《英超賽季總結》
第2️⃣位 利物浦🔴🏆🏆
“You’ll never walk alone” 引用紅軍隊歌展開今日要講嘅利物浦，今季利物浦嘅成就絕非只靠球員個人表現，而係上至教練團，下至每位球員都有功勞，儘管未能完成眾人期望嘅「四冠王」，但以極高競技水平戰至各項比賽嘅最後一戰，拿下「兩冠兩亞」已經係超班，甚至係「超負荷」🤥現實：第2位 預測：第4位（⬆️2位）
開季前我地預測利物浦會以第4位衝線，要記得前一季利物浦陷入「中堅荒」主力中堅、替補中堅同替工都傷埋，季中一度同歐聯毫無關係，只係季尾衝返上嚟仲有門將艾利臣頭鎚破門升上第三衝線🥺然而當時夏季韋拿杜姆離隊但無引入替代品，夏天購入嘅中堅干拿迪有較多傷病歷史，而且雲迪克大傷過後能否重拾當年勇都被受質疑，因此呢種「錯覺」令我地預測紅軍會連續兩季低迷🥵時間嚟到開季利物浦終於以完整陣容出戰，中堅起用返雲迪克同馬迪普能夠解放兩閘安心壓前進攻，基於韋拿杜姆嘅離隊，季初拿比基達同當時18歲嘅哈菲艾利諾有唔少機會，可惜9月中對列斯聯一仗同對手史杜爾克嘅碰撞腳踝關節骨折脫位需要休戰半季，繼而錯失當時上位嘅機會☹️
季初嘅利物浦相當恐怖，三線作戰各項賽事16場不敗，雲迪克係9月中對水晶宮交出一記頭鎚助攻宣佈滿血回歸，前場嘅沙拿「遇神殺神遇佛殺佛」，對住屈福特一個扭三個，對住曼聯大演帽子戲法，當時嘅表現直逼巔峰期「絕代雙驕」嘅C朗美斯😱
及後歐聯小組賽6場全勝出線，聯賽繼續過關斬將，但利物浦並非毫無破綻，正如對韋斯咸同熱刺一伇，高壓逼搶引致嘅高位防線容易被對手快速反擊打穿，加上緊密嘅賽程令紅軍一度係12月尾連續三場不勝🧐同一時間1月起沙拿、文尼同拿比基達需要離隊參戰非洲盃，但利物浦並無因此而倒下，前中後多點開花撐起球隊，祖達挺身而出，張伯倫亦有把握機會，就連法賓奴同中堅馬迪普都偶爾殺上前場製造殺機，因此今季嘅利物浦比過往更全面係在於高普更懂得同願意輪換，前中後三線人才濟濟兼且出場都交到功課，所以高普能夠調教到缺乏上陣機會嘅球員都能夠保持狀態同鬥心確實厲害👍🏼非洲盃過後文尼以冠軍身份歸來，沙拿飲恨而歸，不過返嚟球隊嘅唔只3人，仲有波圖猛人迪亞斯(Luis Diaz)，4500萬歐元來投仲要一插即用兼啱洗，不得不佩服利物浦嘅轉會團隊🙌🏻歐聯十六強首回合面對國際米蘭三中堅陣式一度啞火，但基於體能分野係下半場75分鐘起打破缺口拿下首勝，繼而就到今季第一個決賽 - 聯賽盃🏆
提到聯賽盃眾人可能提起「領隊」後備上陣，但重中之重其實係紅軍門將基利靴(Caoimhin Kelleher)，聯賽盃一直係高普給予後備球員上陣嘅機會，而今季奧歷基、南野拓實係盃賽都有出眾表現，特別係八強對戰李斯特城就係由南野拓實95分鐘追平帶到加時，促使高普都正視呢個奪冠機會😳聯賽盃嘅過程同結果不用多講，想讚揚嘅係高普嘅胸襟氣度同膽識，佢願意起用一直殺入決賽嘅後備門將把關，若然失敗由佢全權負責，此等信心同支持令基利靴用表現報答高普，從而奠定今季成功嘅基石🥺
返到聯賽利物浦積極把握機會縮窄同曼城嘅分差，歐聯八強輕鬆過關，而4月面對曼城嘅天王山之戰未有分出勝負，令利物浦繼續要出盡全力爭取聯賽冠軍😶🌫️雖然聯賽未有分出勝負，但足總盃四強就輕取曼城3比2晉級，其後雙紅會、默西賽德郡打吡毫無挑戰，直到歐聯四強對維拉利爾先有一點威脅，不過冬季引入嘅迪亞斯就係下半場利用體能優勢𣊬間瓦解危機～
