PSG啟動中場換血大計
PSG啟動中場換血大計‼️根據Fabrizio Romano嘅報導，巴黎聖日耳門同里爾達成協議，PSG將會支付1500萬歐元購入昔日歐洲金童連拿度山齊士(Renato Sanches)，暫時未有公佈簽約年期。PSG曾經提出先借後買嘅方案但被里爾拒絕，AC米蘭亦曾出價1600萬歐元，但最終由PSG跑出，山齊士亦會同現時巴黎教頭加迪亞(Christophe Galtier)重聚👀連拿度山齊士基於得返一年合約而低價轉會，呢位昔日「歐洲金童」，上季係法甲25場交出2球5助攻，雖然球員經常受傷患困擾，近三季平均因傷缺陣12-14場比賽，山齊士嘅身體質素依然良好，具備持球推進嘅能力，而且傳球視野良好，相信可以係新一季嘅雙中場做輪換角色🙌🏻與此同時PSG亦有放走兩位球員，第一位就係古耶(Idrissa Gana Gueye)，32歲嘅古耶上季仍然係球隊嘅輪換中場角色，但今季由新領隊同體育總監上場後，球隊除左係買人方針上有調整，球隊內亦進行年青化，盛傳古耶將會回歸愛華頓，未肯定係以租借定轉會形式加盟，但呢單交易都即將完成。同一時間西咸想簽嘅Amadou Onana基於更好嘅人工待遇而心屬愛華頓，但計計數中場係咪需要咁多人呢，或者林伯想打嘅4-5-1陣式就有用，然而唯一中鋒卡華利雲近日出現膝傷，有傳未知復出日期，但至少都要休戰4-10星期，所以對於愛華頓嘅前景我地拭目以待🥸最後PSG接近99%外借韋拿杜姆到羅馬一季，將同前曼聯嘅摩連奴同馬迪合作。當日韋拿杜姆為左更好嘅人工待遇而加盟PSG，對於當時接近30歲嘅佢有一紙3年20萬歐元嘅週薪，當然令人心動，過去一季雖然係PSG踢左38場比賽但真正提到佢個名就較少。PSG希望推動年青化嘅同時，韋拿杜姆不願減低人工，最後由羅馬同PSG各出一半人工達成租借協議，相信羅馬係今季增兵後前四無太大難度🙌🏻如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
PSG啟動中場換血大計‼️根據Fabrizio Romano嘅報導，巴黎聖日耳門同里爾達成協議，PSG將會支付1500萬歐元購入昔日歐洲金童連拿度山齊士(Renato Sanches)，暫時未有公佈簽約年期。PSG曾經提出先借後買嘅方案但被里爾拒絕，AC米蘭亦曾出價1600萬歐元，但最終由PSG跑出，山齊士亦會同現時巴黎教頭加迪亞(Christophe Galtier)重聚👀連拿度山齊士基於得返一年合約而低價轉會，呢位昔日「歐洲金童」，上季係法甲25場交出2球5助攻，雖然球員經常受傷患困擾，近三季平均因傷缺陣12-14場比賽，山齊士嘅身體質素依然良好，具備持球推進嘅能力，而且傳球視野良好，相信可以係新一季嘅雙中場做輪換角色🙌🏻與此同時PSG亦有放走兩位球員，第一位就係古耶(Idrissa Gana Gueye)，32歲嘅古耶上季仍然係球隊嘅輪換中場角色，但今季由新領隊同體育總監上場後，球隊除左係買人方針上有調整，球隊內亦進行年青化，盛傳古耶將會回歸愛華頓，未肯定係以租借定轉會形式加盟，但呢單交易都即將完成。同一時間西咸想簽嘅Amadou Onana基於更好嘅人工待遇而心屬愛華頓，但計計數中場係咪需要咁多人呢，或者林伯想打嘅4-5-1陣式就有用，然而唯一中鋒卡華利雲近日出現膝傷，有傳未知復出日期，但至少都要休戰4-10星期，所以對於愛華頓嘅前景我地拭目以待🥸最後PSG接近99%外借韋拿杜姆到羅馬一季，將同前曼聯嘅摩連奴同馬迪合作。當日韋拿杜姆為左更好嘅人工待遇而加盟PSG，對於當時接近30歲嘅佢有一紙3年20萬歐元嘅週薪，當然令人心動，過去一季雖然係PSG踢左38場比賽但真正提到佢個名就較少。PSG希望推動年青化嘅同時，韋拿杜姆不願減低人工，最後由羅馬同PSG各出一半人工達成租借協議，相信羅馬係今季增兵後前四無太大難度🙌🏻如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
請按此登錄後留言。未成為會員? 立即註冊