拉芬拿如願以償加盟巴塞

拉芬如願以償加盟巴塞

「全世界希望加盟巴塞」系列終於有多一個球員成事，巴塞繼免簽基斯甸臣同基斯後，將會支付5800萬歐元+1000萬歐元潛在浮動條款，從英超列斯聯帶走25歲右翼巴西國腳拉芬夏(Raphinha)，雙方將會簽下5年合約至2027年🙌🏻提到拉芬夏其實巴塞係3 4月已經同球員傾好個人條件，本來財困嘅巴塞諗住「冷手執個熱煎堆」，等列斯聯降班觸發3000萬歐元嘅買斷條款，然而如意算盤打唔響，列斯聯成功護級，而且巴塞一直等到7月先舒緩部份財政壓力，其間阿仙奴同車路士都對拉芬夏有興趣，甚至後者已經報價6000萬鎊，列斯聯亦已經接受，只係球員一直拖住🥵拖住拖住連拉芬拿都親自飛到巴塞同球隊傾一傾，結果球員嘅誠心得到回報，巴塞最終願意出錢購入球員，而且比當時嘅算盤多一倍價錢，因此拉芬拿必須要交返出相應嘅表現，否則會比球會球迷鬧死🤣
與此同時右翼位置仲有「玻璃人」奧士文丹比利，球員希望留隊，沙維都想佢留隊但經理人係到「扭扭捏捏」，直到現時最新消息係丹比利願意降薪留隊，並且將會雙下兩年合約至2024年。只要丹比利健健康康，佢都係一個實用兼有級數嘅球員，正如上季沙維領軍後丹比利係聯賽上陣21場交出1球13助攻，因此佢同拉芬拿二人都足以撐起右路進攻⚡️
除左簽人，右翼其實仲有今季外借到狼隊嘅查卡奧(Francisco Trincão)，20/21賽季係巴塞未能取得成功，外借狼隊亦未能適應，最終以1000萬歐元賣到史砵亭，相隔兩季後重返葡超🇵🇹
最後巴塞嘅潛在目標仲有利雲度夫斯基、艾斯派古達同馬高斯阿朗素，繼續留意「全世界希望加盟巴塞」嘅鬧劇😈
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場