《英超賽季總結》
第1️⃣3️⃣位 賓福特🐝
大家仲記唔記得呢張圖片？呢一張相雖然未必係全季最深刻嘅一場比賽，但至少係球隊今季最具象徵嘅一場賽事，正正就係今季英超第一場賓福特用手榴彈戰術炸死阿仙奴💥74年首度征戰英超，開季初段一鳴驚人，但賽季中段有所回落甚至係要努力護級，直到艾歷臣嘅加盟令整支球隊更上一層樓，因此都係今季英超亮點之一🙌🏻現實：第13位 預測：第20位（⬇️7位）
開季之前我地預測賓福特會以最後一位降班，有如此推斷係基於擔心係英冠嘅逼搶踢法嚟到英超未能發揮出同樣水平，正如上季英超富咸都係由逼搶改踢返防反，最後亦未能護級成功👀不過作為班費少球場又細嘅佢地卻為球迷帶來驚喜，特別係領隊湯馬士法蘭(Thomas Frank)，作出針對性補強，8月嘅時候破球隊轉會費紀錄以1570萬歐元購入中堅阿爾(Krisoffer Ajer)，再係法甲購入後備前鋒韋沙(Yoane Wissa)，雖然都有另外兩三個引援，但較為直接有效嘅都係上述兩位。去返上年8月，英超揭幕戰升班馬對住阿仙奴，3-5-2陣式面對英超傳統勁旅毫不遜色，特別係第二球嘅手榴彈戰術，感覺上簡直係煥然一新⚡️佢地係頭7輪比賽一度殺到第7位，其中3比3對利物浦一伇更加係非常熱血，領隊更祭出針對阿諾嘅戰術，因此即使和波都算係今季嘅代表作👍🏼
但講到另類嘅代表作，都可以包括埋第8輪聯賽對車路士一戰，雖然賓福特係上半場就落後，但尾段要不是門將文迪發揮神勇，賓福特好大機會能夠反敗為勝🥲而球隊係10月尾開始由盛轉衰，當中部份原因係首席門將大衛拉耶受傷缺席4個月，後備門將艾華路費南迪斯質素真係一般，缺陣14場聯賽只有一場不失球，加上球員嘅質素同緊密嘅比賽都有影響，令球隊戰績每況愈下。
係聖誕快車直到3月，除左因為大衛拉耶嘅傷出，球隊神射手艾雲東尼狀態都受到影響，2月期間缺席令到箭頭得返麥般姆同韋沙，種種不利因素令到球隊11場聯賽只有1勝1和9負，名次亦跌到去第17位，距離降班只係一步之遙😢
如果講上半季嘅驚喜，會係麥般姆同艾雲東尼嘅互相呼應，但如果講下半季嘅驚喜，就係「生命鬥士」艾歷臣⭐️由當日因為心臟問題突然倒下，艾歷臣經過治療後同一段時間訓練，同丹麥老闆擁有嘅賓福特互相投下信任一票，簽下一紙合約直到季尾，而呢一單轉會亦幾乎成為球隊最佳收購，因為季尾最後10場聯賽正選上陣交出1球4助攻，3-5-2陣式擔任三中場嘅佢，有諾加特同Vitaly Janelt兩位工兵拍住，變相艾歷臣有更多空間機會自由發揮。佢負責開出嘅罰球角球落點精準得誇張，除咗幫助球隊贏波，更加幫助艾雲東尼搵返狀態，下半季11場聯賽攻入6球3助攻，簡直將整隊賓福特嘅層次昇華🔥有左艾歷臣嘅幫助，球隊係3月起名次節節上升，11場聯賽7勝1和3負，對住強隊亦不落下風，雖然零比零賽和熱刺，但只係僅僅未能將皮球送入網，攻勢相當凌厲，而最終上下半季嘅驚喜協助賓福特以第13位衝線🙌🏻
對於下半季艾歷臣嘅加盟確實光芒四射，但都唔可以忽視上半季麥般姆同艾雲東尼嘅精彩配合，其中麥般姆雖然全季攻入4球7助攻，但其實佢係今季英超錄得7次中柱紀錄，貴為英超第一，如果把握力再好少少應該能夠再進一步，不過賓福特首次征戰英超名次上已經算唔錯，今個夏天嘅首要工作就係要留住艾歷臣，對比起其他球隊提供嘅1+1合約，據報賓福特就提交左3年合約比佢，未知能否打動球員，但球隊都要盡力一試，否則對於工兵較多嘅賓福特來季或會陷入降班漩渦危機👀
今季代表作：賓福特 3-3 利物浦🙌🏻
最佳收購：阿爾 Kristoffer Ajer🇳🇴球隊破紀錄收購
最佳球員：諾加特 Christian Nørgaard🇩🇰3球4助攻
最佳進步球員：諾加特 Christian Nørgaard🇩🇰
如果睇到呢度，不妨follow我地嘅instagram睇到更多唔同嘅足球資訊！IG : Footballarena_hk
Facebook: 足球港場