最後嘅三線作戰，足總盃再戰車路士同樣以十二碼階段取勝帶走冠軍，聯賽1分之差失落冠軍，而歐聯就被皇馬係毫無優勢之下取得入球，最終以兩冠兩亞嘅成績結束今個賽季🏆🏆
兩冠兩亞嘅過程同利物浦嘅戰術，相信大家比我地更熟悉，但被批評今季三個決賽都無入球，歐聯決賽講復仇但得個吉，事實上單論歐聯決賽利物浦係有更多優勢，同時間球員由8月打到5月都累積唔少傷患，加上佢地剛剛先完成英超聯賽，比起皇馬養尊處優地等待係有分別。此外，利物浦今季聯賽盃、足總盃同歐聯都打到尾，63場46勝13和4負，除左各項戰績接近100分，計返日子288日打足63場則係平均4 5日就踢一場，打到呢一步行到最尾已經唔簡單，甚至超出球員體能負荷。另外，今季亦有唔少亮點，包括雲迪克回歸，阿諾、文尼回勇，泰亞高艾簡達拿成為關鍵一員，門將艾利臣出迎單對單撲波再提升一級，迪亞斯提供進攻新元素，仲有沙拿上下半季嘅差別，非洲盃前26場比賽23球9助攻，但非洲盃連續3場激戰120分鐘後25場8球6助攻，確實下半季係無上半季咁亮眼，但評擊球員前都要了解箇中原因🥵最後，高普嘅三叉戟體系由中鋒回後做波已經打左三四季，體系有效球員都非常熟習，但對手同樣熟悉兼有備而來，正如歐聯決賽就係被一記反擊而失落冠軍，因此高普亦跟隨曼城嘅軍備競賽同作出改變，引入正中鋒達雲紐尼斯，即管睇下紅軍下季能否成功挑戰聯賽榜首之位🏆今季代表作：聯賽盃決賽 車路士0-0利物浦🙌🏻
最佳收購：迪亞斯 Luis Diaz🇨🇴半季來投各項賽事6球4助攻
最佳球員：沙拿🇪🇬23球13助攻
最佳進步球員：阿諾🏴2球12助攻
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
第2️⃣位 利物浦🔴🏆🏆
“You’ll never walk alone” 引用紅軍隊歌展開今日要講嘅利物浦，今季利物浦嘅成就絕非只靠球員個人表現，而係上至教練團，下至每位球員都有功勞，儘管未能完成眾人期望嘅「四冠王」，但以極高競技水平戰至各項比賽嘅最後一戰，拿下「兩冠兩亞」已經係超班，甚至係「超負荷」🤥現實：第2位 預測：第4位（⬆️2位）
開季前我地預測利物浦會以第4位衝線，要記得前一季利物浦陷入「中堅荒」主力中堅、替補中堅同替工都傷埋，季中一度同歐聯毫無關係，只係季尾衝返上嚟仲有門將艾利臣頭鎚破門升上第三衝線🥺然而當時夏季韋拿杜姆離隊但無引入替代品，夏天購入嘅中堅干拿迪有較多傷病歷史，而且雲迪克大傷過後能否重拾當年勇都被受質疑，因此呢種「錯覺」令我地預測紅軍會連續兩季低迷🥵時間嚟到開季利物浦終於以完整陣容出戰，中堅起用返雲迪克同馬迪普能夠解放兩閘安心壓前進攻，基於韋拿杜姆嘅離隊，季初拿比基達同當時18歲嘅哈菲艾利諾有唔少機會，可惜9月中對列斯聯一仗同對手史杜爾克嘅碰撞腳踝關節骨折脫位需要休戰半季，繼而錯失當時上位嘅機會☹️
季初嘅利物浦相當恐怖，三線作戰各項賽事16場不敗，雲迪克係9月中對水晶宮交出一記頭鎚助攻宣佈滿血回歸，前場嘅沙拿「遇神殺神遇佛殺佛」，對住屈福特一個扭三個，對住曼聯大演帽子戲法，當時嘅表現直逼巔峰期「絕代雙驕」嘅C朗美斯😱
