《英超賽季總結》
第3️⃣位 車路士🚙🏆🏆
如果要形容今日要講嘅車路士，相信「風雨飄搖」呢四隻字正好代表今季嘅藍戰士，比起香港今日八號風球「暹芭」，佢地所面對嘅風雨同挑戰困難程度係難以想像🤧由開季以1.13億歐元引入「魔獸」盧卡古，其後聯賽三強頂立同利物浦、曼城一同爭冠，到11月尾捷維爾因傷收咧，盧卡古風波，及後贏下世界冠軍球會盃，但聯賽盃、歐聯同足總盃接連失利，而且陷入制裁風波，係「橫風橫雨」嘅情況下呢隊車路士依然去到賽季終點，過程中可能唔理想，但相信球員球隊已經盡力🥺現實：第3位 預測：第3位（✅）
開季前我地預測相隔9年奪得歐聯冠軍嘅車路士會以第3位衝線，回想返上季車路士解禁以2.47億歐元買人，而季中又經歷換帥，其後杜曹領軍打三中堅迎來多場不敗，最後拿下歐聯冠軍同聯賽第四，但其實杜曹只係領軍半季。經歷磨合加上盧卡古嘅加盟，車路士嘅目標依然係衝擊各項冠軍，然而車路士今季卻面對前所未見嘅危機😶🌫️今季車路士除左以1.13億歐元引入盧卡古，仲有借入中場球員沙奧尼古斯，大洗1.18億歐元但總結轉會收資平衡其實係有賺錢，因為今夏車路士唔止繼續「出租車」，仲有賣走艾巴咸、蘇馬、湯姆利、摩西斯、基奧特同薩柏哥斯達，賣走上述球員仍然絲毫無損球隊實力，可見車路士嘅底蘊同完善嘅青訓系統🤙🏻
開季第一場，有別於其他球隊，車路士以歐聯冠軍身份參戰歐洲超級盃，當時賽和1比1戰至加時由「領隊」阿列沙巴拿加119分鐘換入撲走兩個十二碼，贏下歐洲超級盃冠軍，但呢次成功嘅經驗卻埋下日後失敗嘅伏筆🫣
獎盃櫃又添置物品，返到聯賽盧卡古回家地標戰將阿仙奴打到一仆一碌，帶住兩連勝展開聯賽冠軍戰嘅首回合，攻勢致命嘅車路士因為列斯占士紅牌，繼而令雙方今季首戰未有分出勝負～及後三線作戰，聯賽盃過關斬將，聯賽就曾經擺出雙箭頭由盧卡古同添姆雲拿負責攻堅，但對住曼城卻未能奏效，至於歐聯除左爆冷輸過比祖雲達斯一場之外就順利以次名出線🙌🏻正當一切看似順順利利兼且有力同曼利「拗手瓜」，但捷維爾係11月尾十字韌帶斷裂而要收咧，同期簡迪、高華錫都因傷缺陣，盧卡古同雲拿就傷癒但尋找狀態當中，結果係賽和曼聯同輸比韋斯咸後，車路士就由榜首跌落第三位，並逐漸退出聯賽爭冠行列😶🌫️
壞事情或者一不離二二不離三，應對排山倒海嘅賽程已經費盡心力，而陣中竟然爆出盧卡古接受訪問表示希望「回家」，幸好杜曹處事冷靜接連獲得球員同管理層嘅同意處罰盧卡古，呢一件事已經盡量妥善處理，但仍未能夠令盧卡古「回心轉意」🧐
捉完內鬼之後就嚟到2月接二連三嘅關鍵比賽，伊度亞文迪係贏下非洲盃冠軍後歸隊出戰世界冠軍球會賽，而車路士亦順利擊敗巴西嘅彭美拉斯拿下冠軍，而呢一個冠軍卻係今季同班主阿巴莫域治最後一個冠軍🥴如果三線作戰係辛苦，那麼2月至3月頭一度出現嘅五線作戰簡直係誇張，2月28日聯賽盃決賽激戰利物浦120分鐘，期間兩隊互有攻守都有破門嘅機會，級數已經係巔峰對決，只係杜曹安排「領隊」負責十二碼階段未能取勝，以至搶晒風頭，不過領隊11個機會都未有把握，加上門將主射一輪自己射走，所以失落聯賽盃佢都有一半責任🤢
不論責任誰屬，車路士都係一個大家庭，3月起因為俄羅斯入侵烏克蘭，班主阿巴莫域治係輿論壓力同政府要求下，迫使佢出售心愛嘅車路士，但賣盤同選擇接班人需時，其間球隊受到政府嘅「接管」亦受影響，例如球衣贊助商「3」宣布終止合作，只有季票持有人先可以進入史丹福橋球場睇比賽，種種因素令球隊前途滿佈荊棘，甚至遠征歐聯都有困難，但困難之下車路士依然團結一致，夏域斯更表示如有需要願意自資出錢包機去比賽，呢啲或許就係「患難見真情」🥰
