熱刺半場解決北倫敦打吡

熱刺半場解決北倫敦打吡

手持4分差距兼作客熱刺大球場嘅阿仙奴，今場保持一貫後場搓上去嘅踢法，但今日卻被熱刺逼搶針對，令到蘇亞利斯同艾蘭尼係上半場都有幾次交失波。去到22分鐘，蘇亞利斯從後推跌孫興慜，哈利簡尼主射十二碼先開紀錄⚡️今日嘅蘇亞利斯未能夠單防孫仔，所以阿迪達亦預先安排中堅賀定處理孫仔，26分鐘已經第三次犯規被球證黃牌警告，33分鐘更加被球證認為賀定搶截皮球時向孫興慜批踭，直接兩黃一紅被逐😨
阿仙奴10人應戰之下，正當阿迪達係到諗緊點調動，4分鐘後一次角球攻勢，哈利簡尼把握到尼基迪亞嘅企位失誤，門前加多一頭，37分鐘已經梅開二度🔥
下半場阿仙奴先按兵不動，但開波2分鐘簡尼係禁區做支點，勉強傳到比孫興慜撞射攻入第3球，熱刺領先到3球，阿仙奴反勝機會無望，阿迪達下半場嘅部署就係放棄右路，薩卡同馬天尼利同時集火左路，但打少一個確實難以反撲，最終熱刺3比0擊敗阿仙奴贏下北倫敦打吡，同阿仙奴拉近到1分距離😳至於阿仙奴今場除左輸波，下場更加有賀定兩黃一紅停賽，加比爾今日亦傷出，一對中堅位置要再重新配置，加上打吡戰落敗士氣低落，再一次考驗阿迪達嘅能力☹️
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場