曼聯深夜3點鬥賓福特

足球港場 於 02/05/2022 發表 收藏文章
曼聯深夜3點鬥賓福特⚡️
👹曼聯 對 賓福特🐝
loading

曼聯上一場縮後防守鬥車路士取得成效,成功逼和車路士,確實比起過往打得好左,但同時車路士亦都無運,皮球係曼聯門前飛嚟飛去真係差少少就失第2球,而C朗拿度再一次救全家,呢個年紀呢個入球數呢個把握力真係無野好挑剔,然而今晚曼聯能唔能夠再攞到分呢😈
今場嘅傷兵名單同上場一樣,馬迪繼續要踢足90分鐘,而上場繼續無狀態嘅福仔有望由馬達代替,馬達嘅無球走動對打破鐵桶陣有一定幫助,不過曼聯對鐵桶陣一向無計,所以主隊都係睇低一線🤏
賓福特方面上場0比0逼和熱刺,事實上係賓福特痛失2分,因為熱刺門前風聲鶴唳,艾雲東尼兩次頭鎚僅僅中柱彈出,艾歷臣開嘅角球猶如有精準導航,面對力爭前四嘅熱刺都打到咁,何況係曼聯?
今晚作客奧脫福球場,右翼衛簡奴斯同左中堅碧諾克繼續傷出,但替補嘅貝治同羅亞舒夫(Mads Roerslev)活力十足,至於中場諾加特繼續上陣成疑,然而領隊法蘭克賽前表示:「C朗拿度當然係世上最佳射手之一,而我地將會中斷所有對C朗嘅供應。」法蘭克講得出絕對做得到,三中場緊密連繫,客隊防守反擊再靠角球死球攻勢入球,賓福特有望取得5場不敗紀錄🔥
預測賽果💡
賓福特勝🙌🏻
如果睇到呢度,不妨follow我地嘅instagram睇到更多唔同嘅足球資訊!
IG : Footballarena_hk
Facebook: 足球港場
loading

留言


請按此登錄後留言。未成為會員? 立即註冊
    快捷鍵:←
    快捷鍵:→