第1️⃣3️⃣位 賓福特🐝
大家仲記唔記得呢張圖片？呢一張相雖然未必係全季最深刻嘅一場比賽，但至少係球隊今季最具象徵嘅一場賽事，正正就係今季英超第一場賓福特用手榴彈戰術炸死阿仙奴💥74年首度征戰英超，開季初段一鳴驚人，但賽季中段有所回落甚至係要努力護級，直到艾歷臣嘅加盟令整支球隊更上一層樓，因此都係今季英超亮點之一🙌🏻現實：第13位 預測：第20位（⬇️7位）
開季之前我地預測賓福特會以最後一位降班，有如此推斷係基於擔心係英冠嘅逼搶踢法嚟到英超未能發揮出同樣水平，正如上季英超富咸都係由逼搶改踢返防反，最後亦未能護級成功👀不過作為班費少球場又細嘅佢地卻為球迷帶來驚喜，特別係領隊湯馬士法蘭(Thomas Frank)，作出針對性補強，8月嘅時候破球隊轉會費紀錄以1570萬歐元購入中堅阿爾(Krisoffer Ajer)，再係法甲購入後備前鋒韋沙(Yoane Wissa)，雖然都有另外兩三個引援，但較為直接有效嘅都係上述兩位。去返上年8月，英超揭幕戰升班馬對住阿仙奴，3-5-2陣式面對英超傳統勁旅毫不遜色，特別係第二球嘅手榴彈戰術，感覺上簡直係煥然一新⚡️佢地係頭7輪比賽一度殺到第7位，其中3比3對利物浦一伇更加係非常熱血，領隊更祭出針對阿諾嘅戰術，因此即使和波都算係今季嘅代表作👍🏼
但講到另類嘅代表作，都可以包括埋第8輪聯賽對車路士一戰，雖然賓福特係上半場就落後，但尾段要不是門將文迪發揮神勇，賓福特好大機會能夠反敗為勝🥲而球隊係10月尾開始由盛轉衰，當中部份原因係首席門將大衛拉耶受傷缺席4個月，後備門將艾華路費南迪斯質素真係一般，缺陣14場聯賽只有一場不失球，加上球員嘅質素同緊密嘅比賽都有影響，令球隊戰績每況愈下。
係聖誕快車直到3月，除左因為大衛拉耶嘅傷出，球隊神射手艾雲東尼狀態都受到影響，2月期間缺席令到箭頭得返麥般姆同韋沙，種種不利因素令到球隊11場聯賽只有1勝1和9負，名次亦跌到去第17位，距離降班只係一步之遙😢
如果講上半季嘅驚喜，會係麥般姆同艾雲東尼嘅互相呼應，但如果講下半季嘅驚喜，就係「生命鬥士」艾歷臣⭐️由當日因為心臟問題突然倒下，艾歷臣經過治療後同一段時間訓練，同丹麥老闆擁有嘅賓福特互相投下信任一票，簽下一紙合約直到季尾，而呢一單轉會亦幾乎成為球隊最佳收購，因為季尾最後10場聯賽正選上陣交出1球4助攻，3-5-2陣式擔任三中場嘅佢，有諾加特同Vitaly Janelt兩位工兵拍住，變相艾歷臣有更多空間機會自由發揮。佢負責開出嘅罰球角球落點精準得誇張，除咗幫助球隊贏波，更加幫助艾雲東尼搵返狀態，下半季11場聯賽攻入6球3助攻，簡直將整隊賓福特嘅層次昇華🔥有左艾歷臣嘅幫助，球隊係3月起名次節節上升，11場聯賽7勝1和3負，對住強隊亦不落下風，雖然零比零賽和熱刺，但只係僅僅未能將皮球送入網，攻勢相當凌厲，而最終上下半季嘅驚喜協助賓福特以第13位衝線🙌🏻
對於下半季艾歷臣嘅加盟確實光芒四射，但都唔可以忽視上半季麥般姆同艾雲東尼嘅精彩配合，其中麥般姆雖然全季攻入4球7助攻，但其實佢係今季英超錄得7次中柱紀錄，貴為英超第一，如果把握力再好少少應該能夠再進一步，不過賓福特首次征戰英超名次上已經算唔錯，今個夏天嘅首要工作就係要留住艾歷臣，對比起其他球隊提供嘅1+1合約，據報賓福特就提交左3年合約比佢，未知能否打動球員，但球隊都要盡力一試，否則對於工兵較多嘅賓福特來季或會陷入降班漩渦危機👀
今季代表作：賓福特 3-3 利物浦🙌🏻
最佳收購：阿爾 Kristoffer Ajer🇳🇴球隊破紀錄收購
最佳球員：諾加特 Christian Nørgaard🇩🇰3球4助攻
最佳進步球員：諾加特 Christian Nørgaard🇩🇰
如果睇到呢度，不妨follow我地嘅instagram睇到更多唔同嘅足球資訊！IG : Footballarena_hk
Facebook: 足球港場
請按此登錄後留言。未成為會員? 立即註冊