《英超賽季總結》
第5️⃣位 阿仙奴🔫
“Trust the process⁉️” 今個夏天豪洗1.67億歐元嘅阿仙奴，打著為「為未來而買」嘅方針引援，開季卻迎來三連敗，接住係谷底反彈，小將輪流爆發，最後傷兵滿營，失落前四，而到底經歷左一季嘅起伏後，領隊阿迪達是否仍然能夠帶領阿仙奴完成重建重拾昔日光輝呢？現實：第5位 預測：第6位（⬆️1位）
開季之前我地預測前季「脫歐」嘅阿仙奴能夠以第6位衝線，因為今季阿仙奴少一條戰線，並且預計上季提拔嘅年輕球員可以進一步兌現天賦，因此當時球迷或者球會嘅首要目標係重返歐洲賽，終極目標先係重拾歐聯資格🇪🇺「達蛇」領軍嘅第三季繼續執行換血大行動，韋洛克、「高薪低能」嘅韋利安同大衛雷斯先後離隊，而今季季初就一口氣引進6位23歲或以下嘅球員，包括泰華利斯、盧干加、賓韋治、奧迪加特、藍斯度同富安健洋，引入嘅球員大部分並非星級球員或嚟自一線球隊，而且講緊係洗左1.65億歐元轉會費，當時嘅引援方針受到各方質疑，例如藍斯度係咪會帶領球隊降班、日本球員係阿仙奴無運行等等，結果部分球員用行動證明自己🙌🏻去到開季第一場嘅時候基於人腳未齊，前鋒線得返巴路根(Folarin Balogun)可用，中堅要排出賓韋治同柏保路馬里，防中盧干加上演地標戰，結果就比升班馬賓福特用手榴彈戰術炸死，5500萬鎊購入高空能力較弱嘅賓韋治呢單轉會被球迷無限放大😶🌫️第二場就比回家嘅盧卡古打到一仆一碌，第三場就比曼城5比0大屠殺，當時在場嘅槍迷甚至輸到慶祝曼城入球，而阿迪達同伊度所炮製嘅引援方針受到最大嘅罵聲🥲3連敗期間阿迪達下台嘅呼聲一度冒起，幸好「大師兄返嚟啦」，藍斯度、賓韋治、加比爾、富安健洋等球員一同正選上陣，由擊敗榜尾嘅諾域治作起點，瞬間打出一波三連勝，其中北倫敦打吡嘅反擊相當凌厲，奧巴美揚入球後鏟草慶祝致敬亨利🤣
連續8場不敗後聯賽排名已經由榜尾攀升至第五位，呢個時候面對利物浦就係阿迪達今季嘅「考牌戰」，個場除左藍斯度上半場有幾個撲救外，阿仙奴都受制於利物浦嘅進攻，特別係泰華利斯同盧干加仍未有足夠水平應對強隊，結果兩位隨後輸比曼聯同愛華頓後一同被貶後備🥵
谷底反彈後嘅高位回落，兩連敗後阿迪達安排泰亞尼同馬天尼利重返正選位置，而紀律不善嘅奧巴美揚就從此被棄用，自此逐漸奠定勝利十一人開展新一波嘅高峰⚡️打出4連勝後面對曼城，由拿卡錫迪回後overload中路再由馬天尼利突破，戰術部署同執行力差啲擊敗曼城，連哥帥都直言阿仙奴踢得更好，可惜最後兩黃一紅踢少個被絕殺兼中止連勝😟聯賽盃同足總盃先後出局，阿仙奴就能專注於聯賽，同期冬季轉會窗再度精簡陣容，包括送走高拿仙歷、張伯斯，仲有貼錢送走同阿迪達鬧翻嘅奧巴美揚，係冬季無補強嘅情況下，換而言之當時嘅可用前鋒只有拿卡錫迪一員👀
幸好右翼嘅薩卡仔再度爆發，協助下半季較為沉寂嘅奧迪加特支撐球隊，帶來5連勝兼且維持聯賽第四嘅位置，即使對戰利物浦失利仍然打出態度，但四月初落敗予水晶宮、白禮頓同修咸頓三支中下游球隊造成嘅三連敗，埋下失落前四嘅伏筆，加上富安健洋、泰亞尼、湯馬士柏迪嘅傷出，仲有拿卡錫迪係記者會上表明想重返母會里昂，隨即被阿迪達棄用，令前景更為嚴峻，幸好陣中冒出「禁區之狐」尼基迪亞🤙🏻
