世界盃歐洲區入場券最後一戰

世界盃歐洲區入場券最後一戰

今晚香港時間00:00將會舉行2022年世界盃歐洲區附加賽，最後一張入場券將會由威爾斯對戰烏克蘭，承受住國家被戰火摧殘，烏克蘭國家隊背負一整個國家嘅期望去戰鬥，確實令人敬佩，但同一時間世界盃係四年一度嘅盛事，係球員為國爭光嘅夢想，所以當中唔存在甚麼同情、放水，反而以全力競賽就係對對方嘅尊重🙌🏻作為威爾斯國家隊隊長，巴爾表示想擊敗烏克蘭係一個沉重嘅心情，因為烏克蘭正面對俄羅斯嘅入侵，但佢表示球隊只會專注於足球，續道：「我地明白烏克蘭嘅情況，我地一直支持烏克蘭嘅人民。」
「係呢段時間，我地感到無力感，因為我地可以做嘅事情有限，但係今晚，係一場足球比賽，我地希望贏波。」

「今晚係重要嘅比賽，我地唔會保留實力，我地只係曾經一次踏足過世界盃舞台，今晚我地只差一步就能夠達到目標。每個人都想參加世界盃，正如我一樣，正如球員、教練團都係。」
巴爾係最近約滿正式離開效力9年嘅皇家馬德里，被問到若然威爾斯未能征戰世界盃，係咪就會退休或者係令佢可以輕鬆地搵下一家，佢就表示：「一啲都無關係，我講過好多次我依家並無集中處理我嘅未來，我呢一刻只係專注係今晚嘅比賽。」
最後被問到有無其他球會嘅邀請，佢就話大把，唔知大聖爺嘅下一家係邊到呢？但正如佢所講專注左係今晚嘅決戰先⚡️如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場