干地成功招攬舊部佩列錫

干地成功招攬舊部佩列錫

根據Fabrizio Romano嘅報導，熱刺將會免簽國際米蘭翼衛佩列錫(Ivan Perisic)，雙方將會簽下2年合約🙌🏻現年33歲嘅佩列錫勝任左翼衛位置，曾經係20/21賽季正式同干地合作過，即使年紀較大同主席利維唔係完全中意，但有干地嘅加持成功為熱刺帶來左翼衛👀佩列錫今季係聯賽上陣35場交出8球7助攻，除左聯賽表現好，更加係意大利盃決賽梅開二度，成為奪冠功臣🔥然而，由2015年就效力國米嘅佢，本來季尾就會約滿，但球隊遲遲都無同佢討論續約事宜，去到熱刺積極游說佢轉戰英超先提出延長續約嘅方案，毫無誠意之下被佩列錫決意拒絕❌對於國米失去佩列錫，早前就已經由阿特蘭大先借後買嘅形式引入洛賓高辛斯代替，因此佩列錫雖然有好表現但仍未獲積極續約安排，相信球隊係想年輕化🥱
而對於熱刺引入左翼衛就真係非常直接有效嘅補強，干地3-4-3陣式最重要就係兩隻翼衛，左翼衛嘅列古朗得唔到干地嘅歡心，令干地寧願安排杜靴迪打左邊都唔用佢，後來杜靴迪收咧都係起用施斯隆，所以補強左翼衛係非常重點嘅議題🥵
講到熱刺買人，今季的確「好興奮」，因為熱刺先係成功留住干地，再買左佩列錫，盛傳球隊已經成功收購後備龍門費沙科士打，另外主席利維亦私人注資1.5億鎊買人，令熱刺有望係干地領軍下復興🤪回想返上季利維既唔支援摩連奴買人，又要決賽前炒daddy，然後又要慳錢請紐奴，種種跡象同行為都係連環犯錯，好彩比你請到干地係季中執掌，而現時私人注資1.5億鎊，算係亡羊補牢為時未晚，至少能夠係今季令簡尼自願兼願意留隊，所以繼續留意干地點樣搵意甲兵補強🤣
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場