曼聯大勝中的四大焦點

足球港場 於 03/05/2022 發表 收藏文章
《曼聯主場告別戰👺》
loading

賽前我諗所有人都知道曼聯已經係爭四無望,最近六場聯賽更五場失分🤦🏻‍♂️迎來今季最後一場主場賽事,大家都希望能夠有所反彈,好好答謝主場球迷,面對最近狀態上佳,擁有艾歷臣的「不敗」隊伍,本以為會係硬仗一場甚至落敗🤨結果3比0大勝對手,縱觀全場比賽成功做到蘭sir不時提及的控制比賽,贏得全季最有說服力一戰🤭
焦點1️⃣:蘭sir賽前已表明就算係最後一場主場賽事,也不會以「獎賞形式」出人,有狀態及能帶來貢獻為出人準則!怎料,一直了無機會的馬達本季首次正選上陣🤩不斷的比波走位,恰到好處的決定,積極回防,以教材的表現展示比一班大帝睇咩叫曼聯球員!一次妙絕的反擊助攻C朗,可惜被判越位詐糊,帶來唯一的不完美🥲
焦點2️⃣:曼聯季尾狀態極差,加上不少球員受傷缺戰,馬迪場場擔正下,場場有貨交,上兩仗更兩次靚助攻C朗👏🏻👏🏻可惜,早兩星期馬迪已於社交媒體宣布完季離隊,對於本身仲有一年合約嘅佢,此舉耐人尋味😶完場後,馬迪及馬達皆走到場邊與球迷道別👋🏻相信係現階段曼聯天殘地缺的陣容之中,球迷一定會好掛住佢兩個中場大師😭
焦點3️⃣:C朗又有波入,今季暫時聯賽入18⚽️英超排第三👏🏻👏🏻最近五場入六球,狀態不俗。相信話C朗就係曼聯問題嘅批評者,最近都已經完全冇聲出了😶我諗大家都想像唔到如果季尾冇C朗,要用福頭擔正,後果係會有幾咁不堪設想,而今仗入球後嘅C朗慶祝時指指自己,再指指地下,彷彿係暗示下季會繼續喺度?🔥💪🏻
焦點4️⃣:今季的其中一位星級收購華拉尼終於取得加盟後首個入球⚽️記得2月對般尼一戰,華拉尼曾頂破敵軍大們,但被麥龜單擋越位吹走!今場冇左麥龜,唔怕team kill, 成功接應角球射入!適應英超需時,期望佢遠離傷患,能夠重拾高峰🔥
📍至於連王就….祝佢新一季能夠喺第二度發光發亮🥲
如果睇到呢度,不妨follow我地嘅instagram睇到更多唔同嘅足球資訊!
IG : Footballarena_hk
Facebook: 足球港場
loading

留言


請按此登錄後留言。未成為會員? 立即註冊
    快捷鍵:←
    快捷鍵:→