諾定咸森林為來季大展拳腳

諾定咸森林為來季大展拳腳

透過英冠升班附加賽擊敗哈特斯菲爾德升班嘅諾定咸森林，相隔23年升「超」不容有失，所以球隊都馬上善用升班英超資金去投資，截至現時為止已經有6個引援🙌🏻1️⃣甸恩軒達臣 Dean Henderson🏴󠁧󠁢󠁥󠁮󠁧󠁿
借用曼聯失意門將軒達臣將會直接加強防守力，球員需要爭取表現而球隊亦需要加強防守同後場用波能力，所以兩者一拍即合，加上前正選門將辛巴(Brice Samba)得知上陣機會減少已經轉投法甲蘭斯，所以軒達臣需要繼過往係錫菲聯一樣守住升班馬嘅大門🤲🏻2️⃣艾禾尼爾 Taiwo Awoniyi🇳🇬
破球隊轉會費以2050萬歐元從德甲柏林聯購入前鋒艾禾尼爾，此子上季係德甲攻入15球1助攻，防守反擊速度爆破樣樣有，如同黑色野獸渴望入球，作為升班馬打防守反擊有一把尖刀就非常適合，不過反擊嘅時候都需要一個支點，暫時睇落艾禾尼爾似係埋門終結嘅個一位～
3️⃣比安高尼 Giulian Biancone🇫🇷
1000萬歐元從法甲特魯瓦引入22歲中堅比安高尼，相信係睇中佢上季係陣中擔任五後衛嘅右中堅或右閘，呢位右腳中堅身高187cm，場均2.1次攔截為法甲第13位，估計將會同隊長Joe Worrall爭一爭右中堅位置👀
4️⃣尼亞希迪 Moussa Nialhaté🇫🇷
1000萬歐元從德甲緬恩斯購入法國中堅尼亞希迪，呢位26歲左腳中堅兼球隊隊長主要擔任三中堅嘅左中堅，表現中穩無太多突出嘅數據，相信會同Scott Mckenna輪換位置。5️⃣奧馬李察士 Omar Richards🏴󠁧󠁢󠁥󠁮󠁧󠁿
850萬歐元購入左閘奧馬李察士，呢位24歲左閘來自德甲班霸拜仁慕尼黑，2021年轉投拜仁後只係上陣過17場，為拜仁交出嘅一腳助攻更係德國盃對戰第四級聯賽球隊Bremer SV大勝對方12球，所以領隊古柏話已經長時間留意佢嘅表現，即管睇下呢位FM妖人會有咩表現🤣
6️⃣尼高威廉斯 Neco Williams🏴󠁧󠁢󠁥󠁮󠁧󠁿
最後森林簽下利物浦21歲右閘尼高威廉斯，雙方簽約4年，計埋浮動條款森林最高支付1750萬鎊購入球員，此子1月至6月外借到英冠富咸就站穩主力位置，兼且14場2球2助攻絕對有力挑戰英超，所以尼高威廉斯或會成為史賓斯嘅後備，或者為史賓斯嘅離隊作準備🥶
6個引援打好後防三中堅左右閘嘅根基，雖然中場無左占士加拿，但估計都有力一戰，你哋又睇唔睇好森林能夠護級成功呢😈如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場