時間去到4月，歐聯殺入八強需要迎戰皇家馬德里，首回合冇辦法限制賓施馬上演帽子戲法，但次回合杜曹檢討過錯起用路夫斯卓克overload中場同增加速度限制雲尼素斯，3比0戰至80分鐘車路士有望反cup出線，不過儘管杜曹嘅戰術有幾心思細密，都敵唔過摩迪嘅腳趾尾拉西，結果加時階段反被反cup，最終歐聯八強遺憾出局😳
聯賽盃失利、歐聯失利同聯賽無慾無求之下，足總盃決賽再鬥利物浦成為最後關鍵一戰，可惜再一次決鬥都係「癲鳳鬥狂龍」嘅格局不分勝負，雖然杜曹係加時又出奇招安排巴克利後備上陣射十二碼等對方門將無路捉，但最終十二碼階段再度飲恨，結果完結風雨飄搖嘅一整季😮💨一季過後連球隊亦已經易手，縱使今個球季並非最理想，但贏下歐洲超級盃同世界冠軍球會盃嘅冠軍，加上聯賽盃足總盃殺上決賽、聯賽排第三，總算係對球迷有交代～而現時新老闆上任對多個目標有傳聞，或許係車路士嘅新開始，畢竟過往杜曹買人都有「太后」嘅阻礙，如今有水喉又得到信任，即管睇下杜曹係100%支持下得到點樣嘅成績，但相信來季暫時會係「比上不足 比下有餘」今季代表作：皇馬 2-3 車路士🙌🏻
最佳收購：沙奧尼古斯 Saul Niguez🇪🇸（1.15億歐元轉會費嘅盧卡古揀唔落手🥶）
最佳球員：美臣蒙特 Mason Mount🏴11球10助攻
最佳進步球員：列斯占士 Reece James🏴5球9助攻
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
第3️⃣位 車路士🚙🏆🏆
如果要形容今日要講嘅車路士，相信「風雨飄搖」呢四隻字正好代表今季嘅藍戰士，比起香港今日八號風球「暹芭」，佢地所面對嘅風雨同挑戰困難程度係難以想像🤧由開季以1.13億歐元引入「魔獸」盧卡古，其後聯賽三強頂立同利物浦、曼城一同爭冠，到11月尾捷維爾因傷收咧，盧卡古風波，及後贏下世界冠軍球會盃，但聯賽盃、歐聯同足總盃接連失利，而且陷入制裁風波，係「橫風橫雨」嘅情況下呢隊車路士依然去到賽季終點，過程中可能唔理想，但相信球員球隊已經盡力🥺現實：第3位 預測：第3位（✅）
開季前我地預測相隔9年奪得歐聯冠軍嘅車路士會以第3位衝線，回想返上季車路士解禁以2.47億歐元買人，而季中又經歷換帥，其後杜曹領軍打三中堅迎來多場不敗，最後拿下歐聯冠軍同聯賽第四，但其實杜曹只係領軍半季。經歷磨合加上盧卡古嘅加盟，車路士嘅目標依然係衝擊各項冠軍，然而車路士今季卻面對前所未見嘅危機😶🌫️今季車路士除左以1.13億歐元引入盧卡古，仲有借入中場球員沙奧尼古斯，大洗1.18億歐元但總結轉會收資平衡其實係有賺錢，因為今夏車路士唔止繼續「出租車」，仲有賣走艾巴咸、蘇馬、湯姆利、摩西斯、基奧特同薩柏哥斯達，賣走上述球員仍然絲毫無損球隊實力，可見車路士嘅底蘊同完善嘅青訓系統🤙🏻
開季第一場，有別於其他球隊，車路士以歐聯冠軍身份參戰歐洲超級盃，當時賽和1比1戰至加時由「領隊」阿列沙巴拿加119分鐘換入撲走兩個十二碼，贏下歐洲超級盃冠軍，但呢次成功嘅經驗卻埋下日後失敗嘅伏筆🫣