正當倫敦打吡對車路士嘅前夕一眾球迷對阿仙奴都毫無期望，尼基迪亞嘅活力就為一眾捱夜睇波嘅球迷提起精神，不惜氣力嘅逼搶同禁區把握力令佢頓時成為槍迷嘅寵兒，後兩格嘅中場有艾蘭尼成為「雷霆救兵」，即使泰華利斯仍然推波出界，但至少捱到前四嘅決戰 - 「北倫敦打吡」。對比前面嘅毫無期望，阿仙奴高歌猛進的迎戰熱刺，不過賀定同孫興慜嘅對決卻提早將比賽劃上句號，而其後球員係對戰紐卡素一伇無心戀戰，縱使最後大勝愛華頓5比1仍然與熱刺相差2分以第5位衝線🥺
正如帖文嘅開端，阿仙奴首要目標係重返歐洲賽，終極目標先係前四，只係「這麼近那麼遠」先對失落前四感到可惜，而睇返阿迪達領軍嘅第三季，清洗行動同換上自己嘅班底已經進行得七七八八，確實管理層100%信賴同支持領隊係好事，但對於鐵石心腸嘅阿迪達，未免會有少許顧慮，因為近年只要你同阿迪達不和或者唔服從，就會馬上被雪或送走，正如貼錢都要送走嘅奧巴美揚，當然係陣中能夠樹立權威，但凡事都有例外，而呢個「例外」似乎係兵工廠睇唔到。另外係阿迪達鍾情於提拔嘅年輕人，包括馬天尼利、史密夫路維同薩卡仔，固然佢地今季有表現，但陣中7000萬嘅尼高拉斯比比都係可用之材，其實上季佢係聯賽同歐霸盃合計攻入16球5助攻，個人認為係值得給予更多上陣機會，不過永遠領隊只會起用自己信賴嘅球員，因此來季組軍已經進行得如火如荼，希望兵工廠能夠應付「重新開始」嘅雙線作戰👀
今季代表作：阿仙奴 1-2 曼城🙌🏻
最佳收購：奧迪加特 Martin Ødegaard🇳🇴7球4助攻
最佳球員：薩卡 Bukayo Saka🏴11球7助攻
最佳進步球員：薩卡 Bukayo Saka🏴
如果睇到呢度，不妨follow我地嘅instagram睇到更多唔同嘅足球資訊！IG : Footballarena_hk
Facebook: 足球港場
第5️⃣位 阿仙奴🔫
“Trust the process⁉️” 今個夏天豪洗1.67億歐元嘅阿仙奴，打著為「為未來而買」嘅方針引援，開季卻迎來三連敗，接住係谷底反彈，小將輪流爆發，最後傷兵滿營，失落前四，而到底經歷左一季嘅起伏後，領隊阿迪達是否仍然能夠帶領阿仙奴完成重建重拾昔日光輝呢？現實：第5位 預測：第6位（⬆️1位）
開季之前我地預測前季「脫歐」嘅阿仙奴能夠以第6位衝線，因為今季阿仙奴少一條戰線，並且預計上季提拔嘅年輕球員可以進一步兌現天賦，因此當時球迷或者球會嘅首要目標係重返歐洲賽，終極目標先係重拾歐聯資格🇪🇺「達蛇」領軍嘅第三季繼續執行換血大行動，韋洛克、「高薪低能」嘅韋利安同大衛雷斯先後離隊，而今季季初就一口氣引進6位23歲或以下嘅球員，包括泰華利斯、盧干加、賓韋治、奧迪加特、藍斯度同富安健洋，引入嘅球員大部分並非星級球員或嚟自一線球隊，而且講緊係洗左1.65億歐元轉會費，當時嘅引援方針受到各方質疑，例如藍斯度係咪會帶領球隊降班、日本球員係阿仙奴無運行等等，結果部分球員用行動證明自己🙌🏻去到開季第一場嘅時候基於人腳未齊，前鋒線得返巴路根(Folarin Balogun)可用，中堅要排出賓韋治同柏保路馬里，防中盧干加上演地標戰，結果就比升班馬賓福特用手榴彈戰術炸死，5500萬鎊購入高空能力較弱嘅賓韋治呢單轉會被球迷無限放大😶🌫️第二場就比回家嘅盧卡古打到一仆一碌，第三場就比曼城5比0大屠殺，當時在場嘅槍迷甚至輸到慶祝曼城入球，而阿迪達同伊度所炮製嘅引援方針受到最大嘅罵聲🥲3連敗期間阿迪達下台嘅呼聲一度冒起，幸好「大師兄返嚟啦」，藍斯度、賓韋治、加比爾、富安健洋等球員一同正選上陣，由擊敗榜尾嘅諾域治作起點，瞬間打出一波三連勝，其中北倫敦打吡嘅反擊相當凌厲，奧巴美揚入球後鏟草慶祝致敬亨利🤣
