蘇亞雷斯衣錦還鄉「回家」

蘇亞雷斯衣錦還鄉「回家」

今夏成為自由身嘅蘇亞雷斯衣錦還鄉，球員宣佈將會加盟烏拉圭母會國民隊。蘇亞雷斯同球隊達成初步協議，暫時未有公布簽約年期，但估計此舉係為左保持狀態準備年底嘅世界盃🙌🏻18歲就升上烏拉圭班霸國民隊一隊嘅蘇亞雷斯，其亮眼表現令佢得到轉戰歐洲嘅機會，先係加盟荷甲嘅格羅寧根，及後轉戰阿積士、利物浦同巴塞隆拿都係大殺四方，雖然離開巴塞時由朗奴高文做「黑手套」逼佢走，前季33歲之齡加盟馬德里體育會就交出21球3助攻贏下西甲冠軍，去到今季就成為後備居多，最終告別征戰歐洲嘅旅程，落葉歸根相隔17年回到起點🇺🇾自由身嘅蘇亞雷斯曾經有傳同老友謝拉特領軍嘅阿士東維拉扯上關係，另外仲有無左荷拿嘅多蒙特，而球員自己表示有幾支美職聯球隊向佢招手，當中FC洛杉磯呼聲最大，但最終加盟國民隊，或者當地球迷係最大嘅原因，因為球迷為左希望蘇亞雷斯加盟球隊，除左係社交平台發起 #SuarezANacional 嘅行動，更加係主場對戰Cerrito嘅時候15000球迷帶上印有蘇亞雷斯頭像嘅面具一直高唱蘇亞雷斯嘅歌曲，或者此舉先係推動蘇亞雷斯回家嘅主因🤣如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場