獎盃櫃又添置物品，返到聯賽盧卡古回家地標戰將阿仙奴打到一仆一碌，帶住兩連勝展開聯賽冠軍戰嘅首回合，攻勢致命嘅車路士因為列斯占士紅牌，繼而令雙方今季首戰未有分出勝負～及後三線作戰，聯賽盃過關斬將，聯賽就曾經擺出雙箭頭由盧卡古同添姆雲拿負責攻堅，但對住曼城卻未能奏效，至於歐聯除左爆冷輸過比祖雲達斯一場之外就順利以次名出線🙌🏻正當一切看似順順利利兼且有力同曼利「拗手瓜」，但捷維爾係11月尾十字韌帶斷裂而要收咧，同期簡迪、高華錫都因傷缺陣，盧卡古同雲拿就傷癒但尋找狀態當中，結果係賽和曼聯同輸比韋斯咸後，車路士就由榜首跌落第三位，並逐漸退出聯賽爭冠行列😶🌫️
壞事情或者一不離二二不離三，應對排山倒海嘅賽程已經費盡心力，而陣中竟然爆出盧卡古接受訪問表示希望「回家」，幸好杜曹處事冷靜接連獲得球員同管理層嘅同意處罰盧卡古，呢一件事已經盡量妥善處理，但仍未能夠令盧卡古「回心轉意」🧐
捉完內鬼之後就嚟到2月接二連三嘅關鍵比賽，伊度亞文迪係贏下非洲盃冠軍後歸隊出戰世界冠軍球會賽，而車路士亦順利擊敗巴西嘅彭美拉斯拿下冠軍，而呢一個冠軍卻係今季同班主阿巴莫域治最後一個冠軍🥴如果三線作戰係辛苦，那麼2月至3月頭一度出現嘅五線作戰簡直係誇張，2月28日聯賽盃決賽激戰利物浦120分鐘，期間兩隊互有攻守都有破門嘅機會，級數已經係巔峰對決，只係杜曹安排「領隊」負責十二碼階段未能取勝，以至搶晒風頭，不過領隊11個機會都未有把握，加上門將主射一輪自己射走，所以失落聯賽盃佢都有一半責任🤢
不論責任誰屬，車路士都係一個大家庭，3月起因為俄羅斯入侵烏克蘭，班主阿巴莫域治係輿論壓力同政府要求下，迫使佢出售心愛嘅車路士，但賣盤同選擇接班人需時，其間球隊受到政府嘅「接管」亦受影響，例如球衣贊助商「3」宣布終止合作，只有季票持有人先可以進入史丹福橋球場睇比賽，種種因素令球隊前途滿佈荊棘，甚至遠征歐聯都有困難，但困難之下車路士依然團結一致，夏域斯更表示如有需要願意自資出錢包機去比賽，呢啲或許就係「患難見真情」🥰
時間去到4月，歐聯殺入八強需要迎戰皇家馬德里，首回合冇辦法限制賓施馬上演帽子戲法，但次回合杜曹檢討過錯起用路夫斯卓克overload中場同增加速度限制雲尼素斯，3比0戰至80分鐘車路士有望反cup出線，不過儘管杜曹嘅戰術有幾心思細密，都敵唔過摩迪嘅腳趾尾拉西，結果加時階段反被反cup，最終歐聯八強遺憾出局😳
聯賽盃失利、歐聯失利同聯賽無慾無求之下，足總盃決賽再鬥利物浦成為最後關鍵一戰，可惜再一次決鬥都係「癲鳳鬥狂龍」嘅格局不分勝負，雖然杜曹係加時又出奇招安排巴克利後備上陣射十二碼等對方門將無路捉，但最終十二碼階段再度飲恨，結果完結風雨飄搖嘅一整季😮💨一季過後連球隊亦已經易手，縱使今個球季並非最理想，但贏下歐洲超級盃同世界冠軍球會盃嘅冠軍，加上聯賽盃足總盃殺上決賽、聯賽排第三，總算係對球迷有交代～而現時新老闆上任對多個目標有傳聞，或許係車路士嘅新開始，畢竟過往杜曹買人都有「太后」嘅阻礙，如今有水喉又得到信任，即管睇下杜曹係100%支持下得到點樣嘅成績，但相信來季暫時會係「比上不足 比下有餘」今季代表作：皇馬 2-3 車路士🙌🏻
最佳收購：沙奧尼古斯 Saul Niguez🇪🇸（1.15億歐元轉會費嘅盧卡古揀唔落手🥶）
最佳球員：美臣蒙特 Mason Mount🏴11球10助攻
最佳進步球員：列斯占士 Reece James🏴5球9助攻
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
請按此登錄後留言。未成為會員? 立即註冊