheus Cunha)門前撞入2比0，狼隊三箭頭完成整個攻勢。61分鐘觀夏左路禁區外急區傳中，愛華頓整條防線傾斜包晒越位，中堅道臣禁區內加一腳改變方向入網，狼隊領先到三比零。
愛華頓係63分鐘先抽起一個中堅換入安祖高美斯(André Gomes)，轉陣4-2-3-1陣式，而有左高美斯就係提供到向前輸送嘅能力，67分鐘高美斯比到卡華利雲支點回後，麥尼爾怒轟一球用柱彈出，但至少進攻有返起色。可惜隨住時間過去，愛華頓即使再換入比圖同丹祖馬等進攻球員，對於進攻反擊嘅體力同心態逐漸失去，結果狼隊主場3比0擊敗愛華頓，以勝仗告別2023年。
狼隊今日針對右路進攻嘅部署相當成功，後防中堅道臣同橋文除左入波，係看守卡華利雲嘅工作亦做得好，因此3分落袋係實至名歸。另一邊嘅愛華頓未有係半場立即作出調動成為敗筆，因為上半場係完全無力組織進攻，為左反撲係需要早啲變陣。防守上雖然係三中堅，但後衛三子都慌失失，而70分鐘後整隊心態已經投降，比起戰術或能力上嘅不足，提早投降嘅心態更為需要改善嘅地方。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
請按此登錄後留言。未成為會員? 立即註冊