及後歐聯小組賽6場全勝出線，聯賽繼續過關斬將，但利物浦並非毫無破綻，正如對韋斯咸同熱刺一伇，高壓逼搶引致嘅高位防線容易被對手快速反擊打穿，加上緊密嘅賽程令紅軍一度係12月尾連續三場不勝🧐同一時間1月起沙拿、文尼同拿比基達需要離隊參戰非洲盃，但利物浦並無因此而倒下，前中後多點開花撐起球隊，祖達挺身而出，張伯倫亦有把握機會，就連法賓奴同中堅馬迪普都偶爾殺上前場製造殺機，因此今季嘅利物浦比過往更全面係在於高普更懂得同願意輪換，前中後三線人才濟濟兼且出場都交到功課，所以高普能夠調教到缺乏上陣機會嘅球員都能夠保持狀態同鬥心確實厲害👍🏼非洲盃過後文尼以冠軍身份歸來，沙拿飲恨而歸，不過返嚟球隊嘅唔只3人，仲有波圖猛人迪亞斯(Luis Diaz)，4500萬歐元來投仲要一插即用兼啱洗，不得不佩服利物浦嘅轉會團隊🙌🏻歐聯十六強首回合面對國際米蘭三中堅陣式一度啞火，但基於體能分野係下半場75分鐘起打破缺口拿下首勝，繼而就到今季第一個決賽 - 聯賽盃🏆
提到聯賽盃眾人可能提起「領隊」後備上陣，但重中之重其實係紅軍門將基利靴(Caoimhin Kelleher)，聯賽盃一直係高普給予後備球員上陣嘅機會，而今季奧歷基、南野拓實係盃賽都有出眾表現，特別係八強對戰李斯特城就係由南野拓實95分鐘追平帶到加時，促使高普都正視呢個奪冠機會😳聯賽盃嘅過程同結果不用多講，想讚揚嘅係高普嘅胸襟氣度同膽識，佢願意起用一直殺入決賽嘅後備門將把關，若然失敗由佢全權負責，此等信心同支持令基利靴用表現報答高普，從而奠定今季成功嘅基石🥺
返到聯賽利物浦積極把握機會縮窄同曼城嘅分差，歐聯八強輕鬆過關，而4月面對曼城嘅天王山之戰未有分出勝負，令利物浦繼續要出盡全力爭取聯賽冠軍😶🌫️雖然聯賽未有分出勝負，但足總盃四強就輕取曼城3比2晉級，其後雙紅會、默西賽德郡打吡毫無挑戰，直到歐聯四強對維拉利爾先有一點威脅，不過冬季引入嘅迪亞斯就係下半場利用體能優勢𣊬間瓦解危機～
最後嘅三線作戰，足總盃再戰車路士同樣以十二碼階段取勝帶走冠軍，聯賽1分之差失落冠軍，而歐聯就被皇馬係毫無優勢之下取得入球，最終以兩冠兩亞嘅成績結束今個賽季🏆🏆
兩冠兩亞嘅過程同利物浦嘅戰術，相信大家比我地更熟悉，但被批評今季三個決賽都無入球，歐聯決賽講復仇但得個吉，事實上單論歐聯決賽利物浦係有更多優勢，同時間球員由8月打到5月都累積唔少傷患，加上佢地剛剛先完成英超聯賽，比起皇馬養尊處優地等待係有分別。此外，利物浦今季聯賽盃、足總盃同歐聯都打到尾，63場46勝13和4負，除左各項戰績接近100分，計返日子288日打足63場則係平均4 5日就踢一場，打到呢一步行到最尾已經唔簡單，甚至超出球員體能負荷。另外，今季亦有唔少亮點，包括雲迪克回歸，阿諾、文尼回勇，泰亞高艾簡達拿成為關鍵一員，門將艾利臣出迎單對單撲波再提升一級，迪亞斯提供進攻新元素，仲有沙拿上下半季嘅差別，非洲盃前26場比賽23球9助攻，但非洲盃連續3場激戰120分鐘後25場8球6助攻，確實下半季係無上半季咁亮眼，但評擊球員前都要了解箇中原因🥵最後，高普嘅三叉戟體系由中鋒回後做波已經打左三四季，體系有效球員都非常熟習，但對手同樣熟悉兼有備而來，正如歐聯決賽就係被一記反擊而失落冠軍，因此高普亦跟隨曼城嘅軍備競賽同作出改變，引入正中鋒達雲紐尼斯，即管睇下紅軍下季能否成功挑戰聯賽榜首之位🏆今季代表作：聯賽盃決賽 車路士0-0利物浦🙌🏻
最佳收購：迪亞斯 Luis Diaz🇨🇴半季來投各項賽事6球4助攻
最佳球員：沙拿🇪🇬23球13助攻
最佳進步球員：阿諾🏴2球12助攻
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
請按此登錄後留言。未成為會員? 立即註冊