曼聯據報取消季尾年度頒獎禮
根據ESPN嘅報導，基於今季成績達至災難級別，曼聯將會取消年度季尾頒獎禮，變相曼聯連續三季取消季尾頒獎禮，過去兩季取消原因在於疫情，而今季取消嘅原因係因為球員唔想為失禮嘅賽季而慶祝。曼聯仍然要為歐霸盃席位努力，若然曼聯喺星期日輸波而韋斯咸全取3分，曼聯下季將需要轉戰歐協聯。今季聯賽積分亦係近年嘅新低，最多都只係有61分，確實令人慘不忍睹。
提到季尾頒獎禮，當中就會頒發年度最佳球員，過去兩位都係由般奴費南迪斯奪得。根據傳統，頒獎禮會喺奧脫福球場舉行晚宴，而今季因成績差劣而取消，但係獎項會照樣頒出😓
今季成績唔理想，球員、領隊、管理層全部都有責任，取消頒獎禮好聽啲就係球員對慶祝呢個成績感到羞恥，但個人認為更多嘅係唔願意承擔責任。小球會頒獎典禮會包含季票持有人出席，而好似曼聯呢種商業球會唔肯定有無球迷能夠出席，但若然球員能夠係頒獎禮對外表示承認錯誤、承擔今季嘅過失同表達下一季嘅決心，將會係一個好好嘅途徑去安慰球迷同攞返信心士氣，但曼聯球員卻選擇退縮避席，繼續表示球員唔配穿上曼聯球衣然後繼續交出垃圾表現😩當然以上都係根據ESPN嘅報導所寫，但其實頒獎禮亦係對今季球員嘅付出表示肯定同支持，包括多次一個救全家嘅C朗、以一敵隊友同對手嘅迪基亞、般奴同今季有進步嘅Fred，所以取消頒獎禮某程度上都係一個唔理想嘅決定🤷♂️
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
根據ESPN嘅報導，基於今季成績達至災難級別，曼聯將會取消年度季尾頒獎禮，變相曼聯連續三季取消季尾頒獎禮，過去兩季取消原因在於疫情，而今季取消嘅原因係因為球員唔想為失禮嘅賽季而慶祝。曼聯仍然要為歐霸盃席位努力，若然曼聯喺星期日輸波而韋斯咸全取3分，曼聯下季將需要轉戰歐協聯。今季聯賽積分亦係近年嘅新低，最多都只係有61分，確實令人慘不忍睹。
提到季尾頒獎禮，當中就會頒發年度最佳球員，過去兩位都係由般奴費南迪斯奪得。根據傳統，頒獎禮會喺奧脫福球場舉行晚宴，而今季因成績差劣而取消，但係獎項會照樣頒出😓
今季成績唔理想，球員、領隊、管理層全部都有責任，取消頒獎禮好聽啲就係球員對慶祝呢個成績感到羞恥，但個人認為更多嘅係唔願意承擔責任。小球會頒獎典禮會包含季票持有人出席，而好似曼聯呢種商業球會唔肯定有無球迷能夠出席，但若然球員能夠係頒獎禮對外表示承認錯誤、承擔今季嘅過失同表達下一季嘅決心，將會係一個好好嘅途徑去安慰球迷同攞返信心士氣，但曼聯球員卻選擇退縮避席，繼續表示球員唔配穿上曼聯球衣然後繼續交出垃圾表現😩當然以上都係根據ESPN嘅報導所寫，但其實頒獎禮亦係對今季球員嘅付出表示肯定同支持，包括多次一個救全家嘅C朗、以一敵隊友同對手嘅迪基亞、般奴同今季有進步嘅Fred，所以取消頒獎禮某程度上都係一個唔理想嘅決定🤷♂️
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
請按此登錄後留言。未成為會員? 立即註冊