22/23英超賽季預測🏴🦁
第1️⃣1️⃣位 阿士東維拉🦁阿士東維拉係謝拉特領軍下定形4-3-2-1或4-3-1-2嘅陣式，上季古天奴同積及藍斯嘅配合令人感到驚喜，但季尾時對戰曼城就令人大跌眼鏡，特別係前線嘅屈堅斯🥶去到今夏謝拉特除左買斷古天奴，好快就已經有一連串嘅收購行動，包括免簽馬賽中場卡馬拉、以3500萬歐元購入西維爾中堅迪亞高卡路士、買斷後備門將羅賓奧臣同借用西維爾左閘奧古斯甸臣🥸
雖然收購行動快，但對於維拉能否躋身前列就抱有質疑。買斷古天奴嘅作用就不用多講，買斷羅賓奧臣同借用左閘都係加強陣容深度，因此較為關鍵就係迪亞高卡路士同卡馬拉。卡路士上季係西維爾34場聯賽攻入3球，場均3.6次解圍、1次封擋，算係力量型中堅，以身體質素佔優，但同時間唔中有啲甩漏，預計佢會成為正選中堅拍住明斯，而重點係明斯需要回復狀態，否則即使提高防線力量同硬度，兩個都犯錯就更為嚴重。至於卡馬拉嘅定位似乎係墜後防中做連接嘅工作，由佢墜後派牌形成三中堅，可以令兩閘拉闊壓得更前，或者亦能幫助卡路士減少甩漏～
然而，維拉踢法上都係聖誕樹陣式同防守反擊，速度稍慢嘅丹尼京斯要做支點，但速度快少少嘅屈堅斯把握力依然未夠好，所以又要倚靠古天奴嘅發揮同睇一睇積及藍斯嘅進步，但對於來季球員更熟悉自己嘅定位同有所補強後，預計維拉今季嘅名次會有所提升但未能進入前十🤧
第1️⃣2️⃣位 水晶宮🔮
上季由韋拉領軍嘅水晶宮注入地面搓傳嘅踢法，攻守、戰術、心態同團隊意識有全方面嘅提升，除左一眾小將例如奧利斯、奧希同泰歷米曹等冒起，當然最重要係全能中場加拉加，今個夏天未能繼續借用加拉加令中場核心出現變動，或許會令水晶宮嘅步伐停滯不前👀今個夏天水晶宮出現4個收購，包括免簽門將森莊士東，免簽打比郡18歲右翼小將艾比奧維(Malcolm Ebiowei)，以2200萬歐元從法甲朗斯收購22歲馬里國腳中場球員卓克杜哥利(Cheick Oumar Doucouré)，最後就係從拜仁慕尼黑以1200萬歐元簽下後備中堅李察士(Chris Richards)🙌🏻
比起過往嘅收支平衡，韋拉第二季都投放三千幾萬歐元買人，首先免簽門將森莊士東應該係想增加門將競爭性以提高水平，至於搶贏曼聯簽下右翼艾比奧維，正如艾斯同奧利斯一樣水晶宮近年都係英冠搵妖人，希望呢一位後生仔能夠成材，睇佢對曼聯嘅熱身賽都有唔錯嘅表現，相信能夠留係一隊等機會🤔️至於簽下後備中堅李察士，現時球隊中堅主力有古希同祖亞昆安達臣，後備就只有老將湯堅斯，上季古希受傷時由湯堅斯頂上嘅效果亦麻麻地，因此係有需要補強中堅後備力量，而正正可以同李察士各取所需。身高188cm嘅李察士善於帶球推進同比地波前傳，雖然佢係用波型中堅有技術，但係身型上未必能夠即時融入英超節奏，所以加盟水晶宮跟韋拉學吓嘢都係一個好選擇～
正如上述球隊現時踏入「後。加拉加」嘅時代，今夏中場引援就有法甲中場球員卓克杜哥利來投，佢當然無加拉加咁天賦異稟，但善於搶截、有中場推進能力同有身形，甚至有時比直線助攻隊友，上季係法甲34場交出1球4助攻，不過礙於法甲水平，正如上季李斯特城亦購入蘇馬利但完全水土不服，因此對佢嘅期望不能過高，反而水晶宮U23中場Jesurun Rak-Sakyi可能有上位機會，因為8場熱身賽有4場都係正選上陣，或許能夠為年老嘅中場線帶來一點活力🤣最後球隊陣容無太大變動下，只要能夠保持水準，留係中游第12位困難不大，但能否再進一步就要睇少主艾斯、奧利斯、馬迪達同伊度亞特嘅個人進步🥵
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
