三獅軍團點兵徵召新人類
三獅軍團今輪點兵徵召兩位新球員，分別係效力李斯特城嘅祖斯天(James Justin)同效力韋斯咸嘅查洛特保雲(Jarrod Bowen)，二人都係首次入選英格蘭大國腳🙌🏻祖斯天20/21賽季係捷維爾離隊後正式上位，穩打穩扎嘅踢法令佢慢慢進步，當時嘅進步亦吸引修夫基入場留意佢嘅表現，然而好景不常，祖斯天係2021年2月受傷，十字韌帶撕裂令佢要休息331日，接近一年時間先係今年1月復出，其後踢左5場又傷出，去到3月先至完全恢復，雖然今季無入球無助攻，但踢開右閘嘅佢能夠擔任左閘，進攻防守未到頂尖但至少勤力同有一定質素，因此恭喜佢能夠首次入選國家隊⚡️作為今季最佳球員候選者之一嘅查洛特保雲，今季聯賽36場12球10助攻，速度突破、比波走位仲有勤力回防，都係佢今季成功冒起嘅主因，對比起前英格蘭兼曼聯雙星嘅拉舒福特同辛祖，保雲願意勤力回防、賣力同團隊合作嘅性格就更勝一籌🔥
話雖如此，其實今輪點兵都係踢歐國聯，一個高級版嘅友誼賽，重點都係比修夫基試一試陣準備12月嘅世界盃，正如上一輪入選嘅獲加彼德斯、泰歷克米曹、古希同干洛加拉查一樣，所以就要睇呢兩位新晉大國腳嘅發揮👀
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hkFacebook: 足球港場
三獅軍團今輪點兵徵召兩位新球員，分別係效力李斯特城嘅祖斯天(James Justin)同效力韋斯咸嘅查洛特保雲(Jarrod Bowen)，二人都係首次入選英格蘭大國腳🙌🏻祖斯天20/21賽季係捷維爾離隊後正式上位，穩打穩扎嘅踢法令佢慢慢進步，當時嘅進步亦吸引修夫基入場留意佢嘅表現，然而好景不常，祖斯天係2021年2月受傷，十字韌帶撕裂令佢要休息331日，接近一年時間先係今年1月復出，其後踢左5場又傷出，去到3月先至完全恢復，雖然今季無入球無助攻，但踢開右閘嘅佢能夠擔任左閘，進攻防守未到頂尖但至少勤力同有一定質素，因此恭喜佢能夠首次入選國家隊⚡️作為今季最佳球員候選者之一嘅查洛特保雲，今季聯賽36場12球10助攻，速度突破、比波走位仲有勤力回防，都係佢今季成功冒起嘅主因，對比起前英格蘭兼曼聯雙星嘅拉舒福特同辛祖，保雲願意勤力回防、賣力同團隊合作嘅性格就更勝一籌🔥
話雖如此，其實今輪點兵都係踢歐國聯，一個高級版嘅友誼賽，重點都係比修夫基試一試陣準備12月嘅世界盃，正如上一輪入選嘅獲加彼德斯、泰歷克米曹、古希同干洛加拉查一樣，所以就要睇呢兩位新晉大國腳嘅發揮👀
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hkFacebook: 足球港場
請按此登錄後留言。未成為會員? 立即註冊