《英超賽季總結》
第8️⃣位 李斯特城🦊（上集）
「一鼓作氣，再而衰，三而竭」呢句說話雖然係家傳戶曉，但卻巧合地適用於今日要講嘅李斯特城🦊班頓羅渣士係2019年2月領軍後，由19/20賽季首度衝擊前四席位，上季更加係非常接近，只係最尾兩輪聯賽先至跌出前四😟去到今季更加大幅下滑，從未進佔過歐洲賽席位位置，咁到底李城係咪好似上句一樣無晒士氣，定係有其他原因呢🥺
現實：第8️⃣位 預測：第5️⃣位（⬇️3位）
開季前我地預測李斯特城可以保持第5位衝線，上季未能衝擊歐聯嘅原因在於陣容有限、傷兵問題同麥迪臣下半季狀態低迷，令到入球重責竟然落係伊恩拿祖身上，確實李斯特城贏下足總盃冠軍相當厲害👍🏼但連續兩季未能衝上前四亦係失敗，呢個失敗並非球隊自己主動造成，有見及此管理層加大投資，今季係無賣人嘅情況下引入5位球員，夏天就花費接近6400萬歐元，要知道過往兩季球隊都有主力賣走並以其資金作補強，包括係前季8000萬鎊嘅麥佳亞同上季5000萬歐元嘅捷維爾，另外李城嘅老闆係KING POWER集團，以泰國旅遊同免稅零售呢方面賺錢，但係疫情期間呢類公司嘅業績首當其衝，最後仲有球會剛剛先啟用極度精緻兼水平一流嘅訓練場，因此係呢個情況球隊仍然加大力度投資，除左係老闆無得頂之外，更加可見係李城嘅決心，然而一切卻未如預期😭時間去返開季前，李城當時嘅轉會窗目標清晰，首先係唔會出售陣中主力球員，然後以3000萬歐元引入有少許接近華迪踢法嘅柏臣達卡(Patson Daka)，加強中場厚度而引入法甲冠軍成員蘇馬里(Boubakary Soumaré)，同埋補強左閘後備人選貝查特(Ryan Bertrand)，3個針對性補強都係後備人選，但所有嘅鴻圖大計都被一位無紀律嘅球員摧毁，佢就係Fer Nino，8月5號李城同維拉利爾進行友誼賽，當時科芬拿同對方前鋒Fer Nino係攔截上發生碰撞，3分鐘後Fer Nino報復使出鉸剪腳鏟波，結果令到科芬拿腓骨骨折，要休戰大半季，除左影響球員，更影響球隊嘅發展，因為李城係後來Panic Buy購入高大中堅維斯特加特(Jannik Vestergaard)，呢位球員轉身慢，腳法一般，完全踢唔到羅渣士嘅戰術，1500萬歐元就咁白費晒😩雖然科芬拿重傷，但球隊仍然要迎難而上，3日後佢地贏下社區盾，伊恩拿祖延續好運十二碼一箭定江山，而其後頭3場聯賽2勝1負，當時我地就表示李城2勝1負表現唔合格，結果引來球迷抨擊問我知唔知寫緊咩，但事實上李城踢得非常艱辛，對比上季長期頭四嘅表現完全唔合格，特別係右翼艾約斯佩雷斯，結果羅渣士亦迅速借入盧克文取而代之🙌🏻去到9月中開始，李斯特城開始三線作戰，包括聯賽、歐霸盃同聯賽盃，本來歐霸盃對住莫斯科斯巴達同波蘭嘅列基亞能夠易食，因此給予達卡、蘇馬里同艾約斯佩雷斯正選上陣，輪換陣容得到出場機會但未能回饋領隊，頭兩場歐霸盃小組賽都未能取勝，而聯賽方面10月中有老將伊雲斯對住曼聯一仗復出，但基於賽程相當緊湊令到球員疲勞過度，發揮上亦未能盡如人意😟人腳不整之下李斯特城未能係最後一場歐霸盃小組賽擊敗拿玻里，結果以2比3落敗，歐霸盃出局需要轉戰歐協聯，當時就有唔少聲音傳出羅渣士應該要下台，李城要換帥等等嘅消息，但以上嘅謠言都係不合情理，先不論羅渣士為球隊注入逼搶戰術同贏下足總盃冠軍同社區盾，係小組賽出局除左係後備球員未能交出表現，更多嘅係受傷患影響，因為當時有三位後防主力成員因傷缺陣，泰利文斯亦係負傷出戰，出局令人氣餒，領隊亦有責任，但「當時」未至於要下台🤷及後李城亦製造出唔少話題，包括聯賽盃強陣對住利物浦副選都贏唔到，仲要係十二碼階段淘汰出局，另外有6比3大敗比曼城，突然地同曼城打逼搶然後25分鐘輸4球，後來改返防反戰術，仲有1比4被英冠嘅諾定咸森林大炒出局，同埋2比3被熱刺90分鐘後反勝😵💫
以上提到咁多失利嘅賽事並非針對李城，而係想指出除左領隊有部分責任，陣容確實受到大大小小傷患嘅困擾，甚至誇張啲講受傷過先係李城球員，包括伊雲斯、卡斯坦尼同華迪都係1月起受傷多時，陣中嘅尼迪迪、伊恩拿祖同林柏拉斯文迪要出戰非洲盃，人腳凋零下戰績仍隨之下滑，唔計歐協聯對蘭達斯(Randers)呢種級數差別太大嘅球隊，1月中起李城各項賽6場不勝，去到3月尾球隊先真正迎來曙光🙌🏻
P.s 篇幅過長被迫分上下集🥵
今季代表作：燕豪芬 1-2 李斯特城🙌🏻
最佳收購：盧克文 Ademola Lookman🇳🇬（外借加盟，其餘四位完全揀唔落手）
最佳球員：麥迪臣 James Maddison🏴12球8助攻
最佳進步球員：杜斯貝利荷爾 Kiernan Dewsbury-Hall🏴1球2助攻