第1️⃣1️⃣位 阿士東維拉🦁阿士東維拉係謝拉特領軍下定形4-3-2-1或4-3-1-2嘅陣式，上季古天奴同積及藍斯嘅配合令人感到驚喜，但季尾時對戰曼城就令人大跌眼鏡，特別係前線嘅屈堅斯🥶去到今夏謝拉特除左買斷古天奴，好快就已經有一連串嘅收購行動，包括免簽馬賽中場卡馬拉、以3500萬歐元購入西維爾中堅迪亞高卡路士、買斷後備門將羅賓奧臣同借用西維爾左閘奧古斯甸臣🥸
雖然收購行動快，但對於維拉能否躋身前列就抱有質疑。買斷古天奴嘅作用就不用多講，買斷羅賓奧臣同借用左閘都係加強陣容深度，因此較為關鍵就係迪亞高卡路士同卡馬拉。卡路士上季係西維爾34場聯賽攻入3球，場均3.6次解圍、1次封擋，算係力量型中堅，以身體質素佔優，但同時間唔中有啲甩漏，預計佢會成為正選中堅拍住明斯，而重點係明斯需要回復狀態，否則即使提高防線力量同硬度，兩個都犯錯就更為嚴重。至於卡馬拉嘅定位似乎係墜後防中做連接嘅工作，由佢墜後派牌形成三中堅，可以令兩閘拉闊壓得更前，或者亦能幫助卡路士減少甩漏～
然而，維拉踢法上都係聖誕樹陣式同防守反擊，速度稍慢嘅丹尼京斯要做支點，但速度快少少嘅屈堅斯把握力依然未夠好，所以又要倚靠古天奴嘅發揮同睇一睇積及藍斯嘅進步，但對於來季球員更熟悉自己嘅定位同有所補強後，預計維拉今季嘅名次會有所提升但未能進入前十🤧
第1️⃣2️⃣位 水晶宮🔮
上季由韋拉領軍嘅水晶宮注入地面搓傳嘅踢法，攻守、戰術、心態同團隊意識有全方面嘅提升，除左一眾小將例如奧利斯、奧希同泰歷米曹等冒起，當然最重要係全能中場加拉加，今個夏天未能繼續借用加拉加令中場核心出現變動，或許會令水晶宮嘅步伐停滯不前👀今個夏天水晶宮出現4個收購，包括免簽門將森莊士東，免簽打比郡18歲右翼小將艾比奧維(Malcolm Ebiowei)，以2200萬歐元從法甲朗斯收購22歲馬里國腳中場球員卓克杜哥利(Cheick Oumar Doucouré)，最後就係從拜仁慕尼黑以1200萬歐元簽下後備中堅李察士(Chris Richards)🙌🏻
比起過往嘅收支平衡，韋拉第二季都投放三千幾萬歐元買人，首先免簽門將森莊士東應該係想增加門將競爭性以提高水平，至於搶贏曼聯簽下右翼艾比奧維，正如艾斯同奧利斯一樣水晶宮近年都係英冠搵妖人，希望呢一位後生仔能夠成材，睇佢對曼聯嘅熱身賽都有唔錯嘅表現，相信能夠留係一隊等機會🤔️至於簽下後備中堅李察士，現時球隊中堅主力有古希同祖亞昆安達臣，後備就只有老將湯堅斯，上季古希受傷時由湯堅斯頂上嘅效果亦麻麻地，因此係有需要補強中堅後備力量，而正正可以同李察士各取所需。身高188cm嘅李察士善於帶球推進同比地波前傳，雖然佢係用波型中堅有技術，但係身型上未必能夠即時融入英超節奏，所以加盟水晶宮跟韋拉學吓嘢都係一個好選擇～
正如上述球隊現時踏入「後。加拉加」嘅時代，今夏中場引援就有法甲中場球員卓克杜哥利來投，佢當然無加拉加咁天賦異稟，但善於搶截、有中場推進能力同有身形，甚至有時比直線助攻隊友，上季係法甲34場交出1球4助攻，不過礙於法甲水平，正如上季李斯特城亦購入蘇馬利但完全水土不服，因此對佢嘅期望不能過高，反而水晶宮U23中場Jesurun Rak-Sakyi可能有上位機會，因為8場熱身賽有4場都係正選上陣，或許能夠為年老嘅中場線帶來一點活力🤣最後球隊陣容無太大變動下，只要能夠保持水準，留係中游第12位困難不大，但能否再進一步就要睇少主艾斯、奧利斯、馬迪達同伊度亞特嘅個人進步🥵
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
請按此登錄後留言。未成為會員? 立即註冊