曼城已經準備好買斷夏蘭特

曼城已經準備好買斷夏蘭特🙌🏻

根據Sky Sports嘅報道，曼城已經準備好觸發7500萬歐元嘅解約條款，並會喺今個夏天將夏蘭特帶到曼市👹曼城一直喺夏蘭特爭奪戰占上絕對嘅優勢，因為夏蘭特嘅經理人係吸血鬼拉奧拿，皇馬亦因高昂嘅叫價同簽約費最後打消念頭，而據報曼城將會為21歲嘅夏蘭特提供500,000鎊周薪🤯
今季開打之前曼城曾經向熱刺報價接近一億三千萬英鎊，亦未能夠將哈利簡尼帶到曼城，令到哥迪奧拿只能夠排出無鋒陣，而今個賽季亦打得爐火純青，聯賽23勝5和3負，74分劍指英超冠軍🏆然而現時斥巨資收購夏蘭特，係咪哥迪奧拿心目中最後一塊拼圖呢🤥
夏蘭特自2020年1月加盟多蒙特後入球無數，聯賽場均接近攻入一球，步大力雄加上速度爆破就係佢嘅招牌，但呢個沉重身軀配上爆炸式嘅踢法，亦係夏蘭特嘅潛在風險，因為今季直到現時佢只係為球隊上陣20場聯賽，聯賽上陣率66.6%，1月時肌肉受傷亦令多蒙特失去核心，歐霸盃32強出局，挪威國家隊亦係世盃外分組賽排係第3，因此阻礙夏蘭特成為球王嘅問題唔係佢嘅能力，而係要克服傷患🥺固然曼城已經有一套體系，即使夏蘭特來投後受傷，曼城亦可以沿用現時嘅無鋒陣頂替，不過以超高價購入有傷患歷史嘅夏蘭特就未必划算🧐
不過曼城最唔缺乏嘅係咩呢，就係錢😂而夏蘭特嘅來臨的確會令曼城戰術變得更全面，參考今季曼城對修咸頓同白禮頓嘅兩場比賽，曼城所有武器盡出，但仍然未能全取3分，兩邊不斷傳中，正正就係缺乏一個正前鋒喺禁區內接應，因此即使夏蘭特有傷患困擾，但以身體質素同入球能力能夠令曼城進攻戰術全面進化，只係價錢上未必划算🎯
你哋又睇唔睇好佢能夠頂替阿古路，成為曼城嘅新正前鋒呢🤣如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場