帶「槍」侍衛入球上前四

帶「槍」侍衛入球上前四

阿仙奴作客倫敦打吡戰，雖然賓韋特賽前因傷避戰，賀定臨危受命，但今日賀定唔單止防守穩固，更加有進攻嘅能力，38分鐘接應薩卡開出嘅角球頂入，攻入征戰英超6年以嚟第一個入球🔥然而韋斯咸今場同阿仙奴平分秋色，45分鐘一次反擊由查洛保雲攻入追平一球，上半場1比1入更衣室🤝
下半場韋斯咸繼續有機會，特別係阿仙奴左閘泰華利斯經常傳啲醫院波，52分鐘更加因為佢傳球失誤導致單刀機會，不過門將藍斯度出迎時並無碰到查洛保雲就跌低，被球證判罰插水黃牌一張😳阿仙奴大難不死後，55分鐘由加比爾頂入第二球，一對中堅都有入波，為球隊奠定2比1勝局⚡️
賽後阿仙奴以63分壓過熱刺升上第四，下週將會鬥列斯聯，但右邊嘅富安健洋同薩卡都傷出，爭四直路𣊬間變得唔樂觀😟同時間韋斯咸輸波正式同前四緣盡，歐霸盃冠軍成為唯一出路，希望今晚嘅激戰唔會影響到週中對法蘭克福嘅次回合🙌🏻如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場