曼聯森林炮製深夜西波 森林連續兩次禁區頂入波取勝
英超年末賽事，諾定咸森林主場對戰曼聯，賽前森林換帥後雖然一勝一負，但換上基斯活特打正前鋒已經喚醒進攻火力，今日4-2-3-1陣式中場用上耶迪斯(Ryan Yates)，左翼用上阿根廷翼鋒杜明基斯(Nicolás Dominguez)。作客嘅曼聯今日前鋒海倫因為身體不適而缺陣，因此今日由拉舒福特打正前鋒，聯同加拿祖同安東尼打三箭頭。
上半場兩隊所交出嘅表現都係低水準，主隊縮後打防反有一定套路，利用伊蘭加(Anthony Elanga)係邊路嘅速度突破創造機會，而確實係有做出威脅，但組織上經常自己搓失斷纜，對面嘅曼聯亦有同一個情況，雖然曼聯有較多控球但完全無威脅，基本上上半場觀感係唔知睇左啲乜，相當沉悶，曼聯進攻冇配合冇默契冇組織可言，上半場亦只有一記起腳。
下半場曼聯取起文奴(Kobbie Mainoo)換入麥湯文尼，疑似係文奴有傷在身而換走。其後54分鐘坦哈格決定收起安東尼，換入傷癒復出嘅阿曼迪亞路(Amad Diallo)，此子季前熱身賽後就一直受傷，上場後令曼聯突然一腳中柱，為沉悶嘅比賽增添左一絲精彩鏡頭。
64分鐘森林終於入波，蒙迪爾(Gonzalo Montiel)右路禁區頂轉身比橫，杜明基斯中路無人看管射入，森林終於領先一比零，而值得一提嘅係當刻曼聯雙防中麥湯文尼同艾歷臣並無形成一道屏障保護禁區頂，反而形成一條垂直線傾側於左路。
78分鐘森林門將端拿(Matt Turner)致命直線傳比加拿祖，橫傳比拉舒福特射入，曼聯捕捉到對手一次失誤追平一比一。賽事喺尾段變得開放，82分鐘當曼聯進攻不果，諾定咸森林快速由守轉攻，由基比斯韋特(Morgan Gibbs-White)係禁區頂同樣無人看管下射入，當時森林4打5，防中麥湯文尼走去同達洛特兩個mark一個，一對中堅退入禁區但無人睇住禁區頂，30分鐘內犯同一個錯誤，曼聯輸波完全係咎由自取，即使尾段圍攻亦毫無結果，最終諾定咸森林創會首次擊敗曼聯，以2比1拿下勝利。
今場比賽其實兩隊都踢得唔好，森林兩個入球都係對方防守失誤並且自己把握到，但對於係護級邊緣掙扎嘅球隊唔能夠要求咁多。曼聯方面上半場垃圾表現，下半場換上麥湯文尼打防中一半程度上令兩個失波出現，前面安東尼一貫水準，福仔同加拿祖其實都係差，只係對方門將送禮先有一個入球，因此賽後反思嘅係到底今場曼聯有咩戰術方針？
換人方面54分鐘抽起安東尼換入阿曼迪亞路係決定正確，而迪亞路亦做到一個正常右翼嘅要求，但90分鐘換列古朗又係迷之操作，如果係追平比數一刻調動或許能夠乘着氣勢進擊，不過場上每一個決定都係差之毫釐謬之千里，因此曼聯輸波只係比對手更差，亦相信曼聯嘅亂局會延續到新一年。
如果睇到呢度，不妨follow我地嘅instagram睇到更多唔同嘅足球資訊！IG : Footballarena_hk
Facebook: 足球港場
英超年末賽事，諾定咸森林主場對戰曼聯，賽前森林換帥後雖然一勝一負，但換上基斯活特打正前鋒已經喚醒進攻火力，今日4-2-3-1陣式中場用上耶迪斯(Ryan Yates)，左翼用上阿根廷翼鋒杜明基斯(Nicolás Dominguez)。作客嘅曼聯今日前鋒海倫因為身體不適而缺陣，因此今日由拉舒福特打正前鋒，聯同加拿祖同安東尼打三箭頭。
上半場兩隊所交出嘅表現都係低水準，主隊縮後打防反有一定套路，利用伊蘭加(Anthony Elanga)係邊路嘅速度突破創造機會，而確實係有做出威脅，但組織上經常自己搓失斷纜，對面嘅曼聯亦有同一個情況，雖然曼聯有較多控球但完全無威脅，基本上上半場觀感係唔知睇左啲乜，相當沉悶，曼聯進攻冇配合冇默契冇組織可言，上半場亦只有一記起腳。
下半場曼聯取起文奴(Kobbie Mainoo)換入麥湯文尼，疑似係文奴有傷在身而換走。其後54分鐘坦哈格決定收起安東尼，換入傷癒復出嘅阿曼迪亞路(Amad Diallo)，此子季前熱身賽後就一直受傷，上場後令曼聯突然一腳中柱，為沉悶嘅比賽增添左一絲精彩鏡頭。
64分鐘森林終於入波，蒙迪爾(Gonzalo Montiel)右路禁區頂轉身比橫，杜明基斯中路無人看管射入，森林終於領先一比零，而值得一提嘅係當刻曼聯雙防中麥湯文尼同艾歷臣並無形成一道屏障保護禁區頂，反而形成一條垂直線傾側於左路。
78分鐘森林門將端拿(Matt Turner)致命直線傳比加拿祖，橫傳比拉舒福特射入，曼聯捕捉到對手一次失誤追平一比一。賽事喺尾段變得開放，82分鐘當曼聯進攻不果，諾定咸森林快速由守轉攻，由基比斯韋特(Morgan Gibbs-White)係禁區頂同樣無人看管下射入，當時森林4打5，防中麥湯文尼走去同達洛特兩個mark一個，一對中堅退入禁區但無人睇住禁區頂，30分鐘內犯同一個錯誤，曼聯輸波完全係咎由自取，即使尾段圍攻亦毫無結果，最終諾定咸森林創會首次擊敗曼聯，以2比1拿下勝利。
今場比賽其實兩隊都踢得唔好，森林兩個入球都係對方防守失誤並且自己把握到，但對於係護級邊緣掙扎嘅球隊唔能夠要求咁多。曼聯方面上半場垃圾表現，下半場換上麥湯文尼打防中一半程度上令兩個失波出現，前面安東尼一貫水準，福仔同加拿祖其實都係差，只係對方門將送禮先有一個入球，因此賽後反思嘅係到底今場曼聯有咩戰術方針？
換人方面54分鐘抽起安東尼換入阿曼迪亞路係決定正確，而迪亞路亦做到一個正常右翼嘅要求，但90分鐘換列古朗又係迷之操作，如果係追平比數一刻調動或許能夠乘着氣勢進擊，不過場上每一個決定都係差之毫釐謬之千里，因此曼聯輸波只係比對手更差，亦相信曼聯嘅亂局會延續到新一年。
如果睇到呢度，不妨follow我地嘅instagram睇到更多唔同嘅足球資訊！IG : Footballarena_hk
Facebook: 足球港場
請按此登錄後留言。未成為會員? 立即註冊