連續8場不敗後聯賽排名已經由榜尾攀升至第五位，呢個時候面對利物浦就係阿迪達今季嘅「考牌戰」，個場除左藍斯度上半場有幾個撲救外，阿仙奴都受制於利物浦嘅進攻，特別係泰華利斯同盧干加仍未有足夠水平應對強隊，結果兩位隨後輸比曼聯同愛華頓後一同被貶後備🥵
谷底反彈後嘅高位回落，兩連敗後阿迪達安排泰亞尼同馬天尼利重返正選位置，而紀律不善嘅奧巴美揚就從此被棄用，自此逐漸奠定勝利十一人開展新一波嘅高峰⚡️打出4連勝後面對曼城，由拿卡錫迪回後overload中路再由馬天尼利突破，戰術部署同執行力差啲擊敗曼城，連哥帥都直言阿仙奴踢得更好，可惜最後兩黃一紅踢少個被絕殺兼中止連勝😟聯賽盃同足總盃先後出局，阿仙奴就能專注於聯賽，同期冬季轉會窗再度精簡陣容，包括送走高拿仙歷、張伯斯，仲有貼錢送走同阿迪達鬧翻嘅奧巴美揚，係冬季無補強嘅情況下，換而言之當時嘅可用前鋒只有拿卡錫迪一員👀
幸好右翼嘅薩卡仔再度爆發，協助下半季較為沉寂嘅奧迪加特支撐球隊，帶來5連勝兼且維持聯賽第四嘅位置，即使對戰利物浦失利仍然打出態度，但四月初落敗予水晶宮、白禮頓同修咸頓三支中下游球隊造成嘅三連敗，埋下失落前四嘅伏筆，加上富安健洋、泰亞尼、湯馬士柏迪嘅傷出，仲有拿卡錫迪係記者會上表明想重返母會里昂，隨即被阿迪達棄用，令前景更為嚴峻，幸好陣中冒出「禁區之狐」尼基迪亞🤙🏻
正當倫敦打吡對車路士嘅前夕一眾球迷對阿仙奴都毫無期望，尼基迪亞嘅活力就為一眾捱夜睇波嘅球迷提起精神，不惜氣力嘅逼搶同禁區把握力令佢頓時成為槍迷嘅寵兒，後兩格嘅中場有艾蘭尼成為「雷霆救兵」，即使泰華利斯仍然推波出界，但至少捱到前四嘅決戰 - 「北倫敦打吡」。對比前面嘅毫無期望，阿仙奴高歌猛進的迎戰熱刺，不過賀定同孫興慜嘅對決卻提早將比賽劃上句號，而其後球員係對戰紐卡素一伇無心戀戰，縱使最後大勝愛華頓5比1仍然與熱刺相差2分以第5位衝線🥺
正如帖文嘅開端，阿仙奴首要目標係重返歐洲賽，終極目標先係前四，只係「這麼近那麼遠」先對失落前四感到可惜，而睇返阿迪達領軍嘅第三季，清洗行動同換上自己嘅班底已經進行得七七八八，確實管理層100%信賴同支持領隊係好事，但對於鐵石心腸嘅阿迪達，未免會有少許顧慮，因為近年只要你同阿迪達不和或者唔服從，就會馬上被雪或送走，正如貼錢都要送走嘅奧巴美揚，當然係陣中能夠樹立權威，但凡事都有例外，而呢個「例外」似乎係兵工廠睇唔到。另外係阿迪達鍾情於提拔嘅年輕人，包括馬天尼利、史密夫路維同薩卡仔，固然佢地今季有表現，但陣中7000萬嘅尼高拉斯比比都係可用之材，其實上季佢係聯賽同歐霸盃合計攻入16球5助攻，個人認為係值得給予更多上陣機會，不過永遠領隊只會起用自己信賴嘅球員，因此來季組軍已經進行得如火如荼，希望兵工廠能夠應付「重新開始」嘅雙線作戰👀
今季代表作：阿仙奴 1-2 曼城🙌🏻
最佳收購：奧迪加特 Martin Ødegaard🇳🇴7球4助攻
最佳球員：薩卡 Bukayo Saka🏴11球7助攻
最佳進步球員：薩卡 Bukayo Saka🏴
如果睇到呢度，不妨follow我地嘅instagram睇到更多唔同嘅足球資訊！IG : Footballarena_hk
Facebook: 足球港場
請按此登錄後留言。未成為會員? 立即註冊