阿仙奴引入波圖攻擊中場韋拉

阿仙奴引入波圖攻擊中場韋拉

英超聯賽除左有利物浦頻頻係葡超撬人，阿仙奴亦都分一杯羹，根據Fabrizio Romano嘅報導，阿仙奴以3500萬歐元+浮動條款從波圖簽下22歲攻擊中場法比奧韋拉(Fabio Vieira)，球員本來有5000萬歐元嘅解約條款，但波圖方面亦願意以3500萬歐元出售，法比奧韋拉將會同阿仙奴簽下5年合約至2027年6月🙌🏻對於呢單轉會都比較突然，因為同阿仙奴傳出緋聞嘅主要都係捷西斯、泰利文斯同辛真高，突然跑出呢位法比奧韋拉令人感到不解🤔而呢一單轉會亦算係今夏嘅「第一簽」，確實再早一段時間阿仙奴以300萬英鎊簽下19歲巴西翼鋒馬昆奴斯，但預計真正會幫到一隊嘅就係呢位法比奧韋拉👀22歲葡萄牙小國腳嘅法比奧韋拉，係葡萄牙U21嘅隊長，21場比賽攻入13球4助攻，今季係葡超聯賽上陣27場攻入6球14助攻，係一位技術創造型中場，除左勝任攻擊中場位置，雙中場同4-4-2嘅左翼位置都能夠擔任。呢位左腳球員有傳球視野同遠射能力，有啲腳法同埋對角長傳、直線都有啲睇頭，唯一擔憂係佢需要時間適應英超，同埋略嫌身體對抗性未夠🥶購入法比奧韋拉，可以成為奧迪加特嘅替補，特別係今季年輕球員輪流爆發，奧迪加特係下半季相對沉寂，全季聯賽攻入7球4助攻，下半季只有3球1助攻，其中一球係最後一場聯賽對愛華頓嘅大勝，所以尋找攻中嘅替補都係需要的🙌🏻如同上述阿仙奴係一度嘗試追求辛真高，購入法比奧韋拉會唔會係因為未能引入辛真高呢？當然我地無從得知，但對於來季組軍真係要加快步伐，前鋒同中場都要盡快補強，特別係傳左好耐嘅捷西斯同泰利文斯🥲如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場