皇馬巴塞聯手拆「車」

皇馬巴塞聯手拆「車」

車路士由上季嘅歐聯冠軍，去到今季陷入多方面嘅麻煩，包括賣盤、被制裁、後場球員被收購同盧卡古事件等等，但其實球隊係今季有世冠盃同歐超盃落袋，聯賽盃同足總盃只差一步，歐聯亦差啲成功逆轉，雖然唔係十全十美，但至少見到球隊已經盡力，而最受影響嘅卻係下一季🥵暫時魯迪加已經確定免簽皇馬，基斯甸臣免簽巴塞，而巴塞亦正努力撬走AZP同馬高斯阿朗素，企圖聯手皇馬一齊瓦解車路士整條後防線。先假設上述轉會都落成，車路士嘅防線將會得返37歲嘅泰亞高施華、查路巴、沙亞、捷維爾、列斯占士同可以打翼衛嘅鶴臣奧度爾、路夫斯卓克同堅尼地(Kenedy)杜曹領軍嘅車路士下季好大機會繼續沿用3中堅陣式，兩閘正選方面絕對會由捷維爾同列斯占士擔任，雖然路夫斯卓克同鶴臣奧度爾可以用作輪換角色，但前者進攻唔識拉邊永遠推前再cut入中路，後者防守力有限，最後堅尼地更加未能係英超立足，所以翼衛位置需要買人去補強🤧
中堅方面現有人選包括施華、查路巴同沙亞，泰亞高施華年紀漸大，需要間唔中輪換休息去保持頂級防守力，查路巴可以頂上，而沙亞就真係要再學習一下先能夠委以重任。中堅位置確實要買人補強，但其實人稱「出租車」嘅車路士可以係下季起用外借到意甲嘅岩柏度(Ethan Ampadu)打右中堅/右閘，仲有今季外借到哈特斯菲爾德嘅高維(Levi Colwill)，呢位19歲小將可以出任左中堅，暫時幫球隊殺入英冠升班資格賽嘅決賽👀
上述考慮都係先假設AZP同阿朗素都會離隊，後防線大改動看似危機處處，但同時有危先有機會比Ampadu同Levi Colwill上位，當然據聞球隊亦正努力收購西維爾中堅觀迪，所以車路士嘅情況其實無想像中咁惡劣，特別係下季干拿加拉加回歸球隊，的確令人期待🙌🏻
如果睇到呢度，不妨follow我地嘅instagram睇到更多唔同嘅足球資訊！IG : Footballarena_hk
Facebook: 足球港場