巴爾離開歐洲轉戰美職聯

足球港場 於 26/06/2022 發表 收藏文章
巴爾離開歐洲轉戰美職聯
loading

「傳波比3秒後的自己嘅男人」、「大聖爺」、「BBC組合」、「歐聯決賽梅開二度嘅男人」、「皇馬五屆歐聯冠軍成員」對於32歲嘅巴爾,一切已成過去,特別係效力左9季嘅皇家馬德里同球員嘅合約已經完結,曾經有傳卡迪夫城或會成為佢嘅新東家,但根據Fabrizio Romano嘅報導,呢位威爾斯核心將會離開歐洲轉戰美職聯,巴爾會同FC洛杉磯簽下一年合約至2023年,合約入面包含延長合同嘅選擇🙌🏻
事實上巴爾收到唔少歐洲球會嘅邀請,但佢希望係美洲足球上揭開人生新一頁,因此佢將會隨同祖雲達斯中堅基亞連尼一同加盟FC洛杉磯🇺🇸雖然FC洛杉磯同洛杉磯銀河都係LA球隊,但對比曾經有伊巴謙莫域嘅洛杉磯銀河星味就比較少,或者來季LA打吡巴爾可以同曾經踢過皇馬嘅「小豆」敘舊🤣
最後對於巴爾轉戰美職聯,其實都係一個地方比佢保持狀態,最重要嘅事情就係11 12月為威爾斯係世界盃傾盡全力,及後會否退休就留待世界盃過後先再討論👀巴爾近幾年都因為傷患同坐後備逐漸退出鎂光燈下,而60萬鎊薪卻只係坐後備,兼且比人影到唔專業嘅行為,為人垢病係合理,但箇中嘅起承轉合同因果,唔能夠單憑傳媒嘅大肆報導同一句說話一張圖片就斷言巴爾嘅好與壞,或者令人又愛又恨嘅先係加里夫巴爾 Gareth Bale🏴󠁧󠁢󠁷󠁬󠁳󠁿
如果睇到呢度,不妨follow我地嘅instagram睇到更多唔同嘅足球資訊!
IG : Footballarena_hk
Facebook: 足球港場
loading

留言


請按此登錄後留言。未成為會員? 立即註冊
    快捷鍵:←
    快捷鍵:→