法國攻破摩洛哥鐵桶陣入決賽

法國攻破摩洛哥鐵桶陣入決賽

世界盃四強終極一戰，上屆冠軍法國對戰非洲代表摩洛哥，法國隊今場陣容繼續排出4-2-3-1陣式，人員上冇太大變動，只係拉比奧特身體不適缺陣，由游素夫科芬拿(Youssouf Fofana)正選上陣，中堅方面有干拿迪取代上場不穩嘅烏柏美簡奴。摩洛哥方面今日突然放棄4-3-3陣式反而排出三中堅陣式，賽前報稱受傷嘅沙斯同馬沙拉奧都能夠突然復出。摩洛哥沿用佢地晉級嘅戰術就係mid-block防守，但今日5分鐘就被法國隊篤爆後防，基沙文走右邊half space落底傳中，麥巴比十二碼點接應一射被刪到，反彈之下落到無人看管嘅菲奧靴蘭迪斯半車身掛射入網，協助法國早早領先摩洛哥 。落後一球嘅摩洛哥被打亂賽前部署，攻力不佳嘅佢地需要盡快反撲，反而令法國有更多空間反擊，17分鐘法國一次反擊由基奧特勁射中柱彈出，但同時發現隊長沙斯(Romain Saiss)係帶傷上陣，因為速度上佢比基奧特完爆，因此21分鐘都退下火線。換入阿馬拿(Selim Amallah)打返如意嘅4-3-3陣式就可以相對地加強組織力，上半場尾段摩洛哥一次角球攻勢，摩洛哥中堅艾耶美(Jawad El Yamiq)使出倒掛金勾，不過今日法門將羅列斯無發夢交出精彩撲救，法國隊以1球領先進入更衣室。換邊後摩洛哥都換走另一位帶傷上陣嘅球員馬沙拉奧(Noussair Mazraoui)，而下半場嘅格局逐漸變成摩洛哥大軍壓境，法國隊縮後專心打反擊，摩洛哥嘅薛耶治同夏基美亦常常針對右路，希望利用防守差啲嘅靴蘭迪斯做缺口，然而法國隊今日防守相當穩健，特別係攻擊中場基沙文滿天飛，3次解圍9次攞返控球權，當然摩洛哥嘅進攻質素都相當一般，正中鋒安拿斯利踢左66分鐘只有3次掂波，其餘時間球隊亦未能有效組織攻勢。法國隊專心打反擊，特別係利用兩邊麥巴比同丹比利推進突破，79分鐘法國一次進攻麥巴比係禁區過完一個面對三人包夾，勉強打算射尾柱，過程中省中對手改變方向由後備入替嘅高路梅安尼(Randal Kolo Muani)撞射入網，最終法國隊憑着實力上嘅分野以2比0擊敗摩洛哥晉身決賽，星期日晚上將會有美斯對決麥巴比。
最後，縱使摩洛哥四強止步，已經值得尊重同掌聲，因為整隊已經拼到五勞七傷，而打出嘅體守體系亦逼退葡萄牙同西班牙，呢隊摩洛哥已經寫下非洲足球嘅新一頁。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場