李察利臣加盟熱刺轉戰歐聯

足球港場 於 30/06/2022 發表 收藏文章
李察利臣加盟熱刺轉戰歐聯
loading

干地係簽下翼衛佩列錫、後備門將費沙科士打同中場比蘇馬後,今日完成夏季轉會窗嘅第四簽,根據Fabrizio Romano嘅報導,熱刺完成簽下愛華頓核心之一嘅巴西前鋒李察利臣(Richarlison),熱刺將會支付5000萬鎊嘅轉會費+價值1000萬鎊嘅浮動條款,李察利臣將會係巴西完成體檢後先至前往倫敦,而干地下一個目標將會係借用巴塞中堅朗格勒(Clément Lenglet)🙌🏻
對於熱刺嚟講,真係要讚一讚干地,除左係迫使到熱刺主席利維私人注資1.6億鎊,買人方面更加有networking同出手快狠準,當然有歐聯資格簽人容易好多,但清晰地針對性補強都重要👍🏼如今帶來李察利臣,除左簡尼、孫興慜同古路錫夫斯基,李察利臣就可以充當古路錫夫斯基嘅輪換或者係簡尼嘅替補。簡尼每季都係較為慢熱,10月11月先會完全啟動引擎,而熱刺今季係競逐前四苦苦掙扎,主要原因係防反可以但對鐵桶陣束手無策,而李察利臣就適用於打啲簡單直接傳中嘅波,因為佢可以利用身體優勢衝擊對方防線,加上下季可以換5個人,5000萬鎊買一個巴西國腳前鋒都算合理🙌🏻
對於李察利臣嘅離去,愛華頓雖然收到一筆轉會資金但要睇下林柏特嘅收購能力👀而對於球員自身,上季係球隊缺乏卡華利雲嘅情況下獨力難支,即使係前場做到策應但甚少有人follow up,所以李察利臣今季聯賽攻入10球5助攻,其實當中有6球2助攻都係四月起李察利臣復出後重拾狀態形成雙箭頭嘅時候攻入。然而,球員自身係季中已經表明想離開愛華頓加盟一支有歐洲賽嘅球隊,畢竟都25歲同係巴西國腳,要穩定地參戰12月嘅世界盃轉隊亦係安全上策,所以能夠轉戰歐聯亦係相當幸運🤣
如果睇到呢度,不妨follow我地嘅instagram睇到更多唔同嘅足球資訊!
IG : Footballarena_hk
Facebook: 足球港場
loading

留言


請按此登錄後留言。未成為會員? 立即註冊
    快捷鍵:←
    快捷鍵:→