蜜蜂兵團再簽一人重組防線

蜜鋒兵團再簽一人重組防線

四大皆空嘅多蒙特，係告別夏蘭特後頻頻組軍，季中已經確定免簽中堅蘇利，早段時間亦簽下中堅舒洛達碧克同前鋒艾迪耶美，另外仲有辭退教練馬高羅斯，換上技術總監泰錫重新執掌，今日就再從德甲球隊科隆簽下防守中場奧斯簡(Salih Özcan)🐝呢位24歲防守中場球員同球隊簽約4年至2026年6月，多蒙特花費五百萬歐元啟動解約條款，而呢位防中亦視為韋素嘅接班人，今季奧斯簡為科隆上陣31場聯賽交出兩個入球，並協助科隆取得第7名同歐協聯資格。
提到奧斯簡，上一季佢為德國U21贏得歐國盃U21嘅冠軍，但到今季卻決定為土耳其國家隊效力，或者係認為係德國隊有排先上到位，所以先至轉藉👀不過係球會生涯佢就成功上位，今季受到重用後，拍住中場施基里(Ellyes Skhiri)，成功協助科隆由上季嘅第16位提升到第7位，攻防兩端都大有提升，而奧斯簡係後場有能力推生個波，遠射長傳差啲，但至少夠勤力，相信能夠提升蜜蜂兵團嘅防守能力🙌🏻
多蒙特以夏蘭特7500萬歐元嘅解約費，花費5500萬歐元買入4個球員，有消息指多蒙特亦正努力邀請根度簡回巢，你又睇唔睇好「後夏蘭特」時代嘅多蒙特呢🤧
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場