阿仙奴終止連敗大勝反底

阿仙奴終止連敗大勝反底✅

深夜上演嘅倫敦打吡，卻形成另類嘅「深夜西波」，因為今日車路士同阿仙奴上半場非常失神非常混亂，亂鬥亂之下大開大合😳作客嘅阿仙奴今日排出4-2-3-1陣式，右閘用上賓韋特，防中選用艾蘭尼，前鋒由尼基迪亞擔任，而今日佢狀態大勇，13分鐘阿仙奴後場一次大腳前傳，本來攞晒身位嘅基斯甸臣想回後，但比嘅力度唔湯唔水，結果由尼基迪亞搶到兼單刀破門⚡️落後嘅車路士唔能夠接受失利，4分鐘後由路夫斯切克搶到皮球後立即傳比添姆雲拿，雲拿係左路拖入中路禁區外施射，皮球省到沙卡小腿改變方向射入，𣊬間追平比分🤝
而今日車路士上半場嘅失利，杜曹選用沙亞都有一定責任，因為佢應付唔到薩卡仔係右路嘅突破，27分鐘更加由薩卡右路傳中，奧迪加特拖一步比後上嘅史密夫路維撞射入網，阿仙奴再度超前🥵不過呢個入球有趣嘅係源自於阿仙奴後場嘅失誤，側面反映今場比賽嘅混亂程度💩
去到32分鐘車路士左路接近禁區3打3搶贏左，蒙特拐兩拐傳中，尾柱嘅艾斯派古達襯泰華利斯唔集中，衝向前柱射入，兩隊入更衣室前再度打和😂
下半場車路士見狀收起今日失誤嘅基斯甸臣，換入泰亞高施華，目的就係要限制尼基迪亞，不過今日沙亞嘅表現真係水準以下，57分鐘艾斯派古達後場傳失，泰華利斯傳入禁區，本來泰亞高施華已經鏟走皮球，但沙亞無準備好，皮球反彈到尼基迪亞腳下，個人梅開二度兼為阿仙奴第三位領先🤣
車路士其後即使換入夏域斯同薛耶治亦無力回天，艾斯派古達禁區侵犯薩卡仔輸十二碼，再由薩卡主射入網奠定4比2作客擊敗車路士嘅勝局，賽後阿仙奴現時同熱刺都係57分，爭四重燃希望🔥如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場