愛華頓二人紅牌被逐下輸波

愛華頓二人紅牌被逐下輸波

愛華頓主場對戰賓福特，降班區隊伍面對升班馬，愛華頓一開波就全面進攻，希望利用主場優勢壓住對手，而的確愛華頓取得成效，10分鐘就由卡華利雲先入一球，但18分鐘賓福特後場一腳長傳，艾雲東尼衝前接應，愛華頓19歲中堅比夫韋特拉跌左東尼，因為破壞單刀兼最後一人，直接被判紅牌離場，愛華頓要10人應戰🥵賓福特利用人數優勢反壓返主隊，37分鐘韋沙係左邊邊線前出波，但隊長高文解圍撞入自己龍門。被追平嘅愛華頓竟然仲未死得，臨完半場前李察利臣博到十二碼兼主射得手，10人應戰上半場竟然能夠領先😂
下半場愛華頓重新站穩陣腳，主導進攻節奏，62分鐘一次角球攻勢，韋沙壓過入球攻臣李察利臣頂入，成功追平2比2，賓福特進攻一浪接一浪，64分鐘諾加特右路斬去尾柱，安東尼哥頓走甩咗列高亨利，愛華頓2分鐘由贏變輸。
林柏特為左攞分先後換入格雷同莊祖堅尼，將陣形扭成4-2-3，然而進攻不果更加有朗當嘅魯莽犯規，88分鐘朗當搶截皮球雙腳飛鏟印中列高亨利小腿，直接紅牌離場，9人應戰嘅愛華頓最終2比3落敗比賓福特，雖然有兩人紅牌被逐，但幸好嘅係兩位球員都唔係主力球員，對於護級仲有兩場機會，你哋又睇唔睇好愛華頓能夠護級成功呢👀如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場