洲際超級盃今晚深夜登場

洲際超級盃今晚深夜登場

今晚香港時間深夜02:45將會舉行久違嘅洲際國家盃，歐國盃冠軍意大利將會係溫布萊球場迎戰美洲盃冠軍阿根廷，呢場比賽除咗係基亞連尼意大利國家隊告別戰，同埋決一高下奠定「王中王」，其實今場比賽嘅目的係紀念馬勒當拿，因為呢位已經逝世嘅阿根廷球王當年嘅風光歲月正正就係阿根廷同埋意大利度過，所以呢場比賽都係別具意義🙌🏻意大利上年暑假正正就係喺溫布萊球場擊敗英格蘭奪得歐國盃冠軍，但其後喺世界盃外圍賽資格賽卻爆冷輸畀北馬其頓出局，面對有美斯坐陣嘅阿根廷，35歲中堅邦路斯就表示：「佢哋係世界上最好嘅球隊之一，阿根廷係31場比賽不敗，呢個並非巧合同運氣。」「我哋需要最大嘅支持同尊重，我哋一定會重新開始並奠定基礎帶領意大利重返巔峰。」

討論到世界盃資格賽意外出局，續道：「係我哋自己犯下嘅過錯，只需要好少時間就可以給予一個球員發揮獨特嘅作用。我哋感謝美斯對我哋嘅美言，今晚兩支冠軍球隊將會相遇，而我地想交出好表現並將獎盃帶返意大利。」賽前兩隊不斷稱讚對方，某程度上兩隊嘅關係都係千絲萬縷，例如阿根廷方面有唔少球員先後係意大利搵食，包括中堅羅美奧、戴巴拿、迪保羅、拿達路馬天尼斯同未來嘅迪馬利亞，相反意大利都有當拿隆馬、華拉堤係PSG同美斯做隊友👀不過歐洲足球面對南美踢法都係值得一睇，所以今晚除咗要睇香港對馬來西亞嘅友誼賽，仲要留意呢場比賽同烏克蘭對蘇格蘭嘅生死大戰🙌🏻P.s 以賭嘅角度就盡量避免，畢竟呢場比賽都係友誼賽，變幻莫測，睇到嘅朋友就量力而為啦～
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場