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
第8️⃣位 李斯特城🦊（上集）
現實：第8️⃣位 預測：第5️⃣位（⬇️3位）
開季前我地預測李斯特城可以保持第5位衝線，上季未能衝擊歐聯嘅原因在於陣容有限、傷兵問題同麥迪臣下半季狀態低迷，令到入球重責竟然落係伊恩拿祖身上，確實李斯特城贏下足總盃冠軍相當厲害👍🏼但連續兩季未能衝上前四亦係失敗，呢個失敗並非球隊自己主動造成，有見及此管理層加大投資，今季係無賣人嘅情況下引入5位球員，夏天就花費接近6400萬歐元，要知道過往兩季球隊都有主力賣走並以其資金作補強，包括係前季8000萬鎊嘅麥佳亞同上季5000萬歐元嘅捷維爾，另外李城嘅老闆係KING POWER集團，以泰國旅遊同免稅零售呢方面賺錢，但係疫情期間呢類公司嘅業績首當其衝，最後仲有球會剛剛先啟用極度精緻兼水平一流嘅訓練場，因此係呢個情況球隊仍然加大力度投資，除左係老闆無得頂之外，更加可見係李城嘅決心，然而一切卻未如預期😭時間去返開季前，李城當時嘅轉會窗目標清晰，首先係唔會出售陣中主力球員，然後以3000萬歐元引入有少許接近華迪踢法嘅柏臣達卡(Patson Daka)，加強中場厚度而引入法甲冠軍成員蘇馬里(Boubakary Soumaré)，同埋補強左閘後備人選貝查特(Ryan Bertrand)，3個針對性補強都係後備人選，但所有嘅鴻圖大計都被一位無紀律嘅球員摧毁，佢就係Fer Nino，8月5號李城同維拉利爾進行友誼賽，當時科芬拿同對方前鋒Fer Nino係攔截上發生碰撞，3分鐘後Fer Nino報復使出鉸剪腳鏟波，結果令到科芬拿腓骨骨折，要休戰大半季，除左影響球員，更影響球隊嘅發展，因為李城係後來Panic Buy購入高大中堅維斯特加特(Jannik Vestergaard)，呢位球員轉身慢，腳法一般，完全踢唔到羅渣士嘅戰術，1500萬歐元就咁白費晒😩雖然科芬拿重傷，但球隊仍然要迎難而上，3日後佢地贏下社區盾，伊恩拿祖延續好運十二碼一箭定江山，而其後頭3場聯賽2勝1負，當時我地就表示李城2勝1負表現唔合格，結果引來球迷抨擊問我知唔知寫緊咩，但事實上李城踢得非常艱辛，對比上季長期頭四嘅表現完全唔合格，特別係右翼艾約斯佩雷斯，結果羅渣士亦迅速借入盧克文取而代之🙌🏻去到9月中開始，李斯特城開始三線作戰，包括聯賽、歐霸盃同聯賽盃，本來歐霸盃對住莫斯科斯巴達同波蘭嘅列基亞能夠易食，因此給予達卡、蘇馬里同艾約斯佩雷斯正選上陣，輪換陣容得到出場機會但未能回饋領隊，頭兩場歐霸盃小組賽都未能取勝，而聯賽方面10月中有老將伊雲斯對住曼聯一仗復出，但基於賽程相當緊湊令到球員疲勞過度，發揮上亦未能盡如人意😟人腳不整之下李斯特城未能係最後一場歐霸盃小組賽擊敗拿玻里，結果以2比3落敗，歐霸盃出局需要轉戰歐協聯，當時就有唔少聲音傳出羅渣士應該要下台，李城要換帥等等嘅消息，但以上嘅謠言都係不合情理，先不論羅渣士為球隊注入逼搶戰術同贏下足總盃冠軍同社區盾，係小組賽出局除左係後備球員未能交出表現，更多嘅係受傷患影響，因為當時有三位後防主力成員因傷缺陣，泰利文斯亦係負傷出戰，出局令人氣餒，領隊亦有責任，但「當時」未至於要下台🤷及後李城亦製造出唔少話題，包括聯賽盃強陣對住利物浦副選都贏唔到，仲要係十二碼階段淘汰出局，另外有6比3大敗比曼城，突然地同曼城打逼搶然後25分鐘輸4球，後來改返防反戰術，仲有1比4被英冠嘅諾定咸森林大炒出局，同埋2比3被熱刺90分鐘後反勝😵💫
以上提到咁多失利嘅賽事並非針對李城，而係想指出除左領隊有部分責任，陣容確實受到大大小小傷患嘅困擾，甚至誇張啲講受傷過先係李城球員，包括伊雲斯、卡斯坦尼同華迪都係1月起受傷多時，陣中嘅尼迪迪、伊恩拿祖同林柏拉斯文迪要出戰非洲盃，人腳凋零下戰績仍隨之下滑，唔計歐協聯對蘭達斯(Randers)呢種級數差別太大嘅球隊，1月中起李城各項賽6場不勝，去到3月尾球隊先真正迎來曙光🙌🏻
P.s 篇幅過長被迫分上下集🥵
今季代表作：燕豪芬 1-2 李斯特城🙌🏻
最佳收購：盧克文 Ademola Lookman🇳🇬（外借加盟，其餘四位完全揀唔落手）
最佳球員：麥迪臣 James Maddison🏴12球8助攻
最佳進步球員：杜斯貝利荷爾 Kiernan Dewsbury-Hall🏴1球2助攻
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
請按此登錄後留言。未成為會員? 立即註冊