普巴二度免簽加盟祖雲達斯

根據Fabrizio Romano嘅報導，29歲法國中場普巴將會離開曼聯並免簽加盟祖雲達斯，相隔10年後再度加盟祖記，年薪據傳係800萬歐元⚪️⚫️
對於普巴嘅出走都唔係第一日嘅消息，問題只係在於落班係皇馬、PSG、祖雲達斯定係「水魚」曼聯同佢再約續，而現時終於離開曼聯，相信一眾曼迷，甚至係睇唔過眼嘅球迷都會慶祝佢嘅離隊消息，而佢亦間接平反當日摩連奴「敗走」曼聯嘅說法👹
然而Fabrizio Romano提到，普巴只係心屬祖雲達斯，即使曼城有嘗試說服普巴，甚至係哥迪奧拿參與直接通話，呢方面真係睇到心都離一離，哥迪奧拿會唔會太睇得起普巴嘅鬥心同能力，認為佢能夠係曼城證明自己同踢到曼城嘅戰術？定抑或對自己極高信心，認為自己能夠駕馭摩連奴曾經稱為嘅「病毒」？
作為祖雲達斯今夏嘅第一簽，普巴除左可以替代離隊嘅戴巴拿成為頭號球星，更加可以接任佢嘅工作，特別係中場球員為防守同連接型居多，包括薩卡利亞(Denis Zakaria)、盧卡迪利(Manuel Locatelli)同拉比奧特(Adrien Rabiot)，因此普巴係舒服嘅環境仲要擔當大哥角色，預計下季表現會大幅改善回復「正常」，至少5球10助攻真係走唔甩